Mallika Sukumaran | സുപ്രിയ നിർമിച്ച ചിത്രത്തിൽ അമ്മായിയമ്മയ്ക്ക് എത്ര പ്രതിഫലം ? മല്ലിക സുകുമാരൻ പറയുന്നു

മല്ലിക സുകുമാരന്റെ (Mallika Sukumaran) ഇളയമകൻ പൃഥ്വിരാജും (Prithviraj) മരുമകൾ സുപ്രിയ മേനോനും  (Supriya Menon)അമരത്തുള്ള നിർമാണ കമ്പനിയാണ് പൃഥ്വിരാജ് പ്രൊഡക്ഷൻസ്. മകൻ നിർമ്മിച്ചതും അല്ലത്തതുമായ ചിത്രങ്ങളിൽ മല്ലിക സുകുമാരൻ വേഷമിട്ടിട്ടുണ്ട്. പൃഥ്വിരാജ് രണ്ടാമത് സംവിധാനം നിർവഹിച്ച 'ബ്രോ ഡാഡി' സിനിമയിൽ മോഹൻലാലിൻറെ അമ്മയുടെ വേഷമിയായിരുന്നു മല്ലികയ്ക്ക്. പിന്നീട് കടുവയിലും സാന്നിധ്യമായി

'കടുവ' സിനിമയിൽ സീമ അവതരിപ്പിച്ച വേഷത്തിന് ശബ്ദമായത് മല്ലിക സുകുമാരനാണ്. ഇത് പ്രേക്ഷകരും വളരെ എളുപ്പം കണ്ടുപിടിച്ചു. വാണിജ്യവിജയമായില്ലെങ്കിൽ കൂടി, 'ഗോൾഡ്' എന്ന സിനിമയിൽ പൃഥ്വിരാജിന്റെ അമ്മയുടെ വേഷം തന്നെ മല്ലിക ചെയ്‌തു. എന്നാൽ മകന്റെയും മരുമകളുടെയും സിനിമകളിൽ വേഷമിടുമ്പോൾ അമ്മയ്ക്ക് എത്രയാണ് പ്രതിഫലം? (തുടർന്ന് വായിക്കുക)

മലയാള സിനിമയിലെ ഏറ്റവും പ്രിയപ്പെട്ട 'അമ്മ നടിമാരിൽ ഒരാളാണ് മല്ലിക സുകുമാരൻ. ചുരുങ്ങിയ സമയം നൽകിയാലും ആ വേഷം പ്രേക്ഷകരെ കയ്യിലെടുക്കുന്ന രീതിയിൽ അവതരിപ്പിക്കാൻ മല്ലികയ്ക്ക് ഒരു പ്രത്യേക കഴിവുണ്ട് എന്ന് പറയാം. ബിഹൈൻഡ് വുഡ്സിനു നൽകിയ അഭിമുഖത്തിൽ മകനും മരുമകളും നിർമിക്കുന്ന ചിത്രത്തിലെ പ്രതിഫലത്തെ കുറിച്ച് പറഞ്ഞത്

'പ്രതിഫലത്തെ കുറിച്ച് ഞാനൊന്നും പറഞ്ഞിരുന്നില്ല. അവരിങ്ങോട്ട് തരികയായിരുന്നു. സത്യം പറഞ്ഞാല്‍ ഭയങ്കരമായി ബിസിനസ് സംസാരിക്കാനൊന്നും എനിക്ക് അറിയത്തില്ല. പിന്നെ ഇതാണിപ്പോള്‍ നമ്മുടെ വരുമാനം...

ഇതാണ് ചോറ്, ഇത്രയൊക്കെ എല്ലാവരും വാങ്ങിക്കുന്നതാണ്, നിങ്ങളും സഹകരിക്കണമെന്ന് പറയുകയല്ലാതെ ആരോടും ഇതിന്റെ പേരില്‍ വാചകമടിക്കാനോ വഴക്കുണ്ടാക്കാനോ ഞാന്‍ ശ്രമിക്കാറില്ല. പഴയ താരങ്ങള്‍ക്കൊന്നും അത് വശമില്ല...

ഇപ്പോള്‍ അതുപോലെയല്ല കാര്യങ്ങള്‍. ഇന്നലെ വന്ന താരങ്ങള്‍ പോലും അത് സീരിയലില്‍ ആണെങ്കിലും വാങ്ങിക്കുന്നത് വലിയ തുകയാണ്. അത് കാണുമ്പോള്‍ നമ്മളൊക്കെ എന്തോരം കാശ് കളഞ്ഞു എന്ന് തോന്നാറുണ്ട്.'

ഗോള്‍ഡില്‍ അഭിനയിക്കുന്നതിന് പ്രതിഫലം എത്രയെന്ന് ലിസ്റ്റിന്‍ സ്റ്റീഫൻ കൃത്യമായി അന്വേഷിച്ചിരുന്നു. അതിന് മുന്‍പ് അഭിനയിച്ച പടത്തില്‍ നിന്നും ലഭിച്ചത് പോലെ കൃത്യമായി തന്നെ ലിസ്റ്റിന്‍ പ്രതിഫലം തന്നുവെന്ന് മല്ലിക സുകുമാരൻ പറഞ്ഞു