ഇത് മലയാളത്തിന്റെ താരപുത്രി; ബെർലിനിലെ ചലച്ചിത്ര മേളയിലേക്ക് 'ലലാനാസ് സോംഗ്'

മേഘ രാമസ്വാമിയുടെ മലയാളം- ഹിന്ദി ചിത്രം ലലാനാസ് സോംഗ് വിദേശ മേളകളിൽ മാറ്റുരയ്ക്കുന്നു. ഏറ്റവും അടുത്തായി ഫൈനൽ ഗേൾസ് ബെർലിൻ ഫിലിം ഫെസ്റ്റിവലിൽ ചിത്രം പ്രദർശനത്തിനെത്തും. സംവിധായികയാണ് ഈ വിവരം ഇൻസ്റ്റഗ്രാം പോസ്റ്റിൽ പരാമർശിച്ചത്. മലയാളികളായ താരങ്ങളാണ് ഈ സിനിമയുടെ ഭാഗമെന്നത് മറ്റൊരു പ്രത്യേകത

സ്ത്രീകൾ മാത്രമാണ് ഈ സിനിമയുടെ ഭാഗമായുള്ളത് എന്നത് മറ്റൊരു പ്രത്യേകത. ചിത്രത്തിലെ പ്രധാന താരങ്ങളിൽ റിമ കല്ലിങ്കൽ, പാർവതി തിരുവോത്ത് തുടങ്ങിയവരുമുണ്ട്. എന്നാൽ സംവിധായിക പങ്കിട്ട പോസ്റ്ററിൽ കാണുന്ന കുട്ടികളിൽ ഒരാൾ മലയാളത്തിന്റെ താരപുത്രിയാണ്. അഭിനയ വഴി പിന്തുടരുന്ന പിൻതലമുറക്കാരിയെ ആദ്യ പോസ്റ്റർ ചിത്രത്തിൽ നിന്നും തിരിച്ചറിയാൻ സാധിക്കുന്നുണ്ടോ? (തുടർന്ന് വായിക്കുക)

ടിയാൻ എന്ന സിനിമയിൽ അച്ഛന്റെ കൈപിടിച്ച്‌ കുഞ്ഞു ബാലതാരമായി മലയാള സിനിമയിൽ അരങ്ങേറ്റം കുറിച്ചയാളാണിത്. പാൻഡെമിക് കാലത്താണ് പുതിയ സിനിമയുടെ നിർമ്മാണം നടന്നത്

സുകുമാരൻ കുടുംബത്തിലെ രണ്ടാമത്തെ കൊച്ചുമകളായ നക്ഷത്ര ഇന്ദ്രജിത് ആണ് ഇത്. സിനിമയിലെ വളരെ നിർണായകമായ റോൾ നക്ഷത്രയ്ക്കുണ്ട്

ഇടയ്ക്ക് പരസ്യ മോഡലായും നക്ഷത്ര പ്രത്യക്ഷപ്പെട്ടിട്ടുണ്ട്. സോഷ്യൽ മീഡിയയിൽ അച്ഛൻ ഇന്ദ്രജിത്തും അമ്മ പൂർണിമയും ചേർന്ന് മാനേജ് ചെയ്യുന്ന ഒരു പേജും നക്ഷത്രയ്ക്കുണ്ട്

ഇന്ദ്രജിത്തും പൂർണിമയും മക്കളായ പ്രാർത്ഥനയും നക്ഷത്രയും മല്ലിക സുകുമാരനൊപ്പം