താൻ പോടോ; വിവാഹമോചന ഫോട്ടോഷൂട്ട് നടത്തി സീരിയൽ നടി ശാലിനി

ഭർത്താവുമായി വിവാഹമോചനം നേടിയ ശേഷം ഡിവോഴ്സ് ഫോട്ടോഷൂട്ടുമായി തമിഴ് സീരിയൽ താരം ശാലിനി (Actor Shalini). 'ജീവിതത്തിൽ 99 പ്രശ്നങ്ങൾ ഉണ്ടാവും, അതിലൊന്ന് ഭർത്താവല്ല' എന്ന് ഒരു ഫോട്ടോഷൂട്ട് ചിത്രത്തിൽ പറയുന്നു. ശാലിനി ഒരു പറ്റം ചിത്രങ്ങൾ പോസ്റ്റ് ചെയ്തിട്ടുണ്ട്. ഭർത്താവുമൊത്തുള്ള ചിത്രം വലിച്ചുകീറുകയും, ചില്ലിട്ട മറ്റൊരു ചിത്രം കാലുകൊണ്ട് ചവിട്ടി മെതിക്കുകയുമാണിവർ

'മുള്ളും മലരും' എന്ന തമിഴ് സീരിയലിലൂടെ ശ്രദ്ധ നേടിയ താരമാണ് ശാലിനി. താൻ കരുത്തയായ ഒരു സിംഗിൾ മദർ കൂടിയാണ് എന്ന് ശാലിനി തെളിയിക്കാൻ ശ്രമിക്കുന്നു. ഇവർക്ക് ഒരു മകളുണ്ട്. സ്റ്റൈലിഷ് ചിത്രങ്ങളുമായാണ് ശാലിനിയുടെ ഫോട്ടോഷൂട്ട് (തുടർന്ന് വായിക്കുക)

ചുവപ്പു നിറമുള്ള റെഡ് സ്ലിറ്റ് ഡ്രസ്സ് ആണ് ശാലിനി ധരിച്ചത്. ഡിവോഴ്സ് എന്ന ഇംഗ്ലീഷ് വാക്കിലെ ഓരോ അക്ഷരങ്ങൾ മാല പോലെ കോർത്തു കയ്യിൽ പിടിച്ചിരിക്കുന്നതും കാണാം. പ്രയാസകരമായ വിവാഹ ജീവിതം അവസാനിപ്പിക്കുന്നതാണ് നല്ലതെന്ന് ശാലിനിയുടെ വാക്കുകൾ

ഇൻസ്റഗ്രാമിലാണ് ഇവർ ഈ ചിത്രങ്ങൾ പോസ്റ്റ് ചെയ്തത്. “ശബ്ദമില്ലെന്നു തോന്നുന്നവർക്ക് വിവാഹമോചിതയായ സ്ത്രീയുടെ സന്ദേശം. ഒരു മോശം ദാമ്പത്യം ഉപേക്ഷിക്കുന്നതിൽ തെറ്റില്ല. സന്തോഷവതിയായിരിക്കാൻ അർഹതയുള്ളതിനാൽ നിങ്ങൾ നിങ്ങളുടെ ജീവിതത്തിന്റെ നിയന്ത്രണം ഏറ്റെടുക്കുക, നിങ്ങൾക്കും നിങ്ങളുടെ കുട്ടികൾക്കും മികച്ച ഭാവി സൃഷ്ടിക്കാൻ ആവശ്യമായ മാറ്റങ്ങൾ വരുത്തുക...

വിവാഹമോചനം ഒരു പരാജയമല്ല! ഇത് നിങ്ങൾക്കുള്ള ഒരു വഴിത്തിരിവാണ്, നിങ്ങളുടെ ജീവിതത്തിൽ നല്ല മാറ്റങ്ങൾ കൊണ്ടുവരാൻ. വിവാഹ ജീവിതം ഉപേക്ഷിച്ച് ഒറ്റയ്ക്ക് നിൽക്കാൻ വളരെയധികം ധൈര്യം ആവശ്യമാണ്...

എല്ലാ ധൈര്യശാലികൾക്കും ഞാൻ ഇത് സമർപ്പിക്കുന്നു, ”ശാലിനിയുടെ പ്രൊഫൈലിൽ പങ്കിട്ട ഒരു പോസ്റ്റിന്റെ അടിക്കുറിപ്പ് ഇങ്ങനെയായിരുന്നു

പോസ്റ്റുകൾക്ക് നിരവധി പ്രതികരണങ്ങളും ആയിരക്കണക്കിന് ലൈക്കുകളും ലഭിച്ചു. വിവാഹമോചനത്തിനു മുന്നിൽ ധീരയായി നിലകൊള്ളുന്ന ശാലിനിയെ അഭിനന്ദിക്കാനും ആളുകൾ അമാന്തിച്ചില്ല

ഈ ആശയം മറ്റുള്ളവർക്ക് പ്രചോദനമാകേണ്ട ഒന്നാണെന്നും പലരും അഭിപ്രായപ്പെടുന്നു