'ഉപേക്ഷിക്കപ്പെട്ട' കുഞ്ഞുമായി ഭാര്യയുടെ മുന്നിൽ; രഹസ്യ ഭാര്യയിലെ കുഞ്ഞെന്ന് കണ്ടെത്തി പോലീസ്

ഉപേക്ഷിക്കപ്പെട്ട കുഞ്ഞെന്ന് പറഞ്ഞ് സ്വന്തം കുഞ്ഞിനെ ഭാര്യയുടെ മുന്നിൽ അവതരിപ്പിച്ച ഓട്ടോ ഡ്രൈവറായ ഭർത്താവിന്റെ കള്ളം പൊളിച്ച് പോലീസ്. പിറന്ന് അധികനേരമാവും മുൻപുള്ള  പെൺകുഞ്ഞുമായി ഇയാൾ ഭാര്യയുടെ മുന്നിൽ എത്തുകയായിരുന്നു (പ്രതീകാത്മക ചിത്രം)

കുഞ്ഞിനെ കനാലിന്റെ അരികിൽ നിന്നും ലഭിച്ചു എന്നായിരുന്നു ഇയാളുടെ വാദം. ഇക്കഴിഞ്ഞ ഞായറാഴ്ചയാണ് സംഭവം. ഒടുവിൽ അതിവിദഗ്‌ധമായി ചോദ്യം ചെയ്തപ്പോഴാണ് പൊലീസിന് ഇയാളുടെ കള്ളം പുറത്തുകൊണ്ടു വരാൻ സാധിച്ചത്. സംഭവമിങ്ങനെ (തുടർന്ന് വായിക്കുക) (പ്രതീകാത്മക ചിത്രം)

അഹമ്മദാബാദിലെ സറഫുദീൻ ഷെയ്ഖ് എന്ന ഓട്ടോ ഡ്രൈവറാണ് പോലീസിന്റെ ചോദ്യം ചെയ്യലിൽ കുടുങ്ങിയത്. ചോദ്യങ്ങൾക്ക് വസ്തുതാ വിരുദ്ധമായ മറുപടികളാണ് ഇയാൾ തുടർച്ചയായി നൽകിയത്. യഥാർത്ഥത്തിൽ ഇയാൾ രഹസ്യമായി വിവാഹം കഴിച്ച സ്ത്രീയിൽ ഉണ്ടായ മകളാണത് (പ്രതീകാത്മക ചിത്രം)

ഒരു വർഷം മുൻപായിരുന്നു രണ്ടാം വിവാഹം. ആദ്യ ഭാര്യ ഇക്കാര്യം അറിഞ്ഞിരുന്നതേയില്ല. നുണപറഞ്ഞാൽ കുഞ്ഞിനെ തനിക്കു തന്നെ വളർത്താൻ കഴിയും എന്നായിരുന്നു പ്രതീക്ഷ. അതാണ് പോലീസ് ഇടപെടലിൽ പൊളിഞ്ഞത് (പ്രതീകാത്മക ചിത്രം)

പട്ടി കടിക്കാൻ വന്നപ്പോൾ രക്ഷിച്ച നവജാത ശിശു എന്ന് പറഞ്ഞാണ് ഇയാൾ ഭാര്യയുടെ മുന്നിൽ കുഞ്ഞിനേയും എടുത്തുകൊണ്ട് വന്നത് എന്ന് പോലീസ്. ശേഷം കുഞ്ഞുമായി പോലീസ് സ്റ്റേഷനിലെത്തുകയായിരുന്നു (പ്രതീകാത്മക ചിത്രം)

ഇതേനാട്ടിൽ തന്നെ മറ്റൊരു കുഞ്ഞിനേയും സമാന സാഹചര്യത്തിൽ ഉപേക്ഷിച്ചിരുന്നു. കാറിനടയിൽ ഉപേക്ഷിച്ച കുഞ്ഞിന്റെ അമ്മയെ സി.സി.ടി.വി. ദൃശ്യങ്ങളിൽ നിന്നും പോലീസ് കണ്ടെത്തുകയായിരുന്നു (പ്രതീകാത്മക ചിത്രം)