Tovino Thomas | കീശയിൽ കനത്തിൽ കരുതിക്കോ; ടൊവിനോയുടെ ഷർട്ടും ഗ്ലാസും ഇച്ചിരി വിലകൂടുതലാ

കലക്കൻ പാട്ടുകളും വീഡിയോകളുമായി റിലീസിനും മുൻപ് തന്നെ പ്രേക്ഷകരെ കയ്യിലെടുത്ത സിനിമയാണ് ടൊവിനോ തോമസ് (Tovino Thomas), കല്യാണി പ്രിയദർശൻ ചിത്രം 'തല്ലുമാല' (Thallumaala). യൂത്തിനെ ലക്‌ഷ്യം വച്ചുള്ള ചിത്രത്തിൽ, നവയുഗ ഇന്റർനെറ്റ് സെൻസേഷനുകളായ യുവതയെ അണിനിരത്തിയാണ് നിർമ്മിതി. ഓഗസ്റ്റ് 12 റിലീസിനും മുൻപ് ചിത്രത്തിന്റെ പ്രൊമോഷൻ തകൃതിയായി നടന്നുവരികയാണ്

ടൊവിനോയും കൂട്ടരും കുറച്ചു ദിവസങ്ങൾക്കു മുൻപ് സിനിമയുടെ പ്രൊമോഷന്റെ ഭാഗമായി ലുലു മാളിൽ ഒരു പരിപാടിയിൽ പങ്കെടുത്തിരുന്നു. റെഡ് കാർപെറ്റിൽ സ്റ്റൈലിഷ് ലുക്കിൽ നടന്നു നീങ്ങിയ ടൊവിനോയെ ആരാധകർ ഹർഷാരവത്തോടെ പ്രോത്സാഹിപ്പിച്ചു. ഈ പരിപാടിയിൽ ടൊവിനോ ധരിച്ച ഷട്ടിലും കൂളിംഗ് ഗ്ലാസിലും നിങ്ങളുടെ കണ്ണുടക്കിയോ? അത് സ്വന്തമാക്കണമെങ്കിൽ, കീശയിൽ അൽപ്പം കനത്തിൽ പണം കരുതേണ്ടി വരും (തുടർന്ന് വായിക്കുക)

ബർബെറിയുഡിഎ കൂളിംഗ് ഗ്ലാസും പക്ഷിച്ചിറകുകൾക്കു സമാനമായ പ്രിന്റുള്ള ഡെനിമി ഷർട്ടുമാണ് ടൊവിനോ ധരിച്ചത്. ഇതിന്റെ വില തേടി പോയാൽ മനസിസിലാവും, രണ്ടും ലുക്കിൽ സിമ്പിൾ ആണെങ്കിലും വിലയുടെ കാര്യത്തിൽ അങ്ങനെയല്ല എന്ന്

മാർസെലോ ബർലോൺ കൗണ്ടി ഓഫ് മിലൻ എന്ന ബ്രാൻഡഡ് ഷർട്ടിന്റെ വകഭേദങ്ങൾ പരിശോധിച്ചാൽ ടൊവിനോ ധരിച്ച ഷർട്ടിന്റെ കാടുപിടിച്ച കഴിയും. സമാനമായ രണ്ട് ഷർട്ടുകളാണ് ഓൺലൈൻ വിപണിയിൽ ലഭ്യം. വില ഒന്ന് കേട്ടുനോക്കിക്കോളൂ

ടൊവിനോ ധരിച്ച പ്രിന്റുമായി ഏറെ സാദൃശ്യമുള്ള ഈ ഷർട്ടിന് 23,613.89 രൂപയാണ് വില

ഇതിന്റെ തന്നെ മറ്റൊരു വകഭേദത്തിന് 593 ഡോളർ അഥവാ 47,193.91 രൂപയാണ് നൽകേണ്ടത്

മഞ്ഞ ഷെയ്‌ഡുള്ള സൺ ഗ്ലാസിന് വില 1700 ഹോംഗ് കോംഗ് ഡോളർ ആണ്. ഇത് രൂപയിലേക്കു മാറ്റിയാൽ, 17,238.63 രൂപയാകും. ഈ ലുക്കിലേക്കെത്തണമെങ്കിൽ ചുരുങ്ങിയത് 40,000 രൂപയിൽ കൂടുതൽ വേണ്ടിവരും