ഇതിപ്പോ എല്ലാരുമുണ്ടല്ലോ, ആരുടെ പിറന്നാളാണെന്നു നോക്കിയേ; അമ്മാൻജിക്ക് സ്നേഹത്തിൽ ചാലിച്ച പിറന്നാൾ കേക്കുമായി ചാക്കോച്ചൻ

ചാക്കോച്ചൻ, പിഷാരടി, മഞ്ജു, പ്രിയ പിന്നെ കുഞ്ഞ് ഇസുവും. ഇത്രയും പേരെ നിങ്ങൾ ആദ്യം തന്നെ നോട്ടമിട്ടിരിക്കാം. നടുക്ക് ഒരാൾ കേക്ക് മുറിക്കുന്നതിലേക്കു കണ്ണ് പോയോ? ഇത്രയും താരങ്ങൾ ചേർന്നൊരു പിറന്നാൾ ആഘോഷിക്കണമെങ്കിൽ അതാരായിരിക്കണം എന്നല്ലേ? നമ്മുടെ പ്രിയനടൻ കുഞ്ചാക്കോ ബോബന്റെ അമ്മ മോളി കുഞ്ചാക്കോയാണിത്

'അമ്മാൻജി' എന്ന് ചാക്കോച്ചൻ വിശേഷിപ്പിച്ച അമ്മയുടെ ജന്മദിനം ഇക്കുറി അൽപ്പം കിടിലവും സ്പെഷലുമാണ്. സിനിമാ സുഹൃത്തുക്കളും വേണ്ടപ്പെട്ടവരും ചേർന്നാണ് ആഘോഷം. മൂന്നു മക്കളുടെ അമ്മയായ മോളി ചാക്കോയുടെ ഏക മകനാണ് ചാക്കോച്ചൻ. പിന്നെ രണ്ടു പെണ്മക്കളുമുണ്ട് (തുടർന്ന് വായിക്കുക)

കേക്ക് മുറിക്കാൻ നേരം അണിഞ്ഞ അതേവേഷത്തിൽ അമ്മ ആഗ്രയിലെ താജ് മഹലിനു മുന്നിൽ നിൽക്കുന്ന മറ്റൊരു ചിത്രവും ചാക്കോച്ചൻ പോസ്റ്റ് ചെയ്തിട്ടുണ്ട്. ഇനി ഡൽഹിയിലാണോ ഇക്കുറി പിറന്നാൾ ആഘോഷം എന്നറിയേണ്ടിയിരിക്കുന്നു

ചാക്കോച്ചന്റെ മകൻ ഇസഹാക്ക് എന്ന ഇസുവിന്റെ മാമോദീസ ചടങ്ങിൽ പങ്കെടുക്കവെ അമ്മയ്ക്കും കുടുംബത്തിനുമൊപ്പം ചാക്കോച്ചൻ

ഏറെ നാളത്തെ കാത്തിരിപ്പിന് ശേഷം ചാക്കോച്ചനും പ്രിയയ്ക്കും ഇസഹാക് എന്ന മകൻ പിറന്നു എന്ന വിവരം പുറത്തുവന്നത് അച്ഛമ്മയുടെ കയ്യിലിരിക്കുന്ന കൊച്ചുമകന്റെ ചിത്രത്തോടെയാണ്. അന്ന് പലരും ഈ ചിത്രത്തിന്റെ ഉറവിടം തേടിപ്പായുകയും ചെയ്തിരുന്നു

കുഞ്ചാക്കോ ബോബനും ഭാര്യ പ്രിയയും മകൻ ഇസഹാക്കിനൊപ്പം