Midhun Murali | മിഥുന്റെ വധു സ്വർണമണിഞ്ഞില്ല, ആഭരണങ്ങൾ നാത്തൂൻ തയാറാക്കി നൽകിയത്

നടൻ മിഥുൻ മുരളിയുടെ (Midhun Murali) വിവാഹ വിശേഷങ്ങളും ചിത്രങ്ങളും കുറച്ചു ദിവസങ്ങളായി സോഷ്യൽ മീഡിയയിൽ നിറയുകയാണ്. എഞ്ചിനീയറും മോഡലുമായ കല്യാണിയാണ് മിഥുന്റെ വധു. കൊച്ചിയിൽ വച്ചായിരുന്നു വിവാഹം. നടി മൃദുല മുരളിയുടെ സഹോദരനാണ് മിഥുൻ. ഇരുവരും ബാലതാരങ്ങളായി തന്നെ മലയാള സിനിമയിൽ സജീവമായിരുന്നു

അനുജന്റെ കല്യാണ വിശേഷങ്ങൾക്കൊപ്പം ചേച്ചി മൃദുല വിവാഹ ആശംസയുമായി ഇൻസ്റ്റഗ്രാമിൽ എത്തിയിരിക്കുന്നു. ഇത് സ്വർണാഭരണ രഹിതമായ വിവാഹമായിരുന്നു. വധു അണിഞ്ഞ ആഭരണങ്ങൾ വന്ന വഴിയും ഒക്കെ ചേർത്താണ് മൃദുല വിവാഹാശംസ നേർന്നത് (തുടർന്ന് വായിക്കുക)

പത്തു വർഷത്തെ പ്രണയത്തിനൊടുവിലാണ് വിവാഹം. ജ്യോത്സ്യന്മാരുടെ ഇടപെടലും ഒത്തുചേരേണ്ടതിന്റെ ആവശ്യകതയും, കുടുംബത്തിന്റെ സമ്മർദവും ഒക്കെച്ചേർന്നതിന്റെ ഒടുവിലാണ് വിവാഹം. എന്നെന്നും സന്തോഷത്തോടെ ജീവിക്കുക എന്നതൊരു മിഥ്യയാണ് എന്നവർ മനസ്സിലാക്കിയിരിക്കുന്നു എന്ന് മൃദുല

ഒടുവിൽ പിരിയും വരെ ഒന്നിച്ചു ജീവിക്കാൻ അവർ തീരുമാനിക്കുകയായിരുന്നു. അവർക്ക് ജീവിതകാലം മുഴുവൻ നീളുന്ന സ്നേഹത്തിന്റെയും, പരിഹാസത്തിന്റെയും, സഹിക്കാവുന്ന അമ്മായിയച്ഛൻ-അമ്മായിയമ്മയെയും നേരുന്നു എന്ന് മൃദുല. മരണം വരെയോ, അല്ലെങ്കിൽ പരസ്പരം സഹിക്കാവുന്നതു വരെയോ ഒന്നിച്ചു ജീവിക്കട്ടെ എന്നാണ് ഈ സഹോദരിയുടെ ആശംസ

ഇത് സ്വർണാഭരണ രഹിതമായ വിവാഹമായിരുന്നു എന്ന് മൃദുല. വധു അണിഞ്ഞ ആഭരണങ്ങൾ ഒക്കെയും വന്നത് നാത്തൂനായ മൃദുല വഴിയാണ്. ഇൻസ്റ്റഗ്രാം പോസ്റ്റിനു നൽകിയ ടാഗ് വഴി അത് മനസിലാക്കാം

കൈകൊണ്ടു നിർമ്മിക്കുന്ന ആഭരണങ്ങളുടെ വില്പനയുമുണ്ട് മൃദുലയ്ക്ക്. 'പ്യുവർ അൽയുർ' എന്ന ബ്രാന്ഡിന്റെതാണിത്. സഹോദര ഭാര്യക്ക് വിവാഹത്തിന് ഈ ആഭരണങ്ങളാണ് മൃദുല തയാർ ചെയ്തു നൽകിയത്. മൃദുലയുടെ കൂട്ടുകാരിയുടെ സഹോദരിയുമാണ് കല്യാണി