Narain | വിവാഹത്തിന്റെ 15-ാം വർഷം പിറന്ന കൺമണിയെ പരിചയപ്പെടുത്തി നരേൻ

വിവാഹജീവിതത്തിന്റെ 15-ാം വർഷത്തിൽ രണ്ടാമത്തെ കൺമണിയെ വരവേറ്റ് നടൻ നരെയ്‌നും (actor Narain) ഭാര്യ മഞ്ജുവും. ഏതാനും മാസങ്ങൾക്കു മുൻപാണ് ഭാര്യ രണ്ടാമതും ഗർഭിണിയെന്ന വിശേഷം നരെയ്ൻ ഇൻസ്റ്റഗ്രാം പോസ്റ്റിൽ പങ്കിട്ടത്. ഇളയ കുഞ്ഞിന്റെ കൈവിരൽ ചിത്രം പോസ്റ്റ് ചെയ്താണ് സന്തോഷ വാർത്ത നരെയ്ൻ ആരാധകലോകത്തെ അറിയിച്ചത്. ദമ്പതികളുടെ മൂത്തമകൾക്കൊപ്പമുള്ള ചിത്രങ്ങളും പോസ്റ്റ് ചെയ്തിരുന്നു

തന്മയ എന്നാണ് മൂത്ത മകളുടെ പേര്. ടി.വി. അവതാരകയായിരുന്ന മഞ്ജുവും നരെയ്‌നും തമ്മിൽ പ്രണയ വിവാഹമായിരുന്നു (തുടർന്ന് വായിക്കുക)

രണ്ടാമതായി തങ്ങൾക്കൊരു മകൻ ജനിച്ചു എന്ന് നരെയ്ൻ കുറിച്ചു. മീര ജാസ്മിൻ, ഷറഫുദീൻ, പ്രിയങ്ക നായർ, സംവൃത സുനിൽ തുടങ്ങിയവർ ഇവർക്ക് ആശംസകളുമായി കമന്റ് ചെയ്തിട്ടുണ്ട്. ജയസൂര്യ, ആസിഫ് അലി, അനുശ്രീ, വിജയ് യേശുദാസ് എന്നിവർ പോസ്റ്റ് ലൈക്ക് ചെയ്തിട്ടുമുണ്ട്

പോയ വാരം നരെയ്‌ന്റെ ബഹുഭാഷാ ചിത്രം 'അദൃശ്യം' റിലീസ് ചെയ്തിരുന്നു. നന്ദ എന്നാണ് നരെയ്‌ന്റെ കഥാപാത്രത്തിന് പേര്. ജോജു ജോർജ്, ഷറഫുദീൻ എന്നിവരാണ് മറ്റു പ്രധാനവേഷങ്ങൾ ചെയ്തത്

പ്രെഗ്നൻസി ടെസ്റ്റിന്റെ ചിത്രവുമായി നരെയ്‌നും മഞ്ജുവും ക്യാമറയ്ക്കു മുന്നിൽ

നരെയ്ൻ നായകവേഷം ചെയ്ത 'അദൃശ്യം' സിനിമയുടെ പോസ്റ്റർ