Mamta Mohandas | തൊലിപ്പുറത്തു സംഭവിച്ച മാറ്റം; മേക്കപ്പ് പോലുമില്ലാതെ മംമ്ത മോഹൻദാസിന്റെ ആത്മവിശ്വാസം നിറയുന്ന പോസ്റ്റ്

നടി മംമ്ത മോഹൻദാസ് (Mamta Mohandas) എന്നാൽ വെല്ലിവിളികളെ സധൈര്യം നേരിട്ട പോരാളിയുടെ മുഖം കൂടിയാണ്. തന്റെ ഇരുപതുകളിൽ കാൻസർ രോഗത്തെ ഒരു പുഞ്ചിരിയോടെ നേരിട്ട മംമ്ത, ഈ രോഗാവസ്ഥ നേരിട്ട അനേകം പേരുടെ ആത്മവിശ്വാസം ഉയർത്തിയ വ്യക്തിയുമാണ്. ചികിത്സയിൽ കഴിയുമ്പോൾ തന്നെ മംമ്ത സിനിമാ ഷൂട്ടിങ്ങിലും വ്യാപൃതയായിരുന്നു

ഒരു കപ്പ് കാപ്പിയുമായി, മേക്കപ്പ് തുടച്ചു മാറ്റിയ മുഖത്തോടുകൂടി മംമ്ത വീണ്ടും എത്തുകയാണ്. തന്റെ തൊലിപ്പുറത്തു സംഭവിച്ച ഒരു വലിയ മാറ്റം എന്തെന്ന് പറഞ്ഞുകൊണ്ടുള്ള വരവാണ് ഈ ചിത്രങ്ങൾ. ആത്മവിശ്വാസമുള്ള ഒരു വ്യക്തി എന്ന നിലയിൽ മറ്റൊരു പോരാട്ടത്തിന് തയാറെടുക്കുകയാണ് മംമ്ത (തുടർന്ന് വായിക്കുക)

വിറ്റിലിഗോ അഥവാ വെള്ളപ്പാണ്ട് എന്ന ത്വക്കുരോഗത്തെ അതിജീവിക്കാനുള്ള ശ്രമത്തിലാണ് മംമ്ത. അതിനാൽ തന്റെ തൊലിപ്പുറത്തെ യഥാർത്ഥ അവസ്ഥ യാതൊരു മറയും കൂടാതെ അവതരിപ്പിക്കുകയാണ് നടി

വിറ്റിലിഗോ, ഓട്ടോഇമ്മ്യൂൺഡിസീസ് തുടങ്ങിയ ഹാഷ്ടാഗുകൾ മംമ്തയുടെ പോസ്റ്റിനൊപ്പമുണ്ട്. 'നിന്നെ ഞാൻ മുൻപെങ്ങുമില്ലാത്ത വിധം ചേർത്തുപിടിക്കുന്നു' എന്ന് തന്നോട് തന്നെ പറയുന്ന വിധമാണ് മമത ക്യാപ്‌ഷൻ നൽകിയിരിക്കുന്നത്

വിദേശത്തു താമസമാക്കിയ മംമ്ത മലയാള സിനിമയിൽ അഭിനയിക്കുന്ന വേളയിൽ നാട്ടിലെത്താറുണ്ട്. ലോക്ക്ഡൗൺ നാളുകളിൽ നാട്ടിൽ അച്ഛനമ്മമാരുടെ ഒപ്പമായിരുന്നു മംമ്ത താമസിച്ചത്. വരവിൽ മംമ്ത ഒരു മ്യൂസിക് ആൽബം നിർമിക്കുകയും ചെയ്‌തു

അടുത്തിടെ പ്രചോദനം നൽകുന്ന ജിം ഫോട്ടോഷൂട്ട് ചിത്രങ്ങൾ മംമ്ത പോസ്റ്റ് ചെയ്തിരുന്നു. ഉടൻ തന്നെ മംമ്തയുടെ മലയാള ചിത്രം തിയേറ്ററിലെത്താൻ തയാറെടുക്കുന്നുണ്ട്

ആസിഫ് അലി നായകനാവുന്ന 'മഹേഷും മാരുതിയും' എന്ന സിനിമയിൽ മംമ്ത നായികയാണ്. സേതു രചനയും സംവിധാനവും നിർവഹിക്കുന്ന ചിത്രമാണ്