Kalyani Priyadarshan | ഹെയർ ഒരൽപം ഷോർട്ട്, ലുക്കിൽ കുറച്ച് ഹോട്ട്; കല്യാണി പ്രിയദർശൻ മേക്കോവർ

'വരനെ ആവശ്യമുണ്ട്' സിനിമയിലെ നിക്കി എന്ന നിഖിതയായി വന്നത് മുതൽ മലയാള സിനിമയെ ഇഷ്‌ടപ്പെടുന്ന യൂത്തിന് ഒരു പുതിയ യൂത്ത് ഐക്കൺ ഉണ്ടായി; കല്യാണി പ്രിയദർശൻ (Kalyani Priyadarshan). സിനിമാ കുടുംബത്തിലെ അംഗമാണെങ്കിലും, രസമുള്ള കഥാപാത്രങ്ങളുമായി കല്യാണിക്ക് യുവ തലമുറയുടെ ഇടയിലേക്ക് എത്തിച്ചേരാൻ സാധിച്ചു എന്നതിൽ തർക്കമില്ല. കല്യാണി ഇതാ ന്യൂ ലുക്കിൽ

'കാട്ടാളൻ പൊറിഞ്ചു' എന്ന നായക വേഷത്തിനു ശേഷം ജോജു ജോർജ് ജോഷിക്കൊപ്പം ചേരുന്ന 'ആന്റണി' എന്ന സിനിമയ്ക്ക് വേണ്ടിയാണ് കല്യാണിയുടെ ഈ രൂപമാറ്റം. 'പുതിയ സിനിമ, പുതിയ വേഷം, പുതിയ കേശാലങ്കാരം' എന്ന് കല്യാണി ചിത്രങ്ങൾക്ക് ക്യാപ്‌ഷൻ നൽകി (തുടർന്ന് വായിക്കുക)

ഈ സിനിമയിൽ കല്യാണിയെ കൂടാതെ നൈല ഉഷ, ആശ ശരത് എന്നിവർ പ്രധാന സ്ത്രീകഥാപാത്രങ്ങളാണ്. സിനിമയുടെ ചിത്രീകരണം ആരംഭിച്ചു കഴിഞ്ഞു

ബീജ് നിറമുള്ള കോളർ നെക്ക് വസ്ത്രവും, ഇടതു കയ്യിൽ അണിഞ്ഞ മെറ്റാലിക് വാച്ചും ചേർന്ന് മിനിമൽ ലുക്കിലാണ് കല്യാണി. തലമുടി തോളൊപ്പം മുറിച്ചു. കാതിൽ കമ്മലും കൂടി ചേർന്നാൽ ലുക്ക് പൂർണം. ചിത്രങ്ങൾ ഇൻസ്റ്റഗ്രാം പേജിലെ ലക്ഷക്കണക്കിന് ആരാധകർക്ക് മുന്നിൽ കല്യാണി പോസ്റ്റ് ചെയ്‌തു

കീർത്തി സുരേഷ്, നൈല ഉഷ തുടങ്ങിയ കൂട്ടുകാരികൾ കല്യാണിയുടെ ന്യൂ ലുക്കിന് അഭിനന്ദനവുമായെത്തി. താൻ ഉടൻ തന്നെ ആന്റണിയുടെ സെറ്റിൽ എത്തിച്ചേരും എന്ന് കല്യാണി വ്യക്തമാക്കി

'തല്ലുമാല' സിനിമയുടെ വമ്പൻ വിജയത്തിന് പിന്നാലെ 'ശേഷം മൈക്കിൽ ഫാത്തിമ' എന്ന ചിത്രത്തിലും കല്യാണി മുഖ്യവേഷം ചെയ്യുന്നുണ്ട്. കൃഷ് 3യിൽ സാബു സിറിളിന്റെ അസിസ്റ്റന്റ് പ്രൊഡക്ഷൻ ഡിസൈനറായാണ് കല്യാണിയുടെ സിനിമാ ജീവിതത്തിനു തുടക്കം