ഒരിക്കൽ പൃഥ്വിരാജിന്റെ കണ്ണുനിറയിച്ച രംഗത്തിലെ ബാലതാരം; ഇത് കിടിലൻ മേക്കോവർ

പ്രേക്ഷകർക്ക് നല്ല പരിചയമുള്ള താരങ്ങളുടെ മക്കളായോ അവരുടെ കൈപിടിച്ചോ ഒക്കെയായി സ്‌ക്രീനിൽ വരുന്നവരാണ് ബാല താരങ്ങൾ. കണ്ണടച്ച് തുറക്കും മുൻപേ ഇവർ വളർന്നു വലുതായി നായികാ, നായക വേഷങ്ങൾ ചെയ്യുമ്പോൾ, കാലമെത്ര മുന്നോട്ടു പോയി എന്ന് കാണികൾ ചിന്തിക്കും. ബേബി ശാലിനി മുതൽ മഞ്ജിമയും അനിഖയും വരെ എത്രയെത്രപേർ അങ്ങനെ കണ്മുന്നിലൂടെ കടന്നുപോയിരിക്കുന്നു

അത്തമൊരാളുടെ മേക്കോവറാണിത്. ഈ മുഖം പ്രേക്ഷകർ ശ്രദ്ധിക്കാൻ ആരംഭിച്ചിട്ട് കൃത്യം 10 വർഷങ്ങൾ പിന്നിട്ടു. ഒരൊറ്റ രംഗമാണ് അന്ന് ഓമനത്തമുള്ള കുട്ടിയുടെ മുഖം ബിഗ് സ്‌ക്രീനിൽ അവതരിപ്പിച്ചത്. പൃഥ്വിരാജിന്റെ കണ്ണുനനഞ്ഞ ആ രംഗം ആരും മറക്കാനിടയില്ല (തുടർന്ന് വായിക്കുക)

'അയാളും ഞാനും' എന്ന സിനിമ സ്‌ക്രീനിൽ എത്തിയത് 2012ൽ. ഒരു പതിറ്റാണ്ടിനിപ്പുറം അന്ന് കണ്ട കുട്ടിയുടെ മുഖം പലരും ഇപ്പോഴും മനസ്സിൽ സൂക്ഷിക്കുന്നുണ്ടാവും

കലാഭവൻ മണി അവതരിപ്പിച്ച പോലീസുകാരൻ കഥാപാത്രം പുരുഷോത്തമന്റെ അസുഖബാധിതയായ മകളെ ഓർക്കുന്നോ? ചികിത്സ നിഷേധിച്ചതിന്റെ പശ്ചാത്താപത്തിൽ ഒടുവിൽ ഡോ: രവി തരകൻ എന്ന പൃഥ്വിരാജ് കഥാപാത്രം സ്കൂൾ വിദ്യാർത്ഥിനിയായ കുഞ്ഞിന്റെ മുഖത്തേക്ക് കണ്ണുനിറഞ്ഞുകൊണ്ടു നോക്കുന്ന നോട്ടം  മറക്കാൻ സാധിക്കുമോ?

അന്ന് ആ വേഷം ചെയ്ത നന്ദന വർമയാണിത്. പിന്നീടുള്ള ചില സിനിമകളിലും നന്ദന വേഷമിട്ടു. ക്രോക്കടിൽ ലവ് സ്റ്റോറി, 1983, റിംഗ് മാസ്റ്റർ, ലൈഫ് ഓഫ് ജോസൂട്ടി, മിലി തുടങ്ങിയ സിനിമകളിലും അഭിനയിച്ചു. ഗപ്പിയിലെ ആമിന എന്ന കഥാപാത്രത്തിലൂടെ ശ്രദ്ധ നേടി

പോളേട്ടന്റെ വീട്, ആകാശമിട്ടായി, മഴയത്ത് എന്നീ ചിത്രങ്ങളിലും സൺഡേ ഹോളിഡേ, മൊഹബത്തിൻ കുഞ്ഞബ്ദുള്ള, അഞ്ചാം പാതിരാ എന്നീ സിനിമകളിലും നന്ദനയെക്കണ്ടു

'അയാളും ഞാനും' സിനിമയിലെ നന്ദനയുടെയും പൃഥ്വിരാജിന്റേയും രംഗം