Lukman | പോസ്റ്റില്ല, പ്രഖ്യാപനമില്ല; നടൻ ലുക്ക്മാൻ അവറാൻ അച്ഛനായി

മലയാള സിനിമയിലെ യുവതലമുറയിൽ നിന്നും ശ്രദ്ധേയ പ്രകടനം കാഴ്ചവച്ച നടനാണ് ലുക്ക്മാൻ അവറാൻ (Lukman Avaran). സ്വാഭാവികത നിറഞ്ഞ പ്രകടനമാണ് ലുക്ക്മാന്റെ തുറുപ്പു ചീട്ട്. ന്യൂ ജനറേഷൻ സിനിമകളിൽ കൂടാതെ, ഇതിനോടകം മലയാളത്തിലെ മുതിർന്ന സൂപ്പർ താരങ്ങളായ മമ്മൂട്ടി, മോഹൻലാൽ എന്നിവർക്കൊപ്പം വേഷമിടാനും ലുക്ക്മാന് സാധിച്ചു. പോയ വർഷമായിരുന്നു നടന്റെ വിവാഹം

ലുക്ക്മാൻ അച്ഛനായിരിക്കുന്നു. പുതുതലമുറയിലെ ട്രെന്റിന് പിന്നാലെ ലുക്ക്മാൻ ഇല്ല. സോഷ്യൽ മീഡിയ പോസ്റ്റോ, അച്ഛനായി എന്ന പ്രഖ്യാപനമോ വാർത്തയോ ഒന്നുമില്ല. കുഞ്ഞ് പിറന്നിട്ട് 20 ദിവസങ്ങൾ പിന്നിട്ടിരിക്കുന്നു എന്നതാണ് സന്തോഷം (തുടർന്ന് വായിക്കുക)

2022 ഫെബ്രുവരി മാസത്തിലാണ് ലുക്ക്മാന്റെ വധുവായി ജുമൈമ കടന്നുവന്നത്. മലപ്പുറത്തു വച്ചായിരുന്നു വിവാഹം

ലുക്ക്മാന്റെയും ജുമൈമയുടെയും ആദ്യത്തെ കണ്മണി മകനാണ്. ഹൈദർ എന്നാണ് കുഞ്ഞിന് പേര് നൽകിയിരിക്കുന്നത്. നിലവിൽ ഹൈദർ ഉറക്കത്തിന്റെ ആശാനാണ് എന്ന് മാത്രമാണ് ലുക്ക്മാൻ 'ഐ ആം വിത്ത് ധന്യ വർമ്മ' എന്ന പരിപാടിയിൽ പറഞ്ഞത്

ഹൈദറിനെ കുറിച്ചുള്ള ചോദ്യത്തിനാണ് ലുക്ക്മാൻ മകന്റെ കുഞ്ഞ് വിശേഷങ്ങൾ പറഞ്ഞത്. തീരെക്കുഞ്ഞായതു കൊണ്ട് കൊണ്ട് കൂടുതലൊന്നും പറയാറായിട്ടില്ല. ഇപ്പോൾ ഷൂട്ടിംഗ് കഴിഞ്ഞാൽ എത്രയും വേഗം വീട്ടിലേക്കെത്തുന്നതിനാണ് മുൻഗണന എന്ന് ലുക്ക്മാൻ

ജുമൈമയുമായുള്ള വിവാഹശേഷം പരിഹാസ ട്രോളുകൾ ഏറെ നേരിട്ട നടനാണ് ലുക്ക്മാൻ. എന്തായാലും അഭിമുഖം നൽകുന്നതുവരെ മകൻ പിറന്ന വാർത്ത എന്തുകൊണ്ടോ ലുക്ക്മാൻ പരസ്യമാക്കാൻ ആഗ്രഹിച്ചില്ല

ഒരുപിടി നല്ല സിനിമകളിൽ വേഷമിട്ടു കഴിഞ്ഞ ലുക്ക്മാൻ 'ഓപ്പറേഷൻ ജാവ' എന്ന സിനിമയിലൂടെയാണ് ശ്രദ്ധേയനാവുന്നത്. 'KL-10' എന്ന സിനിമയിലൂടെയാണ് അഭിനയജീവിതത്തിനു തുടക്കം

ലുക്ക്മാനും ഭാര്യ ജുമൈമയും വിവാഹനാളിൽ