Mahalakshmi Ravindar | ഇതിന്റെയൊക്കെ അർത്ഥം എന്താണ്? മഹാലക്ഷ്മിയോട് ഭർത്താവ് രവീന്ദർ തമിഴിൽ പറഞ്ഞത്

ജീവിതം ഒരു വലിയ ആഘോഷമാണ് എന്നകാര്യം ഇൻസ്റ്റാഗ്രാമിലെ സ്നേഹം നിറയുന്ന പോസ്റ്റുകളിലൂടെ ആരാധകരെ അറിയിക്കുന്ന താരമാണ് നടി മഹാലക്ഷ്മി രവീന്ദർ (Mahalakshmi Ravindar). ഭർത്താവ് രവീന്ദറും അതുപോലെത്തന്നെ. ശരീരഭാരത്തിന്റെ പേരിലെ ട്രോളുകളിലൂടെയാണ് തമിഴ്നാട്ടിൽ നിന്നുള്ള അഭിനേത്രിയും നിർമ്മാതാവായ അവരുടെ ഭർത്താവും വാർത്തകളിൽ ഇടം നേടി ഭാഷയ്ക്കും ദേശത്തിനുമപ്പുറം പ്രേക്ഷകരുടെ ശ്രദ്ധ പിടിച്ചുപറ്റിയത്

ഇവരുടെ ജീവിതത്തിലെ സന്തോഷങ്ങളും, ദാമ്പത്യ ജീവിതത്തിൽ അവർ പങ്കിടുന്ന ചെറിയ വിശേഷങ്ങളുമെല്ലാം  ഇൻസ്റ്റഗ്രാമിൽ നോക്കിയാൽ കാണാം. അതിൽ ഏറ്റവും ഒടുവിലത്തെ പോസ്റ്റ് ചെയ്തിട്ടുള്ളത് രവീന്ദർ ചന്ദ്രശേഖരനാണ്. ഭാര്യയെ സ്നേഹത്തോടെ വിളിച്ച ഒരു വാചകവും ഇതിന്റെ ക്യാപ്‌ഷനിൽ കാണാം. അതിങ്ങനെയാണ് (തുടർന്ന് വായിക്കുക)

കൂടുതൽ ഉയരങ്ങളിൽ പറന്ന്, ആകാശവും മേഘവും തൊടട്ടെ. നിന്റെ ഉള്ളിലെ സ്വർഗം കണ്ടെത്തട്ടെ എന്നുമാണ് ഇംഗ്ളീഷിലെ വാചകം. അത് കഴിഞ്ഞാൽ പിന്നെ തമിഴ് വാചകം കാണാം

'ഹാപ്പിയാ ഇരുടീ ബൊന്ദ കോഴി' എന്നാണ് രവീന്ദർ ഭാര്യയോട് പറയുന്നത്. ഇതിനു നന്ദി പറഞ്ഞ് മഹാലക്ഷ്മി മറുപടി കൊടുത്തിട്ടുമുണ്ട്

'എന്നെ ഭൂമിയിലെ ഏറ്റവും അഭിമാനകരമായ സ്ത്രീയാക്കി മാറ്റിയതിന് നന്ദി' എന്ന് മഹാലക്ഷ്മിയുടെ മറുപടി. എന്നാൽ എന്താണ് ബൊന്ദ കോഴി എന്നാണ് ചോദ്യം

ബ്രോയിലർ കോഴി എന്നർത്ഥം വരുന്ന വാക്കാണത്രേ ബൊന്ദ കോഴി. ഇത് ആൾക്കാരെ അൽപ്പം അലോസരപ്പെടുത്താൻ വേണ്ടി പ്രയോഗിക്കുന്ന തമിഴ് വാചകമാണ്

ഇത് ഒരൊഴുക്കിന് ഭാര്യയെ വിളിച്ച ഒരു വാചകമാകാനേ സാധ്യതയുള്ളൂ. മഹാലക്ഷ്മിയും രവീന്ദറും അവരുടെ അടുത്ത സിനിമയുടെ റിലീസിന് തയാറെടുക്കുകയാണ്