Poornima Indrajith | പൂർണിമയോടുള്ള വാത്സല്യം മകളോടെന്നപോലെ; പിറന്നാളിന് മല്ലിക സുകുമാരൻ കുറിച്ച ആശംസയിൽ മനംനിറഞ്ഞ് മരുമകൾ

മല്ലിക സുകുമാരന്റെ (Mallika Sukumaran) മൂത്ത മരുമകൾ എന്ന് പറയുന്നതിനേക്കാൾ പൂർണിമ ഇന്ദ്രജിത്തിനെ (Poornima Indrajith) മകൾ എന്ന് വിളിക്കുന്നതാവും കുറേക്കൂടി ചേർച്ച. നന്നേ ചെറുപ്പത്തിൽ മകൻ ഇന്ദ്രജിത്തിന്റെ ഭാര്യയായി, സുകുമാരൻ കുടുംബത്തിന്റെ മരുമകളായി കയറിവന്നപ്പോൾ, ജീവിതപാഠങ്ങൾ ഏറ്റവും കൂടുതൽ പകർന്നു നൽകിയത് മല്ലികയായിരുന്നു എന്ന് പൂർണിമ തന്നെ മുൻപ് പറഞ്ഞിട്ടുണ്ട്

ലോകം പരിചയിച്ചു തുടങ്ങിയ ആ കാലയളവിൽ, തന്റെ മക്കളെ എന്നപോലെ തന്നെ മരുമകളെയും മല്ലിക തന്നെയാണ് പരിപാലിച്ചത്. 'ഞങ്ങളെ വളർത്തിയത് അമ്മയാണ്' എന്ന് പൂർണിമ ഒരിക്കൽ പറയുകയുണ്ടായി. ഇന്ന് പൂര്ണിമയുടെ പിറന്നാൾ. മരുമകൾക്ക് താൻ നൽകുന്ന സ്ഥാനമാണ് ഇക്കുറി മല്ലിക സുകുമാരന്റെ ജന്മദിനാശംസയിൽ നിറഞ്ഞു നിൽക്കുന്നതും (തുടർന്ന് വായിക്കുക)

'പുഞ്ചിരിക്കുന്ന ഒരു നല്ല മനസ്സിന്, പൂക്കാലത്തേക്കാൾ ഭംഗിയുണ്ട്, സ്നേഹമുള്ള മനസ്സുപോലെ' എന്നൊരു വാചകം നിറഞ്ഞ കാർഡിൽ പൂർണിമയുടെ ചിത്രം പതിപ്പിച്ചാണ് മല്ലികയുടെ ആശംസ

മൂത്തമകൾ പ്രാർത്ഥന വിദേശപഠനത്തിനു പോയ ശേഷമുള്ള പൂർണിമയുടെ ആദ്യത്തെ പിറന്നാളാണിത്. യു.കെ.യിലെ മ്യൂസിക് വിദ്യാർത്ഥിനിയാണ് പ്രാർത്ഥന

പോയ വർഷം ശാരീരികമായും മാനസികമായും പൂർണിമയ്ക്കു പ്രയാസം നിറഞ്ഞതായിരുന്നു എന്നും, എന്നിട്ടും അതിൽനിന്നുമെല്ലാം പൂർണിമ കരുത്തയായി മുന്നോട്ടുവന്നു എന്ന് ഭർത്താവ് ഇന്ദ്രജിത്തും സമ്മതിക്കുന്നു. ഇതാണ് ഇന്ദ്രജിത്തിന്റെ പിറന്നാൾ ആശംസയും

മല്ലിക സുകുമാരന്റെ ആശംസയ്ക്ക്, അമ്മയോടുള്ള തന്റെ സ്നേഹം വാക്കുകളിൽ ഒതുക്കാൻ പ്രയാസപ്പെടുന്ന പൂർണിമയെ കമന്റ് സെക്ഷനിൽ കാണാം