Kubbra Sait | ശാരീരികബന്ധത്തിന്റെ രംഗം ഏഴു ടേക്കുകൾ; മണിക്കൂറുകൾ നീണ്ട ഷൂട്ടിംഗിനൊടുവിൽ... കുബ്ര സേട്ടിന്റെ വെളിപ്പെടുത്തൽ

അനുരാഗ് കശ്യപ്, വിക്രമാദിത്യ മൊട്‍വാനെ എന്നിവർ സംവിധാനം ചെയ്ത നെറ്ഫ്ലിക്സ് സീരീസായ സേക്രഡ് ഗെയിംസ് സീസൺ ഒന്നിൽ കുക്കൂ എന്ന കഥാപാത്രത്തെ അവതരിപ്പിച്ചത് നടി കുബ്ര സെയ്ട്ടാണ് (Kubbra Sait). ഒരു ട്രാൻസ് വനിതയുടെ വേഷമിയായിരുന്നു അവർക്ക്. ഇതിനായി നടൻ നവാസുദീൻ സിദ്ധിഖിക്കൊപ്പം ശാരീരിക ബന്ധത്തിന്റെ രംഗങ്ങൾ ചിത്രീകരിക്കേണ്ടതായുണ്ടായിരുന്നു. നടന്റെ കഥാപാത്രവുമായി പ്രണയത്തിലാവുന്ന ആളുടെ റോളായിരുന്നു അത്

ഇതിൽ ശാരീരികബന്ധം ചിത്രീകരിച്ച രംഗങ്ങൾ തനിക്ക് അത്ര എളുപ്പമല്ലായിരുന്നുവെന്ന് കുബ്ര. ഒരു രംഗം തന്നെ ഏഴു തവണ, അതായത് ഏഴു ടേക്കുകളായി, ഷൂട്ട് ചെയ്യേണ്ടി വന്നു. ഇതിന്റെ സങ്കീർണതകൾ എത്രത്തോളം ഉണ്ടായിരുന്നു എന്ന് അവർ ഒരഭിമുഖത്തിൽ വ്യക്തമാക്കി (തുടർന്ന് വായിക്കുക)

ബോളിവുഡ് ഹംഗാമയ്ക്ക് നൽകിയ അഭിമുഖത്തിലാണ് നടിയുടെ വെളിപ്പെടുത്തൽ. "രംഗം ആദ്യ ദിനം തന്നെ ഷൂട്ട് ചെയ്തു. ആ ദിവസത്തെ ഏറ്റവും ഒടുവിലത്തെ ഷോട്ട് അതായിരുന്നു. പോയി ആ രംഗം ഷൂട്ട് ചെയ്തു തീർക്കണം എന്നതായിരുന്നു എന്റെ ദൗത്യം...

ഞങ്ങൾ ആ സീൻ പൂർത്തിയാക്കി. ഏഴ് ടേക്കുകൾ വരെപ്പോയി എന്ന് ഞാൻ ഓർക്കുന്നു. എന്നാൽ മണിക്കൂറുകൾ എത്ര ചിലവിട്ടു എന്ന കാര്യം എനിക്ക് ഓർക്കാൻ പോലും കഴിയാത്ത അവസ്ഥയായി...

ഒടുവിൽ ഞാൻ നിലത്തു വീണു. എഴുന്നേൽക്കാൻ പറ്റാതെയായി. ഞാൻ അത്യന്തം ക്ഷീണിതയായി. പിടിച്ചു നിൽക്കാൻ കഴിയാത്തവിധം ഞാൻ പൊട്ടിക്കരഞ്ഞു...

നവാസും, എ.കെ.യും ചേർന്ന് എന്നെ എഴുന്നേൽപ്പിച്ചു. കരഞ്ഞു തളർന്ന എന്നെ അവർ കെട്ടിപ്പിടിച്ചു. എവിടെയോ കട്ട് പറഞ്ഞത് ഞാൻ പതിഞ്ഞ സ്വരം പോലെ കേട്ടു," കുബ്ര പറഞ്ഞു

'അദ്ദേഹത്തെ എനിക്കിഷ്‌ടമാണ്. നല്ലൊരു മനുഷ്യൻ കൂടിയാണ്. ഒപ്പം പ്രവർത്തിക്കാൻ കഴിയുന്ന നല്ലൊരു സഹപ്രവർത്തകനും. വളരെ ലജ്ജാശീലരായ ഞങ്ങൾ ആ രംഗങ്ങളെല്ലാം ഒരുമിച്ചു ചെയ്തു. അദ്ദേഹം ഭൂമിയിലെ ഏറ്റവും ലജ്ജാശീലനായ മനുഷ്യനാണ്. ഞാൻ അദ്ദേഹത്തിന്റെ കവിളിൽ ചുംബിക്കുകയും, നമുക്ക് 'ആ സീൻ ചെയ്യാം' എന്ന് പറയുകയും ചെയ്യാറുണ്ടായിരുന്നു. അതിനുള്ള അന്തരീക്ഷം സൃഷ്ടിക്കേണ്ടത് എന്റെ ജോലിയാണ്,' നവാസുദീൻ സിദ്ദിഖിയെക്കുറിച്ച് കുബ്ര കൂട്ടിച്ചേർത്തു