Naga Chaithanya | സമാന്തയുമായി പിരിഞ്ഞ നാഗ ചൈതന്യയുടെ കാമുകി മലയാള ചലച്ചിത്ര നായിക എന്ന് സൂചന

നാഗ ചൈതന്യ (Naga Chaitanya) സാമന്ത റൂത്ത് പ്രഭുവിൽ (Samantha Ruth Prabhu) നിന്ന് വേർപിരിഞ്ഞ ശേഷം തന്റെ ജീവിതത്തിൽ ഒരു ചലച്ചിത്ര നടിയുമായി പ്രണയത്തിലെന്ന് സൂചന. ചൈതന്യയും സാമന്തയും വേർപിരിയുകയാണെന്ന് പ്രഖ്യാപിച്ച് എട്ട് മാസത്തിന് ശേഷമാണ് ചൈതന്യയുടെ പുതിയ കാമുകിയെക്കുറിച്ചുള്ള വാർത്ത വരുന്നത്

ചൈതന്യയും സാമന്തയും വിവാഹിതരായിട്ട് നാല് വർഷം തികഞ്ഞ വേളയിലാണ് അവർ വേർപിരിയൽ പ്രഖ്യാപിക്കുന്നത്. സോഷ്യൽ മീഡിയ ഹാൻഡിലുകളിൽ നിന്ന് ചൈതന്യയുടെ കുടുംബപ്പേരായ അക്കിനേനി എന്ന പേര് സാമന്ത ഒഴിവാക്കിയതിന് ശേഷമാണ് അവരുടെ വേർപിരിയലിനെക്കുറിച്ചുള്ള അഭ്യൂഹങ്ങൾ ആരംഭിച്ചത്. മലയാള സിനിമയിൽ പരിചിതയായ നായികയുമായാണ് നാഗ ചൈതന്യ പ്രണയത്തിലെന്ന് റിപ്പോർട്ടിൽ പരാമർശിക്കുന്നു (തുടർന്ന് വായിക്കുക)

ദുൽഖർ സൽമാന്റെ നായികാ വേഷം ചെയ്ത താരത്തെ പ്രേക്ഷകർക്കും പരിചയമുണ്ടാവും. മൂത്തോണിൽ ശ്രദ്ധേയ കഥാപാത്രവും ചെയ്തിരുന്ന ശോഭിത ധൂലിപാലയുമായി ചൈതന്യ ഡേറ്റിംഗിലാണ് എന്നാണു പുറത്തുവരുന്ന വാർത്ത

പിങ്ക് വില്ല റിപ്പോർട്ട് അനുസരിച്ച്, ചൈതന്യയും ശോഭിതയും നടന്റെ പുതിയ വീട്ടിൽ ഒന്നിച്ചു കാണപ്പെട്ടത്രേ. ഇരുവരും പരസ്പര സാമീപ്യം വളരെ ആസ്വദിക്കുന്നുമുണ്ടത്രെ. “നാഗ ചൈതന്യ നടിക്ക് തന്റെ വലിയ വീട് പരിചയപ്പെടുത്തി നൽകുകയായിരുന്നു. കുറച്ച് മണിക്കൂറുകൾക്ക് ശേഷം അവർ ഒരേ കാറിൽ ഒരുമിച്ച് പോയി, ” റിപ്പോർട്ടിൽ രേഖപ്പെടുത്തി

“തന്റെ ഏറ്റവും പുതിയ ചിത്രമായ മേജറിന്റെ പ്രമോഷനുകൾക്കായി ശോഭിത ധൂലിപാല താമസിച്ചിരുന്ന അതേ ഹോട്ടലിൽ വച്ചാണ് ചൈതന്യയെ ഒന്നിലധികം തവണ കണ്ടത്...

അവർ അടുത്തിടെ ഹൈദരാബാദിൽ തന്റെ 'അടുത്ത ചങ്ങാതിമാരോടൊപ്പം' ജന്മദിനം ആഘോഷിച്ചു എന്നും റിപ്പോർട്ടിൽ പരാമർശമുണ്ട്. ഇക്കാര്യത്തിൽ ചൈതന്യയും ശോഭിതയും ഇതുവരെ പ്രതികരിച്ചിട്ടില്ല