Mrudula Murali | ആഭരണത്തിനായി ഒരു പവന്റെ വില ധാരാളം; നടി മൃദുല മുരളി സഹോദരഭാര്യയ്ക്കായി വിവാഹാഭരണങ്ങൾ ഒരുക്കിയതിങ്ങനെ

തരി പോലും സ്വർണമില്ലാതെ, എന്നാൽ പൊലിമയ്ക്ക് ഒട്ടും കുറവില്ലാതെ കതിർമണ്ഡപത്തിൽ കയറിയ വധുവാണ് നടൻ മിഥുൻ മുരളിയുടെ (Midhun Murali) ഭാര്യ കല്യാണി. വധുവിന്റെ ആഭരണങ്ങൾ തീർത്തതാകട്ടെ, വരന്റെ സഹോദരിയും നടിയുമായ മൃദുല മുരളിയും (Mrudula Murali). സ്റ്റേറ്റ്മെന്റ് ജൂവലറി നിർമാതാവ് കൂടിയാണ് മൃദുല. നാത്തൂന്റെ ആഭരണങ്ങൾ പിറന്ന വഴിയെക്കുറിച്ച് മൃദുല വ്യക്തമാക്കുന്നു

വിവാഹത്തിന് ആഭരണങ്ങൾ ചെയ്യാമോ എന്ന് കല്യാണി ചോദിച്ചപ്പോൾ, അതെന്തെളുപ്പം എന്നായിരുന്നു മൃദുലയുടെ തോന്നൽ. പക്ഷെ ഏഴാം ക്‌ളാസ്സുകാരിയായി കണ്ടുതുടങ്ങിയ കക്ഷി, സി.ബി.ഐ. ഓഫീസറേക്കാൾ കണിശതയുള്ളയാൾ എന്ന് മൃദുലയ്ക്ക് വൈകാതെ മനസിലായി. തീർത്തും കൈപ്പിടിയിലൊതുങ്ങുന്ന വിലയിൽ, ആഡംബരം തോന്നിക്കുന്നതുമായ ആഭരണങ്ങളുടെ നിർമാണ ശാലയിലേക്ക് മൃദുല കടന്നു (തുടർന്ന് വായിക്കുക)

കൃത്യമായ ധാരണയോടെ, അൽപ്പം കല്ലും മുള്ളും നിറഞ്ഞ പാതയിലൂടെ താൻ യാത്ര ആരംഭിച്ചു എന്ന് മൃദുല. അങ്ങനെ പൊന്നിനും വജ്രത്തിനും എല്ലാം ബദലായി, എന്നാൽ വജ്രവുമായി ഏറെ സമാനതകളുള്ള മോയിസനൈറ്റ് പൊൽകി സ്റ്റോണുകളിൽ ആഭരങ്ങൾ തീർത്തു

വിവാഹ സാരിക്ക് ചേരുന്ന പച്ച നിറം കൂടി ഇഴചേർത്തായിരുന്നു ആഭരണങ്ങളുടെ നിർമാണം. ഈ യാത്രയിലെ കല്ലും മുള്ളും നിറഞ്ഞ പാത പക്ഷെ അത്രയ്ക്കും മൂല്യമേറിയതായിരുന്നു എന്ന് മൃദുല മുരളി

മോയിസനൈറ്റ് പൊൽകി സ്റ്റോണുകൾ കൊണ്ടുള്ള ആഭരണങ്ങളുടെ ലഭ്യത ഒന്ന് ഗൂഗിൾ സെർച്ച് ചെയ്താൽ തന്നെ മനസിലാകും. ലക്ഷങ്ങൾ വിലവരുന്ന സ്വര്ണാഭരണങ്ങളേക്കാൾ, ഒരു പവനോളം വിലയുണ്ടെങ്കിൽ, അതിലേറെ ഭംഗിയുള്ള ഈ ആഭരണങ്ങൾ തീർക്കാൻ സാധിക്കും. കേരളത്തിൽ ഇപ്പോൾ ഒരു പവന് 42000 രൂപയിലധികം വിലയുണ്ട്

എന്റെ സ്വന്തം #pureallurebride കല്യാണി, (ഇപ്പോൾ എന്റെ നാത്തൂൻ) പുതിയതായി എന്തെങ്കിലും പരീക്ഷിക്കാൻ എന്നെ പ്രേരിപ്പിക്കുകയും, എന്റെ കലാപരമായ കഴിവുകൾ പരീക്ഷിക്കാൻ എല്ലാ സ്വാതന്ത്ര്യവും നൽകുകയും ചെയ്തു. കല്യാണിക്കൊപ്പം പ്രവർത്തിക്കുന്നതിൽ തികഞ്ഞ സന്തോഷം എന്ന് മൃദുല