HBD Mohanlal | ഇതാണ് ഏട്ടൻ, ഇങ്ങനെയാണ് ഏട്ടൻ; മോഹൻലാലിൻറെ പിറന്നാൾ ആഘോഷം ഇവർക്കൊപ്പം

മലയാളികളുടെ സ്വന്തം ഏട്ടൻ, മോഹൻലാലിന്റെ ജന്മദിനമാണിന്ന് (Happy Birthday Mohanlal). അർധരാത്രി മുതൽ സിനിമാ ലോകത്തെ പ്രിയ കൂട്ടുകാർ ഓരോരുത്തരായി മോഹൻലാലിന് ജന്മദിനാശംസ നേരുന്ന തിരക്കിലാണ്. നടൻ മമ്മൂട്ടി ആദ്യം പിറന്നാൾ ആശംസിച്ചവരുടെ പട്ടികയിൽ മുൻപിൽ ഉണ്ട്. പക്ഷെ ഈ ഏട്ടൻ എളിമയുടെ നിറകുടമാണ് എന്ന് തെളിയിക്കാൻ ഇനി വേറെ ഒന്നും നോക്കണ്ട. അദ്ദേഹം പിറന്നാൾ ആഘോഷമാക്കിയത് എങ്ങനെ എന്നറിഞ്ഞാൽ മാത്രം മതി

കുറച്ചേറെ കുട്ടികൾക്ക് മധുരവും സമ്മാനങ്ങളുമായി എത്തിച്ചേർന്ന 'ഗിഫ്റ് അങ്കിൾ' കൂടിയാണ് ലാലേട്ടൻ. അവർക്കൊപ്പം കേക്ക് മുറിച്ചും, അകത്തെന്താവും എന്ന കൗതുകം നിറച്ച ചില സമ്മാനപ്പൊതികളുമായി ലാലേട്ടൻ അവർക്കരികിലേക്കെത്തി (തുടർന്ന് വായിക്കുക)

ഹം ഫൌണ്ടേഷൻ നടത്തിവരുന്ന 'ഏഞ്ചൽസ് ഹട്ട്' എന്ന സംരക്ഷണ കേന്ദ്രത്തിലെ കുട്ടികൾക്കൊപ്പമാണ് ലാലേട്ടന്റെ പിറന്നാൾ ആഘോഷം. സാമ്പത്തികമായി പിന്നോക്കം നിൽക്കുന്ന കുടുംബങ്ങളിലെ പെൺകുട്ടികളുടെ ഉന്നമനത്തിനായി പ്രവർത്തിക്കുന്നു ഈ സ്ഥാപനം

അച്ഛന്റെയും അമ്മയുടെയും പേരിൽ നടത്തിവരുന്ന 'വിശ്വശാന്തി' ഫൌണ്ടേഷൻ എന്ന സംഘടനയുടെ കീഴിൽ എണ്ണം പറഞ്ഞ ജീവകാരുണ്യ പ്രവർത്തനങ്ങൾ അദ്ദേഹം നടത്തിപ്പോരുന്നു. പ്രളയമായാലും മഹാമാരിയായാലും മറ്റേതു പ്രതിസന്ധിയായാലും ഏട്ടന്റെ കരങ്ങൾ കണ്ണുനീരൊപ്പാൻ എത്തിച്ചേർന്നിരിക്കും

തനിക്ക് ഇതിനായി അവസരം ഒരുക്കി കൊടുത്താൽ സോൺ ഇടമുറ്റത്ത് എന്നയാൾക്കും ലാലേട്ടൻ നന്ദി പറഞ്ഞിട്ടുണ്ട്. മകൻ പ്രണവിന്റെ എളിമ ഇപ്പോഴും മോഹൻലാലിന്റെ പേരിനൊപ്പം പലരും ചേർത്തുവെക്കാറുണ്ട്. ഇക്കുറി അക്കാര്യം അദ്ദേഹം അക്ഷരംപ്രതി നടപ്പിലാക്കിയിരിക്കുന്നു

ഇന്ന് രാവിലെ മറ്റൊരു സുഹൃത്തായ ഷിബു ബേബി ജോൺ 'മലൈക്കോട്ടൈ വലിബൻ' സിനിമയിലെ മോഹൻലാലിന്റെ ലുക്ക് പോസ്റ്റ് ചെയ്തിരുന്നു. ലിജോ ജോസ് പെല്ലിശ്ശേരി സംവിധാനം ചെയ്യുന്ന സിനിമ ഈ വർഷത്തെ മോഹൻലാലിന്റെ ഏറ്റവും പ്രതീക്ഷയേറിയ സിനിമയാണ്

കരിയറിൽ ആദ്യമായി മോഹൻലാലും രജനികാന്തും ഒരേ സിനിമയിൽ എത്തുന്ന കാഴ്ചയും വിദൂരമല്ല. 'ജെയ്ലർ' സിനിമയിൽ മോഹൻലാൽ അതിഥി വേഷം അവതരിപ്പിക്കുന്നുണ്ട്