Namitha Pramod | ജീവിതത്തിലെ നിർണായക ചുവടുവയ്പ്പ്; വരാൻ പോകുന്നു എന്ന് നമിത പറഞ്ഞ വിശേഷം ഇതാ

ഒരുപിടി നല്ല കുടുംബ ചിത്രങ്ങളിലെ നായികാവേഷം ചെയ്ത് മലയാളികളുടെ മനംകവർന്ന താരമാണ് നമിത പ്രമോദ് (Namitha Pramod). സൗണ്ട് തോമ, വിക്രമാദിത്യൻ, അടി കപ്യാരെ കൂട്ടമണി, അമർ അക്ബർ അന്തോണി തുടങ്ങിയ സിനിമകളിലെ നമിതയുടെ വേഷം ശ്രദ്ധ നേടിയിരുന്നു. ഒ.ടി.ടി. യുഗത്തിലും നമിതയുടെ ചിത്രങ്ങൾ മലയാളി പ്രേക്ഷകരെ തേടിയെത്തി

അച്ഛന്റെയും അമ്മയുടെയും നടുവിൽ നിന്നുകൊണ്ടുള്ള ചിത്രങ്ങൾ നമിത കുറച്ചു ദിവസങ്ങൾക്കു മുൻപ് പോസ്റ്റ് ചെയ്തിരുന്നു. ജീവിതത്തിൽ ഒരു നിർണ്ണായക തീരുമാനത്തിന് മുന്നോടിയായിരുന്നു പാതിയടഞ്ഞ വാതിലുകൾക്ക് മുന്നിൽ നിന്നുകൊണ്ടുള്ള ചിത്രങ്ങൾ. ഇപ്പോൾ ആ വിശേഷം എന്തെന്നും നമിത പറയുന്നു (തുടർന്ന് വായിക്കുക)

സഹോദരി അഖിത വിദേശ പഠനത്തിന് പോയതിനു ശേഷം ഇപ്പോൾ നമിതയും അച്ഛനമ്മമാരും മാത്രമാണ് വീട്ടിലുള്ളത്. എന്തായാലും ഇവർ മൂന്നുപേരും ചേർന്ന് സിനിമ പോലെത്തന്നെ വെല്ലുവിളിയും ആനന്ദവും നിറഞ്ഞ മറ്റൊരു സംരംഭത്തിന്റെ ആരംഭത്തിലാണ്

കൊച്ചി പനമ്പിള്ളി നഗറിൽ ഒരു പുതിയ റെസ്റ്റോ-കഫേയ്ക്ക് തുടക്കം കുറിക്കുകയാണ് നമിത. ജീവിതത്തിലെ നിർണായക ചുവടുവയ്പ്പ് എന്നാണ് നമിത ഇതിനെ വിശേഷിപ്പിക്കുന്നത്

നമിതയ്ക്ക് ആശംസാ പ്രവാഹവുമായി സഹപ്രവർത്തകരും സുഹൃത്തുക്കളും എത്തി. ഐശ്വര്യ ലക്ഷ്മി, അനു സിതാര, ശ്രിന്ദാ, കവിത നായർ തുടങ്ങിയവർ കമന്റ് ചെയ്തവരിൽ ഉൾപ്പെടുന്നു

അഭിനയത്തിൽ വന്ന ശേഷം രുചികരമായ ഭക്ഷണം വിളമ്പുന്ന ബിസിനസിലേക്ക് കടന്ന താരങ്ങൾ മലയാളത്തിലും അന്യഭാഷകളിലും ഒട്ടേറെയുണ്ട്. ഇവരുടെ ബ്രാൻഡുകൾ ജനപ്രീതി നേടുകയും ചെയ്തിട്ടുണ്ട്

'ഈശോ' ആണ് നമിതയുടേതായി റിലീസ് ചെയ്ത ഏറ്റവും പുതിയ ചിത്രം. ഇനി ആറോളം ചിത്രം നമിതയുടേതായി പുറത്തുവരാനുണ്ട്