Manju Warrier | ഷാരൂഖിന്റെ കയ്യിൽ കോടികളുടെ വാച്ച്, എന്നാൽ മഞ്ജുവിനോ? സ്റ്റൈലിന് സ്റ്റൈലും ലാളിത്യവും ഒത്തുചേർന്ന മഞ്ജു വാര്യരുടെ വാച്ചിന്റെ വില

നടൻ ഷാരൂഖ് ഖാൻ (Shah Rukh Khan) അഞ്ച് കോടിയുടെ വാച്ച് ധരിച്ച വിവരം കുറച്ചു ദിവസങ്ങൾക്കു മുൻപേ സോഷ്യൽ മീഡിയയിൽ പ്രചരിച്ചിരുന്നു. ഏറ്റവും പുതിയ സിനിമയായ 'പത്താൻ' വേൾഡ്വൈഡ് ബോക്സ് ഓഫീസിൽ നേടിയത് 800 കോടി രൂപയാണ് എന്ന കാര്യം മറക്കരുത്. മലയാളത്തിനും ഉണ്ടൊരു ലേഡിസൂപ്പർസ്റ്റാർ. നമ്മുടെ സ്വന്തം മഞ്ജു വാര്യർ. ഈ വേളയിൽ മഞ്ജുവിന്റെ വാച്ചിന്റെ വിലയും ശ്രദ്ധനേടുകയാണ്

പുതിയ ചിത്രം ആയിഷയുടെ പ്രൊമോഷൻ വേളയിലാണ് ഏവരും മഞ്ജുവിന്റെ കയ്യിലെ സ്റ്റൈലിഷ് വാച്ച് കണ്ടത്. ശേഷം ഇൻസ്റ്റഗ്രാം പ്രൊഫൈലിലും ഇതേ വാച്ച് ധരിച്ചുള്ള ചിത്രങ്ങളിൽ മഞ്ജു സുന്ദരിയായി നിൽക്കുന്ന ഫോട്ടോഷൂട്ട് ചിത്രങ്ങളും പ്രത്യക്ഷപെട്ടു. ഷാരൂഖിന് കോടികളുടെ വാച്ച് ധരിക്കാമെങ്കിൽ, ഒട്ടും സ്റ്റൈൽ കുറയാതെ തന്നെ നമ്മുടെ ലേഡി സൂപ്പർസ്റ്റാർ ധരിച്ച വാച്ചിന്റെ വിലയറിയേണ്ടേ? (തുടർന്ന് വായിക്കുക)

വർഷങ്ങളുടെ പാരമ്പര്യമുള്ള ബ്രാൻഡായ കാസിയോയുടെ വിന്റേജ് വാച്ചാണ് മഞ്ജുവിന്റെ കയ്യിൽ കിടക്കുന്നത്. അൽപ്പം പണം മുടക്കാൻ തയാറുണ്ടെങ്കിൽ നിങ്ങൾക്കും ഇതുപോലൊന്ന് സ്വന്തമാക്കാം. ഡിജിറ്റൽ വാച്ചിൽ റോസ് ഗോൾഡ് കൊണ്ടുള്ള പ്ളേറ്റിങ്ങും കാണാം

രണ്ടു വർഷത്തെ വാറന്റിയോട്‌ കൂടി പുറത്തിറങ്ങുന്ന വാച്ചിന് ആമസോണിൽ പറയുന്ന വില 5,995 ആണ്. സമാനമായി നൽകാനും ഈ വാച്ച് അനുയോജ്യമത്രെ

മഞ്ജുവിന്റെ സ്റ്റൈൽ എപ്പോഴും കേരളത്തിൽ ചർച്ചയാകാറുണ്ട്. വേറെയും നടിമാർ ഉണ്ടെങ്കിലും മഞ്ജു തിരഞ്ഞെടുക്കുന്ന വസ്ത്രം, ആക്സസറികൾ, മേക്കപ്പ് തുടങ്ങിയവയെല്ലാം ട്രെൻഡ് ആയി യുവതികൾക്കിടയിൽ മാറുന്ന കാഴ്ച തീർത്തും വിരളമല്ല

മഞ്ജു വാര്യർ കേന്ദ്രകഥാപാത്രത്തെ അവതരിപ്പിച്ച 'ആയിഷ' എന്ന സിനിമ വളരെ മികച്ച പ്രതികരണവുമായി മുന്നേറുകയാണ്. നടി നിലമ്പൂർ ആയിഷയുടെ ജീവിതത്തിൽ നിന്നും പ്രചോദനം ഉൾക്കൊണ്ട സിനിമ കൂടിയാണിത്

ചിത്രത്തിനായി നടനും നർത്തകനുമായ പ്രഭു ദേവ ചിട്ടപ്പെടുത്തിയ ഡാൻസ് മഞ്ജു പഠിച്ച്‌ അവതരിപ്പിച്ചിരുന്നു. സ്കൂൾ കാലം മുതലേ മഞ്ജുവിന്റെ ആരാധനാപാത്രം കൂടിയാണ് പ്രഭു ദേവ എന്നും അവർ സിനിമയുടെ പ്രചാരണ പരിപാടികൾക്കിടയിൽ വെളിപ്പെടുത്തിയിരുന്നു