യാത്രയ്ക്കിടെ മൂത്രമൊഴിക്കാൻ പോയ ഭർത്താവ് ഭാര്യയെ മറന്നു; ഓർമ വന്നത് 150 കിലോമീറ്റർ കഴിഞ്ഞപ്പോൾ

മറവി മനുഷ്യസഹജമാണ് എന്ന് പലർക്കുമറിയാം. എന്നാൽ മറന്നുപോയത് സ്വന്തം ഭാര്യയെ ആണെങ്കിലോ? അതും ഒരു ദീർഘദൂര യാത്രയ്ക്കിടെ? ഒരിടത്ത് അങ്ങനെ സംഭവിച്ചിരിക്കുന്നു. റോഡ് യാത്രയ്ക്കായി തന്റെയൊപ്പം പുറപ്പെട്ട ഭാര്യയെ ആണ് ഒരാൾ വഴിമധ്യേ മറന്നു പോയത്. ക്രിസ്ത്മസ് ദിനത്തിലാണ് ഇരുവരും യാത്രപോകാനിറങ്ങിയതും, ഇങ്ങനെ സംഭവിച്ചതും

വെളുപ്പിന് മൂന്നുമണിയോടെയാണ് ഭർത്താവ് മൂത്രമൊഴിക്കാനായി വണ്ടി നിർത്തി വഴിയിലിറങ്ങിയത്. സ്വന്തം നാട്ടിൽ പുതുവർഷം ആഘോഷിക്കാനുള്ള യാത്രയിലായിരുന്നു ഇരുവരും. മൂത്രമൊഴിക്കാൻ ഏതെങ്കിലും പെട്രോൾ പമ്പിൽ നിർത്തിയാൽ പോരെ എന്ന് ഭാര്യ ചോദിച്ചെങ്കിലും അദ്ദേഹം വഴിമധ്യേ ഇറങ്ങുകയായിരുന്നു. ഇദ്ദേഹം മാറിയ തക്കത്തിൽ മൂത്രമൊഴിക്കാൻ അടുത്തുള്ള കാട്ടിലേക്ക് ഭാര്യയും കയറി (തുടർന്ന് വായിക്കുക)

ഭാര്യ കാറിൽ നിന്നും ഇറങ്ങിയ കാര്യം ഭർത്താവ് അറിഞ്ഞില്ല. ഭാര്യ കൂടെയില്ലാതെ ഇദ്ദേഹം വണ്ടിയോടിച്ചു പോയി. കാട്ടിൽ നിന്നും തിരികെയിറങ്ങിയ ഭാര്യയാകട്ടെ ഭർത്താവ് തന്നെക്കൂട്ടാതെ പോയതിൽ ഞെട്ടിവിറച്ച് നിൽപ്പായിരുന്നു

അവർ അധികനേരം പകച്ചു നിന്നില്ല. സഹായം ചോദിച്ചു കൊണ്ട് അവർ നടന്നു നീങ്ങി. 20 കിലോമീറ്ററോളം നടപ്പ് തുടർന്നു. ശേഷം പോലീസിനെ വിവരമറിയിച്ചു

വെളുപ്പിന് അഞ്ചുമണിയായതും അവർ അടുത്തുള്ള ജില്ലയിലെത്തി. കാറിന്റെ ഉള്ളിലുള്ള തന്റെ നമ്പറിലേക്ക് അവർ ഫോൺ ചെയ്യാൻ ശ്രമിച്ചു. ഭർത്താവിന്റെ നമ്പർ ഓർമയില്ലായിരുന്നു. എന്നാൽ കോളുകൾക്ക് മറുപടിയുണ്ടായില്ല. എട്ടു മണിയായതും പോലീസിന്റെ സഹായത്തോടെ ഭർത്താവിനെ വിളിച്ചു കിട്ടി

തായ്‌ലൻഡിലെ ബൂംടോം ചൈമൂണും ഭാര്യ അംനുവായ് ചൈമൂണും ആണ് ഈ സംഭവത്തിലെ ഭാര്യയും ഭർത്താവും. ഭാര്യയെ കൂട്ടാതെ ഇദ്ദേഹം 159.6 കിലോമീറ്റർ വണ്ടിയോടിച്ചു പോയിരുന്നു