Kiara Advani wedding | താര വിവാഹങ്ങളിൽ 'നയൻ‌താര എഫക്ടോ'? കിയാരാ അദ്വാനിയുടെ വിവാഹാഭരണങ്ങളിൽ കാണുന്നത്

രാജസ്ഥാനിലെ ജയ്സൽമാരിൽ വിവാഹം ചെയ്ത നടി കിയാരാ അദ്വാനിയും (Kiara Advani) സിദ്ധാർഥ് മൽഹോത്രയും (Sidharth Malhotra) വിവാഹ ചടങ്ങിന്റെ ആദ്യ ചിത്രങ്ങൾ പോസ്റ്റ് ചെയ്തു. ഒരു ചിത്രത്തിൽ സിദ്ധാർഥ് കിയാരയെ ചേർത്ത് നിർത്തി മുത്തം നൽകുന്ന കാഴ്ചയാണ്. 'ഷേർഷാ' എന്ന സിനിമയുടെ സെറ്റിൽ വച്ച് മൊട്ടിട്ട പ്രണയം കഴിഞ്ഞ ദിവസം വിവാഹത്തിൽ എത്തുകയായിരുന്നു

പേസ്റ്റൽ നിറത്തിലെ വസ്ത്രങ്ങളാണ് കിയാരയും സിദ്ധാർഥും ധരിച്ചത്. പിങ്ക് ലെഹങ്ക ആയിരുന്നു കിയാരയുടെ വേഷം. സിദ്ധാർഥ് ആകട്ടെ, ക്രീം ഷെർവാണിയും ധരിച്ചിരുന്നു. എന്നാൽ പലർക്കും കണ്ണുടക്കുക നയൻ‌താരയുടെ വിവാഹത്തിന്റെ ഓർമകളാവും. അതിന് കിയാരയിലേക്ക് നോക്കിയാൽ മതി (തുടർന്ന് വായിക്കുക)

പച്ച നിറത്തിലെ വലിയ കല്ലുകൾ പതിച്ച ആഭരണങ്ങളാണ് നയൻസ് അണിഞ്ഞത്. അതുപോലെത്തന്നെയുള്ള നെക്‌ളേസ്‌ ആണ് കിയാരയുടെ കഴുത്തിലും തിളങ്ങിയത് എന്നത് ശ്രദ്ധേയം. നയൻസിന്റെ വിവാഹശേഷം ഈ നെക്‌ളേസ്‌ എങ്ങും ട്രെൻഡിംഗ് ആയി മാറിയിരുന്നു

കിയാര അദ്വാനിയും സിദ്ധാർത്ഥ് മൽഹോത്രയും രാജസ്ഥാനിലെ ജയ്‌സാൽമീറിനടുത്തുള്ള സൂര്യഗഡ് റിസോർട്ടിൽ വച്ചാണ് വിവാഹിതരായത്. കിയാരയും സിദ്ധാർത്ഥും തങ്ങളുടെ 'ഫെറാസ്' കൈമാറുമ്പോൾ വളരെ അടുത്ത കുടുംബാംഗങ്ങളും സുഹൃത്തുക്കളും മാത്രമായിരുന്നു പങ്കെടുത്തത്

ന്യൂഡൽഹിയിൽ നിന്നുള്ള ഒരു വിവാഹ ബാൻഡ് വിവാഹവേദിയിലെത്തി. പരമ്പരാഗത വെള്ളക്കുതിരയിലാണ് വരൻ രംഗപ്രവേശം ചെയ്തത്. വിവാഹത്തിന് മുമ്പുള്ള ആഘോഷങ്ങളിൽ മെഹന്ദി, സംഗീത്, ഹൽദി എന്നിവ ഉൾപ്പെടുന്നു

കിയാര അദ്വാനിയുടെയും സിദ്ധാർത്ഥ് മൽഹോത്രയുടെയും വിവാഹത്തിൽ ഷാഹിദ് കപൂറും മീരാ രജ്പുത്തും, കരൺ ജോഹർ, ഇഷ അംബാനി, ആനന്ദ് പിരമൽ, ഭർത്താവ് ജയ് മേത്തയ്‌ക്കൊപ്പം ജൂഹി ചൗള എന്നിവരും പങ്കെടുത്തു. കബീർ സിംഗ് എന്ന സിനിമയിൽ ഷാഹിദും കിയാരയും ഒരുമിച്ച് അഭിനയിച്ചിരുന്നു