ബെൽസ് പാൾസി ലക്ഷണങ്ങൾക്കിടയിലും മിഥുൻ രമേശ് ടി.വി. പരിപാടിയിൽ

മലയാള ടി.വി. അവതരണ രംഗത്തെ പകരംവയ്ക്കാനില്ലാത്ത അവതാരകനാണ് മിഥുൻ രമേശ് (Mithun Ramesh). ജനകീയൻ എന്ന് ഒറ്റവാക്കിൽ പറയാം. പ്രായഭേദമന്യേ ഏവരെയും ഫാൻസാക്കി മാറ്റുന്ന അപൂർവ അവതരണ ശൈലിയുടെ ഉടമയാണ് മിഥുൻ. തന്റെ പരിപാടിയിൽ പങ്കെടുക്കുന്നവരുടെ കഴിവുകൾ കയ്യടിച്ചും ചിരിച്ചും പ്രോത്സാഹിപ്പിക്കുന്ന ആളാണ് മിഥുൻ. മിഥുൻ തനിക്കു ബെൽസ് പാൾസി എന്ന രോഗാവസ്ഥ ഉണ്ടായതായി സ്ഥിരീകരിച്ചിരുന്നു

നടി ബീന ആന്റണിയുടെ ഭർത്താവും നടനുമായ മനോജിന് ഇതേ അവസ്ഥ സ്ഥിരീകരിച്ചിരുന്നു. അതിൽ നിന്നും അദ്ദേഹം ചികിത്സയിലൂടെ മോചിതനായി. എന്നാൽ തന്റെ ജോലി ഏറെ ആസ്വദിച്ച് ചെയ്യുന്ന മിഥുൻ ഈ രോഗാവസ്ഥയിലും അത് കൂസാതെ ടി.വി. പരിപാടിയിൽ പ്രത്യക്ഷപ്പെട്ട ശേഷമാണ് ചികിത്സയിൽ പ്രവേശിച്ചത് (തുടർന്ന് വായിക്കുക)

ഫ്‌ളവേഴ്‌സ് ടി.വിയിലെ ഒരു പ്രോമോ വീഡിയോയിൽ മുഖത്ത് ബെൽസ് പാൾസി ലക്ഷണങ്ങളോടെ മിഥുൻ സംസാരിക്കുന്ന വീഡിയോ അദ്ദേഹം തന്നെയാണ് ഇൻസ്റ്റഗ്രാം സ്റ്റോറിയിൽ പോസ്റ്റ് ചെയ്തത്. ഈ വീഡിയോ എടുത്ത സമയത്തു ഞാൻ ബെൽസ് പാൾസി ബാധിതനായിരുന്നു എന്ന് മിഥുൻ അടിക്കുറിപ്പും നൽകി

മനോജിനും മിഥുനും ബാധിച്ച ബെൽസ് പാൾസി ലക്ഷണങ്ങൾ തമ്മിൽ നേരിയ വ്യത്യാസമുണ്ട്. മനോജിന് ചുണ്ടിന്റെ ഒരു ഭാഗം കോടിയെങ്കിൽ, മിഥുന് വായുടെ ഒരു ഭാഗം അനക്കാൻ പ്രയാസമുണ്ട്. അത് പോലെ തന്നെ ഒരു കണ്ണിന്റെ ചലനത്തിലും പ്രശ്നമുണ്ട്

രണ്ടു കണ്ണും ഒന്നിച്ചടച്ചില്ലെങ്കിൽ, മുഖത്തിന്റെ ഒരു ഭാഗത്തെ ഒരെണ്ണം മാത്രമായി അടയാൻ പ്രയാസം നേരിടുന്നുണ്ട്. തിരുവനന്തപുരത്തെ അനന്തപുരി ആശുപത്രിയിൽ ചികിത്സയിലാണ് മിഥുൻ ഇപ്പോൾ. ടി.വി. അവതാരകൻ എന്നതിലുപരി നടൻ, ആർ.ജെ. തുടങ്ങിയ നിലകളിലും മിഥുൻ ശ്രദ്ധേയനാണ്

മിഥുനിന്റെ ഭാര്യ ലക്ഷ്മി മേനോനും അറിയപ്പെടുന്ന വ്‌ളോഗറാണ്. ഇരുവരും ഒന്നിച്ചുള്ള വീഡിയോകൾ സോഷ്യൽ മീഡിയയിൽ സൂപ്പർ ഹിറ്റാണ്. തൻവി എന്ന ഏക മകളും ചിലപ്പോൾ പോസ്റ്റുകളിൽ പ്രത്യക്ഷപ്പെടാറുണ്ട്

'ജിമ്മി ഈ വീടിന്റെ ഐശ്വര്യം' എന്ന സിനിമയിൽ മിഥുൻ നായകവേഷം ചെയ്തിരുന്നു. ദിവ്യ പിള്ളയാണ് നായിക