രതിമൂർച്ഛയോട് അലർജി; ഒൻപതു വർഷമായി 27കാരന്റെ ജീവിതം ഇങ്ങനെ

കഴിഞ്ഞ ഒൻപതു വർഷങ്ങളായി അപൂർവ ആരോഗ്യാവസ്ഥയുമായി യുവാവ്. രതിമൂർച്ഛ (orgasm) ഉണ്ടാകുമ്പോൾ അലർജി സംഭവിക്കുന്നു എന്നതാണ് ഇയാളുടെ പരാതി. സ്ഖലനം കൂടുമ്പോൾ പ്രശ്നങ്ങളുടെ സങ്കീർണ്ണത വർധിക്കുമെന്നും യുവാവ്. ചുമയും തുമ്മലും എന്ന നിലയിലായിരുന്നു തുടക്കം. ശേഷം കൈകൾ ചൊറിഞ്ഞ് തടിക്കാൻ തുടങ്ങി. കഴുത്തിലും മുഖത്തും മുഴച്ചുവരലും പ്രകടമായി തുടങ്ങി

പോസ്റ്റ്-ഓർഗാസ്മിക് ഇൽനെസ് സിൻഡ്രോം എന്ന വിഭാഗത്തിൽ പെടുത്താവുന്ന 60 കേസുകളാണ് റിപ്പോർട്ട് ചെയ്യപ്പെട്ടിട്ടുള്ളത്. ഇതിൽ യുവാവും ഉൾപ്പെടും. എന്നാൽ പ്രശ്നങ്ങൾ വർധിച്ചതോടെ യുവാവിന് ഒരു കടുത്ത തീരുമാനം എടുക്കേണ്ടി വന്നു. വർഷങ്ങളായി യുവാവ് ഇപ്പോൾ അത് നേരിടുകയാണ് (തുടർന്ന് വായിക്കുക)

ഈ അവസ്ഥയെ കുറിച്ച് പൊതുജനത്തിന് അറിവില്ല എന്ന് മാത്രമല്ല, പല കേസുകളും കണ്ടെത്താതെ പോകുന്നുമുണ്ട് എന്ന് ഓക്ലാൻഡ് യൂണിവേഴ്സിറ്റി വില്യം ബ്യൂമോണ്ട് സ്കൂൾ ഓഫ് മെഡിസിനിൽ നിന്നുള്ള പഠനത്തിന്റെ സഹ-രചയിതാവായ ആൻഡ്രൂ ഷാൻഹോൾട്ട്സർ ഇതേക്കുറിച്ച് പറയുന്നു

സ്വന്തം ശുക്ലത്തോട് അലർജി തോന്നുന്ന ഓട്ടോ ഇമ്മ്യൂൺ അവസ്ഥയാണ് ഇതെന്ന് അദ്ദേഹം പറയുന്നു. വൃഷണത്തിലെ അലർജി, പരിക്കുകൾ എന്നിവ നിമിത്തവും ഇതുണ്ടാവാം

സ്ഖലനം ഉണ്ടായി രണ്ടു ദിവസം മുതൽ ഒരാഴ്ചക്ക് ശേഷം വരെ ലക്ഷണങ്ങൾ പ്രകടമാവമത്രേ. ചിലപ്പോൾ മിനിറ്റുകൾക്കോ മണിക്കൂറുകൾക്കോ ശേഷവും സംഭവിക്കാൻ സാധ്യതയുണ്ട്

ഇങ്ങനെയൊരു അവസ്ഥയുണ്ടായ ശേഷം യുവാവ് ബന്ധപ്പെടൽ തന്നെ നിർത്തിവച്ചുകഴിഞ്ഞു. പ്രണയ ബന്ധങ്ങളോട് പോലും മുഖം തിരിക്കുകയാണ് ഇയാൾ എന്ന് 'യൂറോളജി കേസ് റിപോർട്സ്' എന്ന പഠനത്തിൽ പറയുന്നു. യൂറോളജിസ്റ്റുകളെയും ENT വിദഗ്ധരെയും പകർച്ചവ്യാധി വിദഗ്ധരെയും യുവാവ് കണ്ടു

വൃഷണങ്ങൾ സ്കാൻ ചെയ്യുകയും ബീജവും ഹോർമോണുകളും വിശകലനം ചെയ്യുകയും ചെയ്തു. എന്നിരുന്നാലും, എല്ലാ ഫലങ്ങളും നോർമൽ ആയിരുന്നു. ഒരു പ്രത്യേക മരുന്ന് നൽകി പ്രശ്നങ്ങൾ 90 ശതമാനത്തോളം കുറയ്ക്കാൻ സാധിച്ചു എന്ന് ഡോക്ടർമാർ പറഞ്ഞു