Kavya Madhavan | ഇഷ്‌ട നായകൻ ആരെന്ന് കാവ്യാ മാധവനോട് ദിലീപ്; മറുപടി വന്നതും... ആ ഓർമ്മയുമായി ലാൽ ജോസ്

ഒരുകാലത്ത് മലയാള സിനിമയെ അടക്കിവാണ താരജോഡികളാണ് ദിലീപും (Dileep) കാവ്യാ മാധവനും (Kavya Madhavan). 'ചന്ദ്രനുദിക്കുന്ന ദിക്കിൽ' എന്ന സിനിമയിൽ ദിലീപിന്റെ ജോഡിയായാണ് കാവ്യയുടെ നായികാവേഷങ്ങളിലെ പ്രവേശം. 'പൂക്കാലം വരവായി' എന്ന ചിത്രത്തിൽ ബാല താരമായാണ് കാവ്യയുടെ സിനിമാ പ്രവേശം. പിൽക്കാലത്ത് കാവ്യ ഒട്ടേറെ നായകന്മാരുടെ ജോഡിയായി വെള്ളിത്തിരയിൽ നിറഞ്ഞാടി

ആദ്യ സിനിമയുടെ ലൊക്കേഷനിൽ കൗമാരക്കാരിയായ കാവ്യാ മാധവനോട് ഇഷ്‌ടനായകനെ കുറിച്ച് ദിലീപ് ചോദിച്ച വേള ഓർത്തെടുക്കുകയാണ് സംവിധായകൻ ലാൽ ജോസ്. പഴയകാല ഓർമ്മയെക്കുറിച്ച് ലാൽ ജോസ് പറയുന്ന ഒരു വീഡിയോ ശകലം സോഷ്യൽ മീഡിയയിൽ ശ്രദ്ധനേടുകയാണ് (തുടർന്ന് വായിക്കുക)

ഈ ചോദ്യം ചോദിച്ച വേള കാവ്യാ മാധവൻ മമ്മൂട്ടി അല്ലെങ്കിൽ മോഹൻലാൽ എന്നിവരുടെ പേര് പറയും എന്നായിരുന്നു പ്രതീക്ഷയെന്നു ലാൽ ജോസ്. അതിനു ശേഷം മൂന്നാമതായോ മറ്റും ദിലീപ് എന്ന് പറയുമെന്നും കരുതി

പക്ഷേ കാവ്യ എല്ലാ പ്രതീക്ഷകളും തെറ്റിച്ചു. ചോദ്യം ചോദിച്ച ദിലീപും 'അയ്യടാ' മട്ടിലായി. അന്ന് മലയാള സിനിമയിൽ മറ്റൊരു നായകൻ ഉദയം കൊണ്ട സമയം കൂടിയായിരുന്നു. അദ്ദേഹത്തിന് ഒട്ടേറെ ആരാധികമാരുമുണ്ടായി. ആ പേരാണ് കാവ്യയുടെ വായിൽ നിന്നും വന്നത്

കുഞ്ചാക്കോ ബോബൻ എന്നായിരുന്നു കാവ്യയുടെ മറുപടി.  പിൽക്കാലത്ത് 'ദോസ്ത്' എന്ന സിനിമയിൽ കാവ്യ ചാക്കോച്ചന്റെ നായികയായി. ഇതിൽ ദിലീപിന്റെ അനുജത്തിയുടെ വേഷമായിരുന്നു കാവ്യക്ക്

'ചന്ദ്രനുദിക്കുന്ന ദിക്കിൽ' കഴിഞ്ഞ ശേഷം തെങ്കാശിപ്പട്ടണം, മീശ മാധവൻ, തിളക്കം, കൊച്ചിരാജാവ് തുടങ്ങിയ സിനിമകളിലൂടെ ദിലീപ്, കാവ്യ മാധവൻ ജോഡികൾ ഒട്ടേറെ ഹിറ്റുകൾ മലയാള സിനിമയ്ക്ക് സമ്മാനിച്ചു

2016ൽ കൊച്ചിയിൽ വച്ചായിരുന്നു ദിലീപ്- കാവ്യ മാധവൻ വിവാഹം. 'പിന്നെയും' എന്ന അടൂർ ഗോപാലകൃഷ്ണൻ സിനിമയിലാണ് ദിലീപും കാവ്യയും അവസാനമായി ഒന്നിച്ചഭിനയിച്ചത്

മകൾ മഹാലക്ഷ്മിക്കൊപ്പം കാവ്യ മാധവൻ