ഭാര്യയ്ക്കായി 'താജ് മഹലൊ'രുക്കി യുവാവ്; നിര്‍മ്മാണം മൂന്നു വര്‍ഷംകൊണ്ട് പൂര്‍ത്തിയാക്കി

ഷാജഹാന്‍ (Shajahan) തന്റെ പ്രിയ പത്‌നിയായ മുംമ്താസിനായി പണി കഴിപ്പിച്ച താജ്മഹല്‍ (Taj Mahal) ഇന്നും അനശ്വര പ്രണയത്തിന്റെ പ്രതീകമായിട്ടാണ് അറിയപ്പെടുന്നത്. ഇപ്പോളിതാ തന്റെ ഭാര്യയ്ക്കായി പ്രണയ സൗഥം ഒരുക്കിയ ആനന്ദ് ചോക്‌സേ എന്ന യുവാവാണ് ശ്രദ്ധ നേടുന്നത്.

മുംതാസ് മഹല്‍ മരണത്തിന് കീഴടങ്ങിയ മധ്യപ്രദേശിലെ ബുര്‍ഹാര്‍പൂറിലാണ് (Burhanpur) വിദ്യാഭ്യാസ മേഖലയില്‍ പ്രവര്‍ത്തിക്കുന്ന ആനന്ദ് ചോക്‌സേ തന്റെ ഭാര്യയ്ക്കായി താജ്മഹലിന്റെ രൂപത്തിലുള്ള വീട് നിര്‍മ്മിച്ചത്.

താജ്മഹലിനേക്കുറിച്ച് വിശദമായി പഠിച്ച ശേഷമായിരുന്നു അതേ രൂപത്തില്‍ നാല് കിടപ്പുമുറികളോട് കൂടിയ വീട് നിര്‍മ്മിച്ചതെന്നാണ് എന്‍ജിനീയര്‍ വിശദമാക്കുന്നത്. .

മൂന്ന് വര്‍ഷമെടുത്താണ് താജ്മഹലിന്റെ രൂപത്തിലുള്ള വീട് ആനന്ദ് ചോക്‌സേ നിര്‍മ്മിച്ചത്. താഴത്തെ നിലയില്‍ വലിയൊരു ഹാളും രണ്ട് കിടപ്പുമുറികളും സജ്ജീകരിച്ചിട്ടുണ്ട്. മുകള്‍ നിലയില്‍ രണ്ട് കിടപ്പുമുറിയും വലിയൊരു ലൈബ്രറിയും ധ്യാന മുറിയും ആണ് ഒരുക്കിയിരിക്കുന്നത്

പശ്ചിമ ബംഗാള്‍ ഇന്‍ഡോര്‍ തുടങ്ങിയ സ്ഥലങ്ങളില്‍ നിന്നുമുള്ള വിദഗ്ധരാണ് ബുര്‍ഹാന്‍പൂറില്‍ താജ്മഹലൊരുക്കാന്‍ സഹായിച്ചത്. വീടിനകത്തുള്ള കൊത്തുപണികള്‍ ഇവരാണ് ചെയ്തത്. 29 അടി ഉയരത്തിലാണ് വീടിന്റെ മുകളില്‍ താഴികക്കുടം ഒരുക്കിയിട്ടുള്ളത്. താജ്മഹലിന് സമാനമായി ഗോപുരങ്ങളും ഈ വീടിനുണ്ട്.

താജ്മഹലിന് സമാനമായി ഇരുട്ടില്‍ തിളങ്ങുന്നത് പോലെയാണ് ഈ വിട്ടിലെ ലൈറ്റുകള്‍ ക്രമീകരിച്ചിരിക്കുന്നത്. എന്തായാലും മധ്യപ്രദേശിലെ മിനി താജ്മഹല്‍ കാണാന്‍ നിരവധിപ്പേരാണ് എത്തുന്നത്.