Keerthy Suresh | വിവാഹം ആരുമായി, എപ്പോൾ, എങ്ങനെ? കീർത്തി സുരേഷിന്റെ പ്രതികരണം

സ്കൂൾ കാലം മുതലുള്ള സുഹൃത്തായ, അതിസമ്പന്നനായ റിസോർട്ട് ഉടമയുമായി നടി കീർത്തി സുരേഷിന്റെ (Keerthy Suresh) വിവാഹം ഉണ്ടാകുമെന്ന് റിപ്പോർട്ട് വന്നിട്ട് കുറച്ചു മാസങ്ങൾ മാത്രമേ ആയുള്ളൂ. പലപ്പോഴായി കീർത്തി വിവാഹം ചെയ്യുമെന്ന് സ്ഥിരീകരിക്കാത്ത റിപോർട്ടുകൾ പുറത്തുവന്നിട്ടുണ്ട്. സിനിമയ്ക്കകത്തും പുറത്തുമുള്ള നിരവധി പേരുടെ പേരുകൾ കീർത്തിയുടെ വരന്റെ സ്ഥാനത്ത് കേൾക്കുകയുമുണ്ടായി

കഴിഞ്ഞ പത്തു വർഷമായി കീർത്തിയും സുഹൃത്തും പ്രണയത്തിലായിരുന്നു എന്നാണ് റിപ്പോർട്ടിലെ പരാമർശമുണ്ടായത്. ഈ വേളയിൽ കീർത്തിയുടെ അമ്മ മേനകയും പ്രതികരിച്ചിരുന്നു. എന്നാൽ ഏറെ നാളുകൾക്കു ശേഷം ആരുമായി, എപ്പോൾ, എങ്ങനെ വിവാഹം എന്നൊക്കെ ആലോചിച്ചു തലപെരുകുന്നവർക്കു ഒടുവിൽ കീർത്തി തന്നെ മറുപടി നൽകിക്കഴിഞ്ഞു (തുടർന്ന് വായിക്കുക)

അടുത്തിടെ പുറത്തിറങ്ങിയ, നാനി നായകനായ 'ദസറ' എന്ന സിനിമയുടെ വിജയത്തിലും സന്തോഷത്തിലുമാണ് കീർത്തി ഇപ്പോൾ. ഈ പശ്ചാത്തലത്തിൽ നടത്തിയ ഇൻസ്റ്റഗ്രാം ചോദ്യോത്തരവേളയിലാണ് കീർത്തിയുടെ പ്രതികരണം

നടൻ വടിവേലു മുണ്ടുമടക്കിക്കുത്തി നിൽക്കുന്ന ഒരു ഗ്രാഫിക് ചിത്രമാണ്, 'എബൗട്ട് യുവർ മാരേജ്' എന്ന ചോദ്യത്തിനുത്തരമായി കീർത്തി നൽകിയിട്ടുള്ളത്. ഈ ചോദ്യം കീർത്തിയെ എത്രത്തോളം അലോസരപ്പെടുത്തുന്നു എന്നതിനുദാഹരണമാണ് ഈ ചിത്രം

റിസോർട്ട് ഉടമയുമായുള്ള കീർത്തിയുടെ വിവാഹമുണ്ടാകുമെന്ന വാർത്ത വന്നതും ആ റിപ്പോർട്ടുകളെ അമ്മ മേനക നിരാകരിച്ചിരുന്നു. ആ വാർത്തയിൽ തരിമ്പു പോലും സത്യമില്ല എന്നുമാത്രമേ മേനകയ്ക്കു പറയാനുണ്ടായിരുന്നുള്ളൂ

വാർത്ത സത്യമല്ലെന്ന് മാത്രമല്ല, താൻ അതേക്കുറിച്ച് സംസാരിക്കാൻ താല്പര്യപ്പെടുന്നില്ല എന്നും മേനക വ്യക്തമാക്കി. സിനിമാ ലോകത്ത് തിരക്കിൽ നിന്നും തിരക്കിലേക്ക് പാറിപ്പറക്കുന്ന നടിയാണ് കീർത്തി സുരേഷ്

മലയാളത്തിൽ ടൊവിനോ തോമസ് നായകനായ 'വാശിയാണ്' കീർത്തിയുടെ ഏറ്റവും ഒടുവിലത്തെ ചിത്രം. 'മാമന്നൻ', 'സൈറൺ', 'രഘു താത്ത', റിവോൾവർ റീത്ത' തുടങ്ങിയ സിനിമകളിൽ കീർത്തി നായികയാണ്

ഇൻസ്റ്റഗ്രാമിലെ ചോദ്യോത്തരവേളയിൽ കീർത്തി നൽകിയ മറുപടി