Mahesh Bhatt | വിവാഹിതനും രണ്ടുകുട്ടികളുടെ പിതാവുമായ മഹേഷ് ഭട്ടിനോട് പ്രണയം; ഹോട്ടലിൽ വച്ച് സോണി റസ്ദാനെ പിന്തിരിപ്പിക്കാൻ ശ്രമിച്ച ഭട്ട്

ആലിയ ഭട്ട്, ഷഹീൻ ഭട്ടുമാരുടെ മാതാവ് സോണി റസ്ദാൻ (Soni Razdan) പ്രണയത്തിലാവുമ്പോൾ മഹേഷ് ഭട്ട് (Mahesh Bhatt) എന്ന ചലച്ചിത്രകാരൻ വിവാഹിതനായിരുന്നു, രണ്ടു കുട്ടികളുടെ പിതാവും. മാത്രവുമല്ല, അതിനു ശേഷം സംഭവിച്ച മറ്റൊരു പ്രണയം തകർന്നതിന്റെ ആഘാതവും മഹേഷ് ഭട്ടിനെ വിട്ടൊഴിഞ്ഞിരുന്നില്ല. നടി പർവീൺ ബാബിയുമായുള്ള പ്രണയം തകർന്ന ശേഷമാണ് മഹേഷ് സോണിയുമായി അടുപ്പത്തിലാവുന്നത്

'അർത്ഥ്' എന്ന സിനിമ മഹേഷ് ഭട്ടിന്റെ ജീവിത ഗന്ധിയായ കഥയാണ്. വ്യക്തിപരമായ മുറിവുകളിൽ നിന്നും പുത്തൻ ജീവിതത്തിലേക്ക് കടക്കുന്ന വേളയിലായിരുന്നു ചിത്രത്തിന്റെ പിറവി. മുറിഞ്ഞു പോയ വിവാഹബന്ധവും വ്യക്തിപരമായ ദുഃഖങ്ങളുമായിരുന്നു സിനിമയ്ക്ക് അവലംബം എന്ന് മഹേഷ്. എന്നാൽ സോണി കടന്നു വരുന്നത് തീർത്തും യാദൃശ്ചികമായാണ് (തുടർന്ന് വായിക്കുക)

പർവീൺ രണ്ടാമതും തകരാൻ കാരണം 'അർത്ഥ്' ആണെന്ന് അക്കാലത്തെ മാഗസിനുകൾ എഴുതി. ജീവിതസ്പർശിയായ ചിത്രം ഭാവനയും ഇടകലർത്തിയാണ് നിർമ്മിച്ചത് എന്നാണു മഹേഷ് ഭട്ട് അതിന് മറുപടി പറഞ്ഞത്. സോണിയുമായി അതിനു ശേഷമുണ്ടായ പ്രണയത്തെക്കുറിച്ച് അദ്ദേഹം അർബാസ് ഖാനോട് പറഞ്ഞു

പർവീൺ ബാബിയുമായുള്ള പ്രണയത്തകർച്ചയ്‌ക്കു ശേഷം സോണി റസ്ദാനുമായി അടുക്കാൻ മഹേഷ് ഭട്ടിന് അൽപ്പം വൈഷമ്യമുണ്ടായിരുന്നു. വർലിയിലെ ഹോട്ടലിൽ വച്ച് മഹേഷ് സോണിയെ പിന്തിരിപ്പിക്കാൻ ശ്രമിക്കുകയുമുണ്ടായി

'ഞാൻ സോണിയെ എതിർത്തു, പക്ഷേ ഞാൻ ആ ബന്ധത്തിലേക്ക് ആകർഷിക്കപ്പെട്ടു. ‘എന്റെ അടുത്ത് വരരുത്, ഞാൻ നിന്നെ നശിപ്പിക്കും,’ എന്ന് ഞാൻ സോണിയോട് പറഞ്ഞത് ഓർക്കുന്നു...

എന്നാൽ അവൾ നശിപ്പിക്കപ്പെടാൻ തയ്യാറാണെന്ന് മറുപടി തന്നു. ഈ സംഭാഷണം പിന്നീട് എന്റെ 'റാസ്' എന്ന സിനിമയിലെ സംഭാഷണമായി മാറി,' മഹേഷ് ഭട്ട് പറഞ്ഞു

മഹേഷ് ഭട്ടും സോണി റസ്ദാനും അവരുടെ മക്കളായ ആലിയ ഭട്ട്, ഷഹീൻ ഭട്ട് എന്നിവർക്കൊപ്പം