ഹണി റോസിന്റെ പങ്കാളിയായി വേഷമിട്ട ലക്ഷ്മി മഞ്ചുവിന്റെ സഹോദരൻ മഞ്ചു മനോജ് വിവാഹിതനായി

മോഹൻലാൽ, ഹണി റോസ് ചിത്രം മോൺസ്റ്ററിലൂടെ മലയാളത്തിൽ പ്രവേശിച്ച തെലുങ്ക് നടി ലക്ഷ്മി മഞ്ചുവിന്റെ (Lakshmi Manchu) സഹോദരനും നടനുമായ മഞ്ചു മനോജ് (Manchu Manoj) വിവാഹിതനായി. ഭൂമ മൗനിക റെഡ്‌ഡിയാണ് വധു. ഇരുവരുടെയും രണ്ടാം വിവാഹമാണ്. അടുത്ത ബന്ധുക്കൾ പങ്കെടുത്ത ആർഭാടപൂർണമായ ചടങ്ങിലായിരുന്നു താലികെട്ട്. ആചാരപ്രകാരമുള്ള ചടങ്ങുകളോടെയായിരുന്നു വിവാഹം നടത്തിയത്

ലക്ഷ്മി മഞ്ചുവിന്റെ ഹൈദരാബാദ് ഫിലിം നഗറിലെ വസതിയിലായിരുന്നു വിവാഹം. എതിർപ്പുകൾ മാറ്റിവച്ച് മനോജിന്റെയും ലക്ഷ്മിയുടെയും പിതാവും മുതിർന്ന നടനുമായ മോഹൻ ബാബു വിവാഹത്തിൽ പങ്കെടുത്ത് ദമ്പതികളെ അനുഗ്രഹിച്ചു. ഇത് തീർത്തും അപ്രതീക്ഷിതമായിരുന്നു (തുടർന്ന് വായിക്കുക)

തെലുങ്ക് ദേശം പാർട്ടി നേതാവായ ഭൂമി നാഗി റെഡ്‌ഡിയുടെ മകളാണ് മൗനിക എന്നതായിരുന്നു മോഹൻ ബാബുവിന്റെ എതിർപ്പിന് പ്രധാന കാരണം. ടി.ഡി.പി. നേതാവ് ചന്ദ്രബാബു നായിഡുവുമായി മോഹൻ ബാബുവിന് ഏറെക്കാലമായി ചില പ്രശ്നങ്ങളുണ്ട്

മനോജിന്റെയും മൗനികയുടെയും വിവാഹചിത്രങ്ങൾ സോഷ്യൽ മീഡിയയിൽ വൈറലാണ്. ശാന്ത ബയോടെക് തലവൻ വരപ്രസാദ്‌ റെഡ്‌ഡി, രസ്ത്രീയ നേതാവ് വൈ.എസ്. വിജയമ്മ തുടങ്ങിയവർ വിവാഹത്തിൽ പങ്കുകൊണ്ടു

മനോജിന്റെയും മൗനികയുടെയും രണ്ടാം വിവാഹമാണിത്. മനോജ് 2015ൽ ബിസിനസ് കൺസൾട്ടന്റ് പ്രണതി റെഡ്ഡിയെ വിവാഹം കഴിച്ചിരുന്നു. താമസിയാതെ അവരുടെ വിവാഹ ജീവിതത്തിൽ പ്രശ്നങ്ങൾ ഉടലെടുത്തു. ഇതോടെ വേർപിരിയാൻ തീരുമാനിക്കുകയും 2019ൽ വിവാഹമോചനം നേടുകയും ചെയ്തു

2016ൽ ബംഗളൂരു ആസ്ഥാനമായുള്ള വ്യവസായിയായ ഗണേഷ് റെഡ്ഡിയെ മൗനിക വിവാഹം കഴിച്ചിരുന്നു. ഒരു മകനുമുണ്ട്. വ്യക്തമല്ലാത്ത കാരണങ്ങളാൽ രണ്ട് വർഷം മുമ്പ് ഇരുവരും വേർപിരിഞ്ഞു. മുൻ വിവാഹബന്ധങ്ങളിൽ നിന്നുള്ള വേർപിരിയലിനുശേഷം തങ്ങളുടെ വ്യക്തിജീവിതത്തിന് ഒരു പുതിയ തുടക്കം നൽകാൻ മനോജും മൗനികയും തീരുമാനിച്ചു

വിനായക ചതുർത്ഥി നാളിൽ ഹൈദരാബാദിലെ സീതാഫല്മണ്ടിയിലെ ഗണേശ മണ്ഡപത്തിലാണ് ഇവരെ ആദ്യം കണ്ടത്. അപ്പോഴേക്കും ഇവരുടെ ബന്ധത്തെക്കുറിച്ചുള്ള അഭ്യൂഹങ്ങൾ സോഷ്യൽ മീഡിയയിൽ പ്രചരിക്കാൻ തുടങ്ങിയിരുന്നു. ബന്ധത്തെക്കുറിച്ച് പ്രതികരിക്കാൻ മനോജ് അന്ന് വിസമ്മതിച്ചിരുന്നു