Krishnakumar | അമിത ആവേശമൊന്നും എനിക്കില്ലായിരുന്നു; സിന്ധു നേരെ മറിച്ചും; 28 വർഷത്തെ ദാമ്പത്യത്തെക്കുറിച്ച് കൃഷ്ണകുമാർ
നടൻ കൃഷ്ണകുമാറും ഭാര്യ സിന്ധുവും ജീവിതത്തിൽ ഒന്നിച്ചിട്ട് 28 വർഷങ്ങൾ. ഈ വേളയിൽ കൃഷ്ണകുമാറിന് പറയാനുള്ളത്
നടൻ കൃഷ്ണകുമാറും (Krishnakumar) ഭാര്യ സിന്ധുവും (Sindhu) ജീവിതത്തിൽ ഒന്നിച്ചിട്ട് 28 വർഷങ്ങൾ. പ്രണയവിവാഹമായിരുന്നു ഇവരുടേത്. ഇതേക്കുറിച്ചുള്ള രസകരമായ കാര്യങ്ങൾ പലപ്പോഴായി കൃഷ്ണകുമാർ തന്നെ പറഞ്ഞിട്ടുണ്ട്. ദമ്പതികളുടെ മൂത്ത മകളാണ് നടി അഹാന കൃഷ്ണ. ദിയ, ഇഷാനി, ഹൻസിക എന്നിവരാണ് മറ്റുമക്കൾ. ജീവിതത്തിൽ കാൽനൂറ്റാണ്ടും പിന്നിട്ടു നീങ്ങുന്ന ദാമ്പത്യബന്ധത്തെക്കുറിച്ച് കൃഷ്ണകുമാർ വാചാലനാവുന്നു
ഭാര്യ സിന്ധുവിന്റെ ജന്മദിനത്തിന് വിഷ് ചെയ്യാൻ താൻ മറന്നു പോയി എന്ന് സമ്മതിച്ച കൃഷ്ണകുമാർ പക്ഷെ, ജീവിതത്തിലെ ഈ അവിസ്മരണീയ ദിനത്തിൽ അതിരാവിലെ തന്നെ പോസ്റ്റുമായി രംഗത്തെത്തി. പോസ്റ്റിലെ വാക്കുകളിലേക്ക്: '28 വർഷങ്ങൾക്കു മുൻപു, രാവിലെ ഈ സമയത്തു അച്ഛൻ അമ്മ, ഇവർക്കൊപ്പം തിരുവനന്തപുരത്തു, പട്ടത്തുള്ള വീട്ടിൽ കല്യാണം നടക്കുന്ന ഹാളിലേക്ക് പോകാനുള്ള ഒരുക്കത്തിലായിരുന്നു ... (തുടർന്ന് വായിക്കുക)
സുഹൃത്തുക്കൾ പലരും അവിടെ ഉണ്ടായിരുന്നു. സിനിമയിൽ കാണുന്ന പോലെ കല്യാണചെക്കന്മാർക്കുള്ള അമിത ആവേശമൊന്നും എനിക്കില്ലായിരുന്നു. ജീവിതത്തിൽ സാധാരണ സംഭവിക്കുന്ന മറ്റുചില കാര്യങ്ങൾ പോലെ ഒന്ന്, എന്ന് മാത്രമേ എനിക്ക് തോന്നിയുള്ളു.. നേരെ മറിച്ചു സിന്ധു വലിയ ആവേശത്തിലായിരുന്നു.. അവളുടെ ജീവിതത്തിലെ വളരെ ഏറ്റവും പ്രധാന പെട്ട ദിവസങ്ങളിൽ ഒന്ന്..
പെട്ടെന്ന് ഒരു മെസേജ് തലയിൽ നിന്നും വന്നു.. "ഇന്നാണ് കൃഷ്ണകുമാർ നിങ്ങൾ സിന്ധുവുമായി വിവാഹം കഴിച്ച ദിവസം." അതെ..28 വർഷം മുൻപ്..ഞാനത് പറഞ്ഞപ്പോൾ സിന്ധു ചിരിച്ചു... ഞാനും.. 10000 തിന് പുറത്തു ദിവസങ്ങൾ ഈ സുന്ദരഭൂമിയിൽ ഒരുമിച്ചു യാത്രചെയ്യാൻ ദൈവം അവസരം തന്നു.. കൂടെ കൂട്ടിനു നാല് ശക്തരും സുന്ദരികളുമായ മക്കളേയും സമ്മാനിച്ചു...
ഇവിടെ ജീവിക്കാൻ വേണ്ടതെല്ലാം ആവശ്യത്തിനും അളവിനും, കൃത്യസമയത്തു തന്ന പ്രകൃതിയോട് എത്ര നന്ദി പറഞ്ഞാലും മതിയാവില്ല.. ഒപ്പം ഞങ്ങളെ സ്നേഹിച്ച ഞങ്ങളുടെ നന്മക്കായി പ്രാർത്ഥിച്ച ഞങ്ങളുമായി അടുപ്പമുള്ളവരും, ജീവിതത്തിൽ ഇതുവരെ കണ്ടിട്ടില്ലാത്തതുമായ അനവധി നന്മനിറഞ്ഞ മനുഷ്യർ ഉണ്ട് ഇവിടെ.. എല്ലാവർക്കും നന്ദിയും, ഒപ്പം നന്മകളും നേരുന്നു...' കൃഷ്ണകുമാർ കുറിച്ചു
