100 രൂപയുമായി വീട്ടിൽ നിന്നും പോയ ഒന്നാം ക്‌ളാസ്സുകാരൻ മടങ്ങിയെത്തിയത് 150 രൂപയും നാല് കോഴിക്കുഞ്ഞുങ്ങളുമായി

വീട്ടിൽ നിന്നും നൂറു രൂപയുമായി പോയ ഒന്നാം ക്‌ളാസ്സുകാരൻ മടങ്ങിയെത്തിയത് 150 രൂപയും നാല് കോഴിക്കുഞ്ഞുങ്ങളുമായി. ട്വിറ്ററിൽ പ്രചരിച്ച രസകരമായ ഒരു ട്വീറ്റിൽ നിന്നുമാണ് ഈ കഥ ഏവരും അറിഞ്ഞത്. തന്റെ കസിന്റെ കഥയാണ്  ട്വിറ്റർ ഉപയോക്താവ് വിവരിച്ചത്. സംഭവമിങ്ങനെ:

പണവുമായി കുട്ടി പോയത് സ്കൂളിലേക്കാണ്. സ്കൂളിന് പുറത്ത് കുട്ടികൾ ഒരു കോഴിക്കുഞ്ഞിന് 25 രൂപ എന്ന നിലയിൽ വാങ്ങുകയായിരുന്നു. എന്നാൽ കോഴിക്കുഞ്ഞുങ്ങളെ കയ്യിലെടുത്ത കുട്ടികൾ പേടിച്ച് അവയെ തുറന്ന് വിടുകയായിരുന്നു

ആ കോഴിക്കുഞ്ഞുങ്ങളെ കുട്ടി ഓടിച്ചെന്ന് എടുത്ത് തന്റെ സഞ്ചിയിലാക്കി. ശേഷം അവയെ വിറ്റ ആളിന്റെ പിന്നാലെ കുട്ടി ഓടി. കോഴിക്കുഞ്ഞുങ്ങളെ അയാൾ തിരികെ എടുത്തു. ഒപ്പം കുട്ടിക്ക് ഒരു സമ്മാനവും ലഭിച്ചു

നാല് കോഴിക്കുഞ്ഞുങ്ങളും, പാരിതോഷികമായി 50 രൂപയുമാണ് കുട്ടിക്ക് കിട്ടിയത്. പക്ഷെ എത്ര കോഴിക്കുഞ്ഞുങ്ങളെ രക്ഷിച്ചു എന്ന് കുട്ടിക്ക് കൃത്യമായി പറയാനറിയില്ല. 14 വരെയേ എണ്ണാൻ അറിയൂ

കോഴിക്കുഞ്ഞുങ്ങളെ എടുക്കാൻ പോയ നേരം കുട്ടിക്ക് അവന്റെ ഹോംവർക്ക് പുസ്തകം നഷ്‌ടമാവുകയും ചെയ്‌തു. ഈ കോഴിക്കുഞ്ഞുങ്ങളെ ഭക്ഷിക്കാറുണ്ടെന്നു കേട്ടപ്പോൾ കുട്ടി നിർത്താതെ കരയുകയായിരുന്നു എന്നും ട്വീറ്റിൽ പറയുന്നു. അവൻ കഴിച്ചിരുന്ന കോഴിയിറച്ചി ഇവയിൽ നിന്നുമാണ് വരുന്നതെന്ന കാര്യം കുട്ടിക്കറിയില്ലായിരുന്നു

കുട്ടിയുടെ കഥ പറഞ്ഞുകൊണ്ട് അവന്റെ കസിൻ സഹോദരി പോസ്റ്റ് ചെയ്ത ട്വീറ്റാണിത്