Kiara Advani | സിമ്പിൾ ലുക്ക് മാത്രമേ ഉള്ളൂ, ഭയങ്കര വിലയാ; വധു കിയാരാ അദ്വാനിയുടെ ഷോളിനും ബാഗിനും എത്രരൂപയെന്ന്‌ നോക്കൂ

നടി കിയാരാ അദ്വാനിയുടെയും (Kiara Advani) സിദ്ധാർഥ് മൽഹോത്രയുടെയും (Sidharth Malhotra) വിവാഹത്തിന് നിമിഷങ്ങൾ എണ്ണിയുള്ള കാത്തിരിപ്പിലാണ് ആരാധകർ. നടി വിവാഹവേദിയായ ജയ്സാൽമാരിലേക്ക് യാത്ര തിരിച്ച വീഡിയോയും ചിത്രങ്ങളും സോഷ്യൽ മീഡിയയിൽ തരംഗം തീർത്തിരുന്നു. കിയാരക്കൊപ്പം ഡിസൈനർ മനീഷ് മൽഹോത്രയും സന്നിഹിതനായിരുന്നു

ഒരു വെള്ള കുർത്തയും ബോട്ടവും, പിങ്ക് ഷോളുമായിരുന്നു കിയാരായുടെ വേഷം. ഷോൾ പുതച്ച നിലയിലാണ് കിയാര യാത്ര പുറപ്പെട്ടത്. തോളത്തു സ്വർണനിറമുള്ള ഒരു ബാഗും ഉണ്ടായിരുന്നു. പാപ്പരാസികൾക്കു മുൻപിൽ കിയാരാ പോസ് ചെയ്യുകയും ചെയ്‌തു. എന്നാൽ ലുക്കിൽ മാത്രമേ ഇത്രയും സിംപ്ലിസിറ്റി ഉള്ളൂ. വിലയുടെ കാര്യത്തിൽ ഇല്ല (തുടർന്ന് വായിക്കുക)

രണ്ടും വിദേശ നിർമിത ആഡംബര ബ്രാന്ഡുകളുടേതാണ്. ഡോളറുകൾ വിലയുള്ള ഇവ ഇന്ത്യയിൽ വാങ്ങണമെങ്കിൽ, ചെറിയ തുകയൊന്നും നൽകിയാൽ പോരാ

'പ്രദ'യുടെ വിലയേറിയ ഷോൾഡർ ബാഗാണ് കിയാരയുടെ പക്കലുള്ളത്. 2950 ഡോളറുകൾ വിലയുള്ള ഈ ബാഗിന് 2,44,080.20 രൂപയാണ് നൽകേണ്ടത്

ഷോളും വിലയുടെ കാര്യത്തിൽ അത്ര പിറകിലല്ല. 1050 ഡോളർ വിലയുള്ള ഹെർമീസ് ഷോളാണ് ഇത്. 86,861.30 രൂപയാണ് ഇവിടുത്തെ നിരക്ക്

ജയ്സൽമാരിലെ ആഡംബര കൊട്ടാരത്തിൽ നടക്കുന്ന വിവാഹ ചടങ്ങുകൾ ഫെബ്രുവരി ആറിനാണ് എന്നാണ് റിപ്പോർട്ട് വന്നെങ്കിലും, വിവാഹ ചടങ്ങുകൾ നടക്കുക ഫെബ്രുവരി ഏഴിനാവും എന്ന് ഏറ്റവും പുതിയ റിപോർട്ടുകൾ പറയുന്നു