Happy Birthday Madhoo| ഹേമാമാലിനിയുടെ മരുമകൾ; യോദ്ധയിലെ നായികയെ കുറിച്ച് അധികം അറിയാത്ത കാര്യങ്ങൾ

1992 ലാണ് റോജ എന്ന സിനിമയിലൂടെ മണിരത്നം മധൂ (Madhoo)എന്ന നടിയെ അവതരിപ്പിക്കുന്നത്. തമിഴിലൂടെ അഭിനയരംഗത്തെത്തി ഹിന്ദിയിലും മലയാളത്തിലുമടക്കം ഇന്നും ഓർമയിൽ നിൽക്കുന്ന ഒരുപിടി വേഷങ്ങൾ ചെയ്ത നടിയാണ് മധൂ.

ഇന്ന് 53ാം പിറന്നാൾ ആഘോഷിക്കുന്ന മധൂവിനെ കുറിച്ച് അധികം അറിയാത്ത ചില കാര്യങ്ങൾ.

പ്രമുഖ നടി ഹേമാമാലിനിയുടെ മരുമകളാണ് മധൂ എന്നത് അധികം ആർക്കും അറിയാത്ത കാര്യമാണ്. മാത്രമല്ല, നടി ജൂഹി ചൗള മധൂവിന്റെ സഹോദര ഭാര്യയാണെന്നതും പലർക്കും അറിയില്ല. മധൂവിന്റെ ഭർത്താവിന്റെ ആദ്യ കസിനാണ് ജൂഹിയുടെ ഭർത്താവ് ജയ് മേഹ്ത.

ബാലതാരമായി സിനിമാ ലോകത്ത് എത്തിയ നടിയാണ് മധൂ. മധു മാലിനി എന്ന പേരിലായിരുന്നു ബാലതാരമായി മധൂ അഭിനയിച്ചത്.

അജയ് ദേവ്ഗണിന്റെ ആദ്യ ചിത്രം ‘ഫൂൽ ഔർ കാണ്തെ’ (1991) എന്ന ചിത്രത്തിന് വേണ്ടി വീരു ദേവ്ഗൺ മധുവിനെയായിരുന്നു തീരുമാനിച്ചിരുന്നത്. എന്നാൽ മധുവിന്റെ ആദ്യം റിലീസാകുന്ന ചിത്രം കെ. ബാലചന്ദറിന്റെ തമിഴ് ചിത്രമായ ‘അഴകൻ’ (1991) ആയിരുന്നു. ശക്തരായ മമ്മൂട്ടി, ഭാനുപ്രിയ, ഗീത എന്നിവരായിരുന്നു ചിത്രത്തിലെ മറ്റ് താരങ്ങൾ.

ജാക്കി ഷ്റോഫ്, റീത്ത ഭാദുരി, കുൽഭൂഷൺ ഖർബന്ദ എന്നിവരും അഭിനയിച്ച 2002-ൽ പുറത്തിറങ്ങിയ ‘മുലാഖത്’ ന് ശേഷം അഭിനയത്തിൽ നിന്നും എടുത്ത മധു 2008-ൽ 'കഭി സോച്ചാ ഭി നാ ഥാ' എന്ന ചിത്രത്തിലൂടെ തിരിച്ചെത്തി.

ഡിഡി നാഷണൽ ടെലിവിഷൻ പ്രോഗ്രാമായ 'ചിത്രഹാർ' എന്ന പ്രശസ്ത ഷോയിൽ അവതാരകയായിരുന്നു മധു. മികച്ച ഒരു ഭരതനാട്യം നർത്തകി കൂടിയാണവർ.

1999 ൽ വ്യവസായിയായ ആനന്ദ് ഷായെ വിവാഹം കഴിച്ച മധുവിന് രണ്ട് പെൺമക്കളുണ്ട്: അമേയാ ഷാ, കിയ ഷാ