23 വർഷങ്ങൾക്ക് മുൻപ് മോഹൻലാലിനൊപ്പം തുടങ്ങിയ സിനിമാഭിനയം; ഇന്ന് ജനപ്രിയ മുഖം, താരം

വിനയചന്ദ്രൻ മാഷ് (മോഹൻലാൽ -Mohanlal) എന്ന അധ്യാപകൻ. ചുറ്റും കുറച്ചു പ്ലസ് ടു വിദ്യാർഥികൾ. അവർ അതുവരെ കണ്ട മാഷുമാരെപ്പോലല്ല അദ്ദേഹം. അവരുടെ ഭാഷയിൽ പറഞ്ഞാൽ, ഒരു 'കൺകെട്ടുകാരൻ'. ആ മാഷിനൊപ്പം സിനിമയുടെ സ്കൂളിൽ ബാലപാഠങ്ങൾ തുടങ്ങിയ ഒന്ന് രണ്ടു അഭിനേതാക്കളുണ്ട്. അതിലൊരാളാണ് ഈ ചിത്രത്തിൽ കാണുന്ന നീല ഷർട്ടുകാരൻ. ഇന്ന് മോഹൻലാലിന്റെ ജന്മദിനാശംസയായാണ് ഈ ചിത്രം പുറത്തുവന്നത്

നീണ്ട 23 വർഷങ്ങളുടെ പഴക്കമുണ്ട് ആ കഥയ്ക്ക്. ഫാസിൽ സംവിധാനം ചെയ്ത്, മോഹൻലാൽ, സംയുക്ത വർമ്മ, ഗീതു മോഹൻദാസ് എന്നിവർ മുഖ്യവേഷങ്ങൾ ചെയ്ത 'ലൈഫ് ഈസ് ബ്യൂട്ടിഫുൾ' (Life is beautiful movie) ചിത്രത്തിൽ കുറച്ചേറെ യുവ നടന്മാർ അണിനിരന്നിരുന്നു. ആ മുഖങ്ങൾ പ്രേക്ഷകർ ഇന്നും മറക്കാൻ സാധ്യതയില്ല (തുടർന്ന് വായിക്കുക)

വിദ്യാർഥിക്കൂട്ടത്തിൽ ശ്രദ്ധേയരായ രണ്ടുപേരുണ്ടായിരുന്നു. ഒരു കഥാപാത്രം രാജൻ പണിക്കർ, മറ്റൊരാൾ, അന്തർമുഖനായ ഗായകൻ സൂരജ് കിഷോർ. ഇവർ രണ്ടും ഇന്ന് മലയാള സിനിമയിൽ സജീവമാണ്. ആ രാജൻ പണിക്കാരുടേതാണ് പിറന്നാൾ ആശംസ. സൂരജിനെ അവതരിപ്പിച്ചത് നടൻ അരുൺ ചെറുകാവിൽ

മലയാളിക്ക് ആമുഖം ആവശ്യമില്ലാത്ത നടനും അവതാരകനുമായ മിഥുൻ രമേശാണ് രാജൻ പണിക്കർ എന്ന വേഷം ചെയ്തത്. പിന്നീട് മിഥുൻ, സിനിമാ സീരിയൽ രംഗങ്ങളിൽ പ്രാവീണ്യം തെളിയിച്ചു. അവതാരകനായി ആബാലവൃദ്ധം ജനങ്ങളെ കയ്യിലെടുത്തു

'കോമഡി ഉത്സവം' എന്ന മിഥുൻ രമേശ് ഷോയ്ക്ക് കേരളത്തിലെമ്പാടും ഫാൻസ്‌ ഏറെയാണ്. ദുബായിയിൽ ആർ.ജെയായി ജോലിയെടുക്കുന്നതിനിടയിലാണ് മിഥുൻ അവതരണവും അഭിനയവും കൂടെക്കൂട്ടുന്നത്

ഭാര്യ ലക്ഷ്മി മേനോൻ അറിയപ്പെടുന്ന വ്‌ളോഗറാണ്. ഇവരുടെ വീഡിയോസിന് ഏറെ ആരാധകരുണ്ട്, ഇടക്കൊക്കെ മകൾ തൻവിയും കൂടെക്കൂടും

'ജിമ്മി ഈ വീടിന്റെ ഐശ്വര്യം' എന്ന സിനിമയിൽ മിഥുൻ നായകവേഷം ചെയ്തിരുന്നു. അടുത്തിടെ പുറത്തുവന്ന ചിത്രമായ 'ഷെഫീഖിന്റെ സന്തോഷത്തിലെ' മിഥുന്റെ റോൾ ശ്രദ്ധ നേടിയിരുന്നു

'ബെൽസ് പാൾസി' എന്ന രോഗാവസ്ഥയിൽ നിന്നും മിഥുൻ വിജയകരമായി മുക്തി നേടിയിരുന്നു. ഇതിന്റെ ചികിത്സാർത്ഥം മിഥുൻ കുറച്ചു ദിവസം നാട്ടിലേക്കു മടങ്ങിയിരുന്നു. ഈ സമയം ഒപ്പമുണ്ടായിരുന്ന കുടുംബത്തെക്കൂടാതെ, പ്രിയ ആരാധകരും മിഥുനിന്റെ ആരോഗ്യത്തിനായി പ്രാർത്ഥനയുമായി എത്തിച്ചേർന്നിരുന്നു. ശേഷം പൂർണ ആരോഗ്യവാനായി ദുബായിലേക്ക് തിരിച്ചു