Keerthy Suresh | ഫർഹാൻ ആരാണ് എന്ന അഭ്യൂഹങ്ങൾക്ക് വിട; മറുപടിയുമായി കീർത്തി സുരേഷ്

കുറച്ചു കാലമായി കീർത്തി സുരേഷിനെ (Keerthy Suresh) വിവാഹം കഴിപ്പിക്കാനുള്ള വ്യഗ്രതയിലാണ് സോഷ്യൽ മീഡിയ. ഒരുപക്ഷേ മേനകയും സുരേഷ് കുമാറും പോലും മകളുടെ ഭാവിയെക്കുറിച്ച് ചിന്തിക്കുന്നതിലേറെ ഉൽകണ്ഠ ഉണ്ടെന്നു തോന്നും ഇതിൽ പല റിപ്പോർട്ടുകളും പ്രവചനങ്ങളും കണ്ടാൽ. ഏറ്റവും ഒടുവിലായി 'വരനെ' കൂടി കണ്ടുപിടിച്ചിരുന്നു. മഞ്ഞ ഷർട്ടിട്ട് കീർത്തിക്കൊപ്പം നിൽക്കുന്ന യുവാവാണ് ഇക്കുറി വാർത്തകളിൽ ഇടം നേടിയത്

ഫർഹാൻ ബിൻ ലിയാഖത് എന്ന ദുബായ് ബിസിനസ് മാനാണ് കീർത്തിയുടെ ഒപ്പമുള്ള ചിത്രത്തിൽ ഇടം നേടിയത്. ഇവർ വളരെ വർഷങ്ങളായി ഡേറ്റിംഗ് ആണെന്നും, പ്രണയം കൊടുമ്പിരി കൊള്ളുന്നുവെന്നും, ഉടൻ വിവാഹം ഉണ്ടാകുമെന്നും റിപോർട്ടുകൾ പരന്നു. തനിക്ക് ഫർഹാൻ ആരെന്നുള്ള ചോദ്യത്തിന് കീർത്തി മറുപടിയുമായി നേരിട്ട് രംഗത്തെത്തിക്കഴിഞ്ഞു (തുടർന്ന് വായിക്കുക)

പലപ്പോഴായി വിവാഹം, കാമുകൻ വാർത്തകൾ വന്നിരുന്നതിനാൽ സ്ഥിരമായി പ്രതികരിക്കാൻ കീർത്തി കൂട്ടാക്കിയിരുന്നില്ല. പക്ഷേ ഇക്കുറി കീർത്തി മാറി ചിന്തിച്ചു. ട്വിറ്റർ വഴി ആരാണ് തന്റെയൊപ്പമുള്ള 'നിഗൂഢ പുരുഷൻ' എന്ന് കീർത്തി വ്യക്തമാക്കിയത്

ദേശീയ മാധ്യമങ്ങളാണ് കീർത്തിയുടെ കാമുകനാണ് ഫർഹാൻ എന്ന് ആദ്യമേ റിപോർട്ടുകൾ പടച്ചുവിട്ടത്. ഇതിന്റെ ചുവടുപിടിച്ച് മറ്റിടങ്ങളിലും റിപോർട്ടുകൾ പ്രചരിച്ചു. ഇതിൽ ഒരു വാർത്തയുടെ ലിങ്ക് അടങ്ങിയ ട്വീറ്റ് ചേർത്താണ് കീർത്തി പോസ്റ്റ് ചെയ്തത്. ഈ വാർത്താ ലിങ്ക് പിൻവലിച്ചതായി കാണപ്പെടുന്നു

'എന്റെ പ്രിയ സുഹൃത്തിനെ ഇതിലേക്ക് വലിച്ചിടേണ്ട കാര്യമില്ല. നിഗൂഢ പുരുഷൻ ആരെന്ന് സമയമാകുമ്പോൾ ഞാൻ തന്നെ അറിയിക്കും. അതുവരെ സമാധാനത്തോടെ ഇരിക്കുക' എന്നാണ് കീർത്തിയുടെ മറുപടി

'നാനി'യുടെ ദസറ എന്ന സിനിമയിലെ പ്രകടനത്തിന് കീർത്തിക്ക് മികച്ച പ്രതികരണം ലഭിച്ചു വരികയാണ്. ഇതിലെ ഗാനവും സൂപ്പർ ഹിറ്റായി മാറിക്കഴിഞ്ഞു

മലയാളത്തിൽ ടൊവിനോ തോമസ് നായകനായ 'വാശി' എന്ന സിനിമയിലാണ് ഏറ്റവും ഒടുവിൽ കീർത്തിയെ കണ്ടത്. അന്യഭാഷാ സിനിമകളിൽ കീർത്തി സജീവമാണ്

കീർത്തി സുരേഷ് അച്ഛൻ സുരേഷ് കുമാർ, അമ്മ മേനക, സഹോദരി രേവതി സുരേഷ്, സഹോദരീ ഭർത്താവ് നിതിൻ എന്നിവർക്കൊപ്പം. രേവതിയുടെ വിവാഹം കഴിഞ്ഞത് മുതൽ കീർത്തിയുടെ വിവാഹക്കാര്യം പലപ്പോഴായി വാർത്തകൾക്ക് പാത്രമായിട്ടുണ്ട്