അന്നൊരു സ്കൂൾ നാടകത്തിൽ; പണ്ട് അഭിനേതാവെങ്കിൽ ഇന്ന് മലയാളികളുടെ പ്രിയ സംവിധായകൻ

വർഷങ്ങൾക്ക് മുൻപുള്ള മറ്റൊരു സമാന്തര ലോകത്തിൽ, ഈ ചിത്രത്തിൽ കാണുന്ന കുട്ടികൾ ഒരു നാടകത്തിലെ അഭിനേതാക്കളാണ്. സ്കൂൾ നാടകത്തിലെ ഓർമ്മയുമായി ഇൻസ്റ്റഗ്രാം ചിത്രവുമായി വന്നിരിക്കുകയാണ് പ്രേക്ഷകരുടെ പ്രിയ യുവസംവിധായകൻ. അന്ന് സ്റ്റേജിൽ വേഷമിട്ടെങ്കിലും പിൽക്കാലത്ത് അനവധിപ്പേരെ ക്യാമറയ്ക്കു മുന്നിൽ അണിനിരതനായിരുന്നു ഇദ്ദേഹത്തിന്റെ നിയോഗം

മുകളിൽ കണ്ട ചിത്രത്തിൽ വെളുത്ത വസ്ത്രവും തൊപ്പിയും ധരിച്ച ആൺകുട്ടിയാണ് ഈ ഫോട്ടോയിൽ അജു വർഗീസിന്റെ അരികിലായി കാണുന്നത്. സ്കൂൾകാല ചിത്രത്തിന് തൊട്ടുപിന്നിൽ അദ്ദേഹം പോസ്റ്റ് ചെയ്ത ഫോട്ടോയാണിത്. ഒട്ടേറെ സിനിമകൾ ഇല്ലെങ്കിലും ഇറങ്ങിയ ചിത്രങ്ങൾ എല്ലാം തന്നെ പ്രേക്ഷകരുടെ മനസ്സിൽ പ്രതിഷ്‌ഠ നേടിയവയാണ്. അതിനുദാഹരണമാണ് ചുവടെ കാണുന്ന മീമുകൾ (തുടർന്ന് വായിക്കുക)

ബിഗ്സ്‌ക്രീനിൽ ലഭിച്ചതിനേക്കാൾ സ്വീകാര്യത ഓൺലൈൻ ലോകത്തു നിന്നും ലഭിച്ച ആട് 1, അതിന്റെ രണ്ടാം ഭാഗമായ ആട് 2, സൂപ്പർ ഹിറ്റ് ക്രൈം ത്രില്ലർ അഞ്ചാം പാതിരാ എന്നിവയുടെ സംവിധായകൻ മിഥുൻ മാനുവൽ തോമസ് ആണ് ആദ്യ ചിത്രത്തിൽ കാണുന്ന കുട്ടി

അഞ്ചാം പാതിരാ കണ്ട് ത്രില്ലടിച്ച പ്രേക്ഷകർക്ക് ആറാം പാതിരാ ഉറപ്പു നൽകിയിരിക്കുകയാണ് സംവിധായകൻ. 2020ലെ കോവിഡ് ലോക്ക്ഡൗൺ ഇല്ലാതിരുന്നുവെങ്കിൽ, ഒട്ടേറെ ദിവസങ്ങൾ തിയേറ്ററിൽ ഓടാൻ സാധ്യതയുണ്ടായിരുന്ന ചിത്രമായിരുന്നു കുഞ്ചാക്കോ ബോബൻ നായകനായ അഞ്ചാം പാതിരാ

എന്നാൽ ആ ലോക്ക്ഡൗൺ നാളുകളിലാണ് ഈഥൻ അഥവാ മാത്തൻ എന്ന് വിളിക്കുന്ന മിഥുനിന്റെ കടിഞ്ഞൂൽ കൺമണിയുടെ ജനനം

ആറാം പാതിരായുടെ അന്നൗൺസ്‌മെന്റ് പോസ്റ്റർ