Kiara Advani wedding | സ്വർണത്തേക്കാൾ വിലയുള്ള സ്യൂട്ട് റൂം; സിദ്ധാർഥ് മൽഹോത്ര- കിയാരാ അദ്വാനി വിവാഹം ആഡംബരത്തിന്റെ പരകോടിയിൽ

സുനിൽ ഷെട്ടിയുടെ മകൾ അതിയ ഷെട്ടിയുടെ വിവാഹശേഷം ബോളിവുഡിൽ മറ്റൊരു താരവിവാഹം കൂടി നടക്കാനൊരുങ്ങുകയാണ്. റിപോർട്ടുകൾ പ്രകാരം നടി കിയാരാ അദ്വാനിയും (Kiara Advani) നടൻ സിദ്ധാർഥ് മൽഹോത്രയും (Sidharth Malhotra) തമ്മിലെ വിവാഹം ഫെബ്രുവരി ആറിന് നടക്കും. ആഡംബരത്തിന്റെ അവസാനവാക്കായാണ് ഈ വിവാഹത്തെ ഏവരും കാണുന്നത്

രാജസ്ഥാനിലെ ജയ്സാൽമാറിലെ ആഡംബരം നിറഞ്ഞ കൊട്ടാരത്തിലാണ് അതിഥികൾക്ക് താമസം ഒരുക്കിയിട്ടുള്ളത്. വേണ്ടപ്പെട്ടവർ മാത്രമേ ഈ ചടങ്ങിൽ സംബന്ധിക്കൂ. അതിഥികളുടെ എണ്ണം 100നും 125നും മദ്ധ്യേ ആയിരിക്കും. കരൺ ജോഹർ, മനീഷ് മൽഹോത്ര തുടങ്ങിയവർ ചടങ്ങിൽ സംബന്ധിക്കും എന്നും ഇ-ടൈംസ് റിപ്പോർട്ടിൽ പരാമർശിക്കുന്നു. ഈ കൊട്ടാരത്തിലെ ചിലവുകൾ പലർക്കും ചിന്തിക്കാവുന്നതിലും മുകളിലാണ് (തുടർന്ന് വായിക്കുക)

ഒരു ഫൈവ്-സ്റ്റാർ ആഡംബര സൗധമാണിത്. ഇവിടുത്തെ 80 മുറികൾ ഇതിനോടകം ബുക്ക് ചെയ്തിട്ടുണ്ടത്രെ. അതിഥികളെ കൊണ്ടുവരാനും തിരികെ കൊണ്ടുപോകാനുമായി ആഡംബര കാറുകളും ഉണ്ടെന്നും പറയപ്പെടുന്നു

ഫെബ്രുവരി 11വരെ ഇവിടുത്തെ റൂമുകൾ ബുക്ക് ചെയ്തു കഴിഞ്ഞു എന്നാണ് വിവരം. അത്യന്തം സുരക്ഷാ ക്രമീകരണങ്ങളും ഒരുക്കിക്കഴിഞ്ഞു

വിവാഹത്തിന് മനീഷ് മൽഹോത്ര ഡിസൈൻ ചെയ്ത വസ്ത്രങ്ങളാവും വധൂവരന്മാർ ധരിക്കുക

വിവാഹം രാജസ്ഥാനിൽ വച്ചാണെങ്കിലും, ഡൽഹിയിലും മുംബൈയിലും സിദ്ധാർഥും കിയാരയും വിവാഹ റിസപ്ഷൻ നടത്തുമെന്നും വിവരം പുറത്തുവന്നു കഴിഞ്ഞു

നടൻ ഷാരൂഖ് ഖാന്റെ മുൻ ബോഡിഗാർഡ് യാസീൻ ആകും സുരക്ഷാ ക്രമീകരണങ്ങളുടെ ചുമതല വഹിക്കുക എന്നും വിവരമുണ്ട്

വിവാഹം നടക്കുന്ന കൊട്ടാരത്തിലെ ആഡംബര സ്യൂട്ട് റൂമിനു ഒരു രാത്രിയിലെ വാടക 90000 രൂപയാണ്. ഇന്നത്തെ മാർക്കറ്റ് നിലവാരത്തിൽ രണ്ടു പവൻ സ്വർണത്തേക്കാൾ വിലയുണ്ട് ഈ മുറിക്കായുള്ള മണിക്കൂറുകളുടെ വാടക

ഷേർഷാ എന്ന സിനിമയുടെ ചിത്രീകരണത്തിനിടെയാണ് സിദ്ധാർഥും കിയാരയും പ്രണയത്തിലായത്‌. പ്രണയത്തെക്കുറിച്ച് ഇരുവരും ഒന്നും തുറന്നു പറഞ്ഞിരുന്നില്ല

വളരെ കുറച്ചു ദിവസങ്ങൾ കൊണ്ടാണ് ഇവർ വിവാഹത്തിനായുള്ള തയാറെടുപ്പുകൾ ആരംഭിച്ചത്

കോഫി വിത്ത് കരൺ പരിപാടിയിൽ വ്യത്യസ്ത എപ്പിസോഡുകളിലായി കിയാരാ അദ്വാനിയും സിദ്ധാർഥ് മൽഹോത്രയും പങ്കെടുത്തിരുന്നു