'സുഹൃത്തുക്കള്‍ കുടുംബം പോലെ'; മഞ്ജു വാര്യർക്കൊപ്പം ഭാവനയും സംയുക്തയും, മണിക്കൂറുകള്‍ക്കുള്ളില്‍ വൈറലായി ചിത്രം

സൗഹൃദം കാത്തുസൂക്ഷിക്കുന്നയാളാണ് നടി മഞ്ജു വാര്യർ. അവരൊന്നിച്ച് സമയം ചിലവഴിക്കാൻ താരം ശ്രദ്ധിക്കാറുണ്ട്. ഇപ്പോഴിതാ തന്റെ പ്രിയ സുഹൃത്തുക്കളുമൊത്ത് മഞ്ജു വാര്യർ പങ്കുവെച്ച ചിത്രം ഇപ്പോൾ സമൂഹ മാധ്യമങ്ങളിൽ വൈറലായിരിക്കുകയാണ്. 'ഫ്രണ്ട്സ് ലൈക്ക് ഫാമിലി' എന്ന് ഹാഷ്ടാഗോടെയാണ് ഭാവനയ്ക്കും സംയുക്ത വർമ്മയ്ക്കുമൊപ്പമുള്ള ചിത്രം നടി പങ്കുവെച്ചത്.

മഞ്ജുവിന്റെ ദീർഘകാല സൗഹൃദങ്ങളിൽ ഉള്ള രണ്ട് വ്യക്തികളാണ് ഭാവനയും സംയുക്ത വർമ്മയും. ഇതിനും മുൻപും താരം ഇവരുമായുളള ചിത്രം പങ്കുവച്ചിരുന്നു. ചിത്രം പോസ്റ്റ് ചെയ്തതിന് പിന്നാലെ നിരവധി കമന്‍റുകളാണ് ചിത്രത്തിന് അടിയില്‍ വരുന്നത്.

മണിക്കൂറുകള്‍ക്കുള്ളില്‍ തന്നെ ചിത്രം വൈറലായിട്ടുണ്ട്. ഇരുപതിനായിരത്തിലേറെപ്പേരാണ് ചിത്രത്തില്‍ റീയാക്ഷന്‍ നല്‍കിയിരിക്കുന്നത്. നല്ല കൂട്ടുകാരികൾ സൗഹൃദം എന്നും നിലനിൽക്കട്ടെ, സ്ത്രീശക്തിയുടെ സുന്ദര മുഖങ്ങള്‍ എന്നിങ്ങനെ ഒട്ടേറെ കമന്‍റുകളും കാണാം.

കഴിഞ്ഞ ദിവസം തീയറ്ററില്‍ എത്തിയ വെള്ളരി പട്ടണമാണ് മഞ്ജു വാര്യരുടെ പുതിയ ചിത്രം. കുടുംബ പശ്ചാത്തലത്തിലുള്ള പൊളിറ്റിക്കല്‍ സറ്റയര്‍ ആണ് സിനിമ. ഫുള്‍ ഓണ്‍ സ്റ്റുഡിയോസ് നിര്‍മ്മിക്കുന്ന ചിത്രത്തിന്‍റെ സംവിധാനം മഹേഷ് വെട്ടിയാര്‍ ആണ്. മാധ്യമപ്രവര്‍ത്തകനായ ശരത്കൃഷ്ണയും സംവിധായകനും ചേര്‍ന്നാണ് രചന.

മഞ്ജു വാര്യര്‍ കെ പി സുനന്ദയായും സൗബിന്‍ ഷാഹിർ സഹോദരനായ കെ പി സുരേഷ് ആയും ചിത്രത്തിൽ അഭിനയിക്കുന്നു. ഫുള്‍ ഓണ്‍ സ്റ്റുഡിയോസ് നിര്‍മ്മിക്കുന്ന ചിത്രത്തിന്‍റെ സംവിധാനം മഹേഷ് വെട്ടിയാര്‍ ആണ്. മാധ്യമപ്രവര്‍ത്തകനായ ശരത്കൃഷ്ണയും സംവിധായകനും ചേര്‍ന്നാണ് രചന.