ഭർത്താവ് മരിച്ചത് മുതലുള്ള ചോദ്യത്തിന് ഉത്തരവുമായി മൂന്നു വർഷത്തിനു ശേഷം മേഘ്‌ന രാജ്

ഏറിയാൽ രണ്ടു വർഷം നീണ്ട ദാമ്പത്യത്തിനൊടുവിൽ അത്യന്തം ഞെട്ടലോടെയാണ് നടൻ ചിരഞ്ജീവി സർജയുടെ (Chiranjeevi Sarja) മരണം മേഘ്നയെ (Meghana Raj) തനിച്ചാക്കിയത്. അന്ന് മൂന്നു മാസം ഗർഭിണിയായിരുന്നു മേഘ്ന. ഭർത്താവിന്റെ അഭാവത്തിൽ, കുടുംബത്തിന്റെയും കൂട്ടുകാരുടെയും പിന്തുണയോടെ മേഘ്ന തന്റെ മകൻ റയാൻ രാജ് സർജ്ജയ്ക്ക് ജന്മം നൽകി

2020 ജൂൺ മാസത്തിലായിരുന്നു ചിരഞ്ജീവിയുടെ മരണം. അന്ന് മുതൽ ഇന്ന് വരെ മേഘ്ന നേരിട്ട ചോദ്യങ്ങൾ ഏറെയാണ്. ചിലതിനെല്ലാം മേഘ്നയുടെ നിശ്ശബ്ദതയായിരുന്നു മറുപടി. പക്ഷെ അന്ന് മുതൽ കേട്ട ഒരു പ്രധാന ചോദ്യത്തിന് താരം ഇതാ മൂന്നു വർഷങ്ങൾക്കിപ്പുറം മറുപടി നൽകുന്നു (തുടർന്ന് വായിക്കുക)

കഴിഞ്ഞ ദിവസം ഒരു ഇൻസ്റ്റഗ്രാം സ്റ്റോറിയിലൂടെ മേഘ്ന താൻ അന്നേദിവസം അതിനുള്ള മറുപടി പറയും എന്ന് അറിയിക്കുകയും ചെയ്തു. ഞായറാഴ്ച രാവിലെ തന്നെ മേഘ്ന ആ ഉത്തരം പോസ്റ്റ് ചെയ്യുകയും ചെയ്തു

കുറച്ചു നാൾ മുൻപ് മേഘ്ന അഭിനയരംഗത്തേക്ക് മടങ്ങിവരും എന്ന് അറിയിച്ചിരുന്നു. സിനിമയുടെ ഷൂട്ടിങ്ങും തുടങ്ങി. കോവിഡ് നാളുകളിലായിരുന്നു അത്. മേഘ്നയുടെയും ചിരജീവിയുടെയും സുഹൃത്തായ പന്നഗഭരണയായിരുന്നു മേഘ്നയെ പ്രോത്സാഹിപ്പിച്ച് മടക്കിക്കൊണ്ടുവന്നത്

ആ സിനിമ ഇനി പ്രേക്ഷകർക്ക് മുന്നിലേക്കെത്തും. മലയാളം ഉൾപ്പെടെയുള്ള ഭാഷകളിലാണ് സിനിമ റിലീസ് ചെയ്യുന്നത്. 'തത്സമ തദ്ഭവ' എന്നാണ് സിനിമയുടെ പേര്. വിശാൽ ആത്രേയ ആണ് സിനിമയുടെ സംവിധായകൻ. ഫസ്റ്റ് ലുക്ക് പോസ്റ്റർ ഇന്ന് പുറത്തുവിട്ടു

മകൻ റയാൻ രാജ് സർജയ്ക്ക് രണ്ടു വയസ്സ് പിന്നിട്ടു. ഭർത്താവിന്റെ അഭാവം തീർത്ത വിടവിൽ നിന്നുകൊണ്ട് ജീവിതം തിരികെപ്പിടിക്കുകയാണ് മേഘ്ന. അഭിനയം, മോഡലിംഗ് മേഖലകളിൽ മേഘ്ന സജീവമായിക്കഴിഞ്ഞു

കുറച്ചു മാസങ്ങൾക്ക് മുൻപ് ഭർത്താവ് സന്ദർശിച്ച സ്ഥലങ്ങളിൽ മേഘ്ന കൂട്ടുകാരികളുമൊത്ത് ടൂർ പോയിരുന്നു