Mithun Ramesh | സന്തോഷവാനായ മിഥുനിലേക്ക് പതിയെ മടക്കം; ബെൽസ് പാൾസി സ്ഥിരീകരിച്ച ശേഷം മിഥുൻ രമേശ് കുടുംബവുമൊന്നിച്ച്

എപ്പോഴും നിറചിരിയോടെ, പ്രസന്ന വദനനായി കാണപ്പെടുന്നയാളാണ് മലയാളികളുടെ പ്രിയങ്കരനായ നടനും അവതാരകനുമായ മിഥുൻ രമേശ് (Mithun Ramesh). ആബാലവൃദ്ധം ജനങ്ങളും ഇദ്ദേഹത്തിന്റെ ഫാൻസായി മാറിയതിൽ അക്കാരണം കൊണ്ടുതന്നെ അത്ഭുതപ്പെടേണ്ട കാര്യമില്ല. മാർച്ച് മാസത്തിന്റെ തുടക്കത്തിൽ മിഥുൻ തനിക്കു ബെൽസ് പാൾസി എന്ന രോഗാവസ്ഥ സ്ഥിരീകരിച്ച വിവരം അറിയിച്ചിരുന്നു

മുഖത്തിന്റെ ഒരു ഭാഗത്തെ ബാധിക്കുന്ന ഈ അവസ്ഥയിലൂടെ പല താരങ്ങളും മുൻപ് കടന്നുപോയിട്ടുണ്ട്. നടൻ മനോജ് അതിനൊരുദാഹരണമാണ്. എന്നാൽ മിഥുൻ തന്റെ ആരാധകർക്ക് ആശ്വാസവും സന്തോഷവും നൽകുന്ന കാഴ്ചകളും വിശേഷങ്ങളുമായി എത്തിക്കഴിഞ്ഞു (തുടർന്ന് വായിക്കുക)

ഭാര്യയും മകളും അടങ്ങുന്ന കുടുംബാംഗങ്ങൾക്കൊപ്പം ബീച്ചിൽ എത്തിയ ചിത്രം മിഥുൻ ഇൻസ്റ്റഗ്രാം സ്റ്റോറിയിൽ പോസ്റ്റ് ചെയ്തു. മിഥുന്റെ മുഖത്ത് അല്പം ക്ഷീണം ഉണ്ടെങ്കിലും ഒരു വലിയ പോരാട്ടം നേരിട്ടതിന്റെ ചാരിതാർഥ്യവും കാണാം

എല്ലാവരുടെയും പ്രാർത്ഥനകൾക്ക് നന്ദി അറിയിച്ച്, താൻ സുഖപ്പെടുന്നുവെന്ന വിവരം മിഥുൻ രമേശ് കുറച്ചു ദിവസങ്ങൾക്കു മുൻപ് പോസ്റ്റ് ചെയ്തിരുന്നു

അസുഖം ഉണ്ടായിരുന്ന വേളയിലും മിഥുൻ കർമനിരതനായിരുന്നു. ഫ്‌ളവേഴ്‌സ് ടി.വി.യിൽ ഒരു പരിപാടിയുടെ പ്രൊമോ മിഥുൻ അവതരിപ്പിച്ചത് ബെൽസ് പാൾസി ലക്ഷണങ്ങളോടെയാണ്

ചിരിക്കുമ്പോൾ മുഖത്തിന്റെ ഒരു ഭാഗത്തെയും, ഒരു കണ്ണിന്റെ ചലനത്തെയുമാണ് ബെൽസ് പാൾസി ബാധിച്ചത്

മിഥുനും ഭാര്യ ലക്ഷ്മിയും സജീവ വ്ലോഗര്മാർ കൂടിയാണ്. ഇവരുടെ വീഡിയോസിന് ഒട്ടേറെ ആരാധകരുണ്ട്