Meenakshi Dileep | നാട്ടിലെ കൊടുംചൂടിൽ നിന്നും മാറി മീനാക്ഷി ദിലീപ് ഫ്രാൻസിൽ; ജൂനിയർ ദീപിക പദുകോൺ എന്ന് ആരാധകർ

സംസ്ഥാനത്ത് ഇപ്പോൾ കൊടുംവേനലാണ്. നേരം ഇരുട്ടിയാൽ മാത്രമേ ചൂടിൽ നിന്നും രക്ഷപെടാൻ സാധിക്കൂ എന്നാണ് അവസ്ഥ. എന്നാലും നിലയത്ര മെച്ചമൊന്നുമല്ല താനും. പലർക്കും ദൈനംദിന ജീവിതം കൂടി ഇതിന്റെയൊപ്പം കൊണ്ടുപോകണമെന്നതിനാൽ മറ്റൊരിടത്തു പോയി ഒന്ന് അവധിക്കാലം കൊണ്ടാടാൻ സാധിച്ചെന്നു വരില്ല. താരപുത്രി മീനാക്ഷി ദിലീപ് (Meenakshi Dileep) ചൂടിൽ മാറി നിന്നും വിദേശ രാജ്യത്തേക്ക് ചേക്കേറിയിരിക്കുകയാണ്

മഞ്ഞുമൂടിയ മലനിരകൾക്കു മുന്നിൽ കമ്പിളിയുടുപ്പും കോട്ടും ധരിച്ച് പുഞ്ചിരിക്കുന്ന ചിത്രങ്ങൾ മീനാക്ഷി ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്. ഇത് കണ്ടവർക്ക് പലർക്കും ദീപിക പദുക്കോണുമായി മീനാക്ഷിക്ക് സമാനത ഉണ്ടെന്നു കണ്ടെത്താൻ അധികം സമയം വേണ്ടിവന്നില്ല (തുടർന്ന് വായിക്കുക)

സുഹൃത്ത് നിത ജയകുമാറിനാണ് ഫോട്ടോഗ്രാഫർക്കുള്ള ക്രെഡിറ്റ് മീനൂട്ടി നൽകിയിരിക്കുന്നത്. അടുത്തിടെ മീനാക്ഷി തന്റെ കുടുംബത്തോടൊപ്പം അരുൺ ഗോപിയുടെ മക്കളുടെ പിറന്നാൾ ആഘോഷത്തിൽ പങ്കെടുക്കുന്ന ചിത്രങ്ങൾ വൈറലായിരുന്നു

മീനാക്ഷി ദിലീപ് ഒരു ഡോക്ടറായി വരാൻ ഇനി അധിക കാലതാമസമില്ല. ചെന്നൈയിലാണ് മീനാക്ഷിയുടെ മെഡിസിൻ പഠനം. ഇതിനിടെ അവസരം കിട്ടുമ്പോഴെല്ലാം നാട്ടിലെത്താറുണ്ട്

അഭിനയ കുടുംബത്തിലെ അംഗമായ മീനാക്ഷിക്ക് ഡാന്സിലും കമ്പമുണ്ട്. ഇൻസ്റ്റഗ്രാം അക്കൗണ്ട് തുടങ്ങിയതില്പിന്നെ ഇടയ്ക്കിടെ നൃത്ത വീഡിയോകൾ റീൽസ് ആയി പോസ്റ്റ് ചെയ്തിരുന്നു

സിനിമാ ലോകത്ത് മീനാക്ഷിയുടെ അടുത്ത കൂട്ടുകാരിയാണ് നമിത പ്രമോദ്. ഇവർ തമ്മിലെ സൗഹൃദം ഏറെ പ്രശസ്തമാണ്. നമിത കൊച്ചിയിൽ അടുത്തിടെ ആരംഭിച്ച കഫെയുടെ ഉദ്‌ഘാടന ദിവസം മീനാക്ഷി അതിഥിയായിരുന്നു

അനുജത്തി മഹാലക്ഷ്മിയെ കയ്യിലെടുത്ത് മുത്തം നൽകുന്ന മീനാക്ഷി ദിലീപ്