നഗ്നയായ സ്‌ത്രീയ്‌ക്കൊപ്പം ഇരുത്തി ഫോട്ടോയെടുത്തു, ഭീഷണിപ്പെടുത്തി; മസാജ് പാർലറിന്റെ പേരിൽ വഞ്ചിക്കപ്പെട്ടയാൾ പൊലീസിന് മുൻപിൽ

മസാജ് നൽകാമെന്ന വ്യാജേന ഫ്ലാറ്റിലേക്ക് ക്ഷണിക്കപ്പെട്ടു വഞ്ചിതനായ ആൾ പരാതിയുമായി പൊലീസിന് മുൻപിൽ. മസാജ്  നൽകാമെന്ന പേരിൽ വിളിച്ചുവരുത്തി നഗ്നയായ സ്‌ത്രീയ്‌ക്കൊപ്പം ഇരുത്തി ചിത്രമെടുക്കുകയും ഭീഷണിപ്പെടുത്തുകയും ചെയ്തതായി ഇദ്ദേഹം പറഞ്ഞു. പരസ്യം നൽകി ആളെക്കുടുക്കുന്ന സംഘമാണ് ഇതിനു പിന്നിൽ. നടന്ന കാര്യങ്ങൾ ഇങ്ങനെ:

ദുബായ് ജുമേറയിലെ ഫ്ലാറ്റിൽ മസാജ് നൽകുന്നു എന്ന ഓൺലൈൻ പരസ്യം കണ്ടാണ് ഇദ്ദേഹം സ്ഥലത്തെത്തുന്നത്. അപ്പോയ്ന്റ്മെന്റ് എടുത്താണ് പോയത്. ആദ്യം തന്നെ കത്തികാട്ടി ഭീഷണിപ്പെടുത്തി പണവും ക്രെഡിറ്റ് കാർഡും പിടിച്ചു വാങ്ങി

നഗ്നയായ സ്ത്രീ ഇയാളുടെ മടിയിൽ കയറി ഇരുന്നുള്ള ചിത്രവുമെടുത്തു. പോലീസിൽ പറഞ്ഞാൽ ചിത്രങ്ങൾ പ്രചരിപ്പിക്കുമെന്നായിരുന്നു പരാതി. ഇയാളുടെ കയ്യിൽ നിന്നും 500 ദിർഹം പണമായും ശേഷം 15,000 ദിർഹം ബാങ്ക് അക്കൗണ്ടിൽ നിന്നുമായി പിൻവലിച്ചതായി കോടതി രേഖകളിൽ പറയുന്നു

അൽ ബർഷ പോലീസ് സ്റ്റേഷനിൽ 2017 ജൂലൈ ഏഴിന് രജിസ്റ്റർ ചെയ്ത പരാതിയിൽ ഇപ്പോഴും വിചാരണ നടന്നുകൊണ്ടിരിക്കുകയാണ് എന്ന് ഖലീജ് ടൈംസ് റിപ്പോർട്ട് ചെയ്യുന്നു. തുടർന്ന് 22 കാരനായ ആഫ്രിക്കൻ സ്വദേശിയെ പിടികൂടി. മോഷണം, തടഞ്ഞുവയ്ക്കൽ, ഭീഷണിപ്പെടുത്തൽ, ലൈംഗികാതിക്രമം, സ്വകാര്യതയിലേക്കുള്ള കടന്നു കയറ്റം, അനധികൃതമായി മറ്റൊരാളുടെ ബാങ്ക് കാർഡുകൾ ഉപയോഗിക്കൽ തുടങ്ങിയ കുറ്റങ്ങളാണ് ഇയാൾക്കുമേലുള്ളത്

സമാനവിഷയങ്ങളിൽ ഇതിനു മുൻപും ഇയാളെ അറസ്റ്റ് ചെയ്തിട്ടുണ്ടെന്നു പോലീസ് അറിയിച്ചു. അതേ വ്യക്തി തന്നെയെന്ന് പരാതിക്കാരൻ തിരിച്ചറിയുകയും ചെയ്തു. ഇയാളുടെ വിചാരണ ഒക്ടോബർ 29ന് നടക്കും