Namitha Pramod | ഞെട്ടിച്ചേ! നമിതയ്ക്ക് സർപ്രൈസുമായി മമ്മുക്ക എത്തി; സന്തോഷം പങ്കുവച്ച് നമിത പ്രമോദ്

ഒരു വലിയ സന്തോഷത്തിലാണ് നടി നമിത പ്രമോദ് (Namitha Pramod) ഇപ്പോൾ. കുറച്ചു ദിവസങ്ങൾക്ക് മുൻപ് ആ വിശേഷം വാർത്തയിലൂടെയും സോഷ്യൽ മീഡിയയിലൂടെയും ആരാധകരും പ്രേക്ഷകരും അറിഞ്ഞതാണ്. ബിസിനസ് വുമൺ എന്ന നിലയിൽ ഒരു വലിയ കാൽവയ്പ്പു നടത്തിക്കഴിഞ്ഞു നമിത. കൊച്ചിയിൽ നമിത ഒരു കഫെ ഓപ്പൺ ചെയ്തിരിക്കുന്നു

ഉദ്‌ഘാടനത്തിനു പ്രിയ കൂട്ടുകാരി മീനാക്ഷി ദിലീപും മറ്റു സുഹൃത്തുക്കളും ഉൾപ്പെടെ ഇവിടെ എത്തിച്ചേർന്നിരുന്നു. നാദിർഷായുടെ കുടുംബവും അതിഥികളുടെ കൂട്ടത്തിൽ ഉണ്ടായിരുന്നു. ഇപ്പോൾ നമിതയെ ഞെട്ടിച്ചത് മറ്റാരുമല്ല, സാക്ഷാൽ മമ്മുക്കയാണ് (Mammootty) (തുടർന്ന് വായിക്കുക)

നമിതയുടെ സമർ ടൗൺ റെസ്റ്റോ കഫെയിൽ സന്ദർശകനായി എത്തി ഞെട്ടിച്ചിരിക്കുകയാണ് മമ്മൂട്ടി. ഇതിൽ കൂടുതൽ താൻ ആഗ്രഹിച്ചില്ല എന്ന് നമിത. പാലാരിവട്ടത്തെ കഫെയിൽ നിന്നും അധികം അകലെയല്ല മമ്മുക്കയുടെ താമസം. നമിതയ്ക്കും കുടുംബത്തിനുമൊപ്പം മമ്മൂട്ടി ചിത്രങ്ങൾക്ക് പോസ് ചെയ്യുകയും ചെയ്തു

കഫേയ്ക്കു മികച്ച പ്രതികരണം ലഭിക്കുന്നു എന്ന് നമിത തന്നെ പറഞ്ഞിരിക്കുന്നു. അതിഥികളെ സ്വീകരിക്കാൻ കൂടുതൽ ജീവനക്കാരെ തേടിക്കൊണ്ട് നമിത ഒരു പോസ്റ്റ് ഇട്ടിരുന്നു

യുവതലമുറയ്ക്ക് മികച്ച പ്രോത്സാഹനം നൽകുന്ന നടനാണ് മമ്മൂട്ടി എന്ന് പ്രേക്ഷകർക്കും അറിയാം. അത് സിനിമയിൽ മാത്രമല്ല, ജീവിതത്തിലും അങ്ങനെ തന്നെയെന്ന് തെളിച്ചിരിക്കുന്നു അദ്ദേഹം. മലയാളത്തിന്റെ മെഗാ സ്റ്റാർ ആദ്യ ദിനങ്ങളിൽ തന്നെ തന്റെ കഫെ സന്ദർശിച്ചതിൽ നമിതയ്ക്ക് അതിയായ സന്തോഷമുണ്ട്

എന്തായാലും മമ്മുക്കയുടെ ഏറ്റവും പുതിയ ചിത്രം 'നൻപകൽ നേരത്ത് മയക്കം' മികച്ച പ്രതികരണത്തോടെ മുന്നേറുന്ന വേളയിൽ ആ സന്തോഷവുമായി അദ്ദേഹമെത്തിയത് ഇവിടെയാണ് എന്ന പ്രത്യേകത കൂടിയുണ്ടാവും ഈ സന്ദർശനത്തിന് പിന്നിൽ