Navya Nair | 'എന്റെ കുഞ്ഞിന്റെ പിറന്നാൾ'; സകുടുംബം നവ്യ നായർ

മകൻ സായ് കൃഷ്ണയുടെ 12-ാം ജന്മദിനം സകുടുംബം കെങ്കേമമാക്കി നടി നവ്യ നായർ (Navya Nair). ഭർത്താവ് സന്തോഷ് മേനോൻ, നവ്യയുടെയും ഭർത്താവിന്റെയും അമ്മമാർ, ബന്ധുക്കൾ എന്നിവരെ ഫോട്ടോയിൽ കാണാം. മകന് അച്ഛനും അമ്മയും ചേർന്ന് പിറന്നാൾ മധുരം നൽകുന്ന വീഡിയോ നവ്യ ഇൻസ്റ്റഗ്രാം സ്റ്റോറിയായി പോസ്റ്റ് ചെയ്തിട്ടുമുണ്ട്

ചിത്രങ്ങൾ ഇനിയും ഉണ്ടാവും എന്നും നവ്യ പറഞ്ഞിട്ടുണ്ട്. നവ്യയുടെ അമ്മയും അമ്മായിയമ്മയും അവരുടെ കൊച്ചുമകൻ സായ് കൃഷ്ണയ്ക്കൊപ്പം. ജാപ്പനീസ് മാംഗ സീരീസിലെ നാരുട്ടോ തീമിലാണ് പിറന്നാൾ കേക്കും മറ്റും അണിയിച്ചൊരുക്കിയത് (തുടർന്ന് വായിക്കുക)

ബിസിനസ്സുകാരനായ ഭർത്താവ് സന്തോഷ് മേനോൻ നവ്യയുടെ ചിത്രങ്ങളിൽ പ്രത്യക്ഷപെടാത്തത് നവ്യക്ക് പലപ്പോഴും സോഷ്യൽ മീഡിയയിൽ പൊല്ലാപ്പ് സൃഷ്‌ടിച്ചിട്ടുണ്ട്. ഇക്കുറി മകന്റെ പിറന്നാളിന് തിരക്ക് മാറ്റിവച്ച് എത്തിയതോടെ ആ പരിഭവം മാറിക്കഴിയും

സായ് കൃഷ്ണയുടെ പിറന്നാൾ കേക്ക് മുറിക്കൽ ചടങ്ങിന്റെ വീഡിയോ ദൃശ്യത്തിൽ നിന്നും

മകന് ജന്മദിന സമ്മാനമായി ലഭിച്ച പുതിയ റിസ്റ്റ് ബാൻഡിന്റെ ചിത്രവും നവ്യ പോസ്റ്റ് ചെയ്തു. റിമി ടോമി, മന്യ, ലക്ഷ്മി നക്ഷത്ര തുടങ്ങിയവർ സായ് കൃഷ്ണയ്ക്ക് പോസ്റ്റിനു താഴെ കമന്റുകളിലൂടെ ആശംസ അറിയിച്ചിട്ടുണ്ട്

മകന്റെ കാര്യത്തിൽ നവ്യ അതീവ ശ്രദ്ധാലുവാണ്. ഷൂട്ടിങ്ങുള്ള ദിവസങ്ങളിൽ മകന്റെ പഠനത്തിനുള്ള ടൈംടേബിൾ മുൻകൂട്ടി തയാറാക്കി വച്ച ശേഷമേ നവ്യ പുറപ്പെട്ടുള്ളൂ

മകന്റെ പഠനവേളയിൽ ഒപ്പമിരിക്കുന്ന നവ്യ നായർ