എന്തായി, ലിവർ കഴുകി വൃത്തിയാക്കിയിട്ടാണോ വന്നത്? കൂട്ടുകാരുടെ ചോദ്യങ്ങൾക്ക് നവ്യ നായരുടെ മറുപടി

വളരെ രസകരമായ ട്രെയ്‌ലറുമായി നവ്യ നായരുടെ (Navya Nair) പുതിയ ചിത്രം 'ജാനകി ജാനേ' (Janaki Jaane) റിലീസിന് തയാറെടുക്കുകയാണ്. സൈജു കുറുപ്പിന്റെ (Saiju Kurup) നായികയായാണ് നവ്യയുടെ കഥാപാത്രം. നവ്യയുടെ മടങ്ങിവരവ് ചിത്രങ്ങളിൽ ഏറ്റവും പ്രേക്ഷക ശ്രദ്ധ പിടിച്ചു പറ്റാൻ സാധ്യതയുള്ള കഥാപാത്രമാണ് ഇതെന്ന സൂചന ഇപ്പോൾ തന്നെയുണ്ട്. സിനിമയുടെ പ്രൊമോഷൻ തിരക്കുകൾ ആരംഭിച്ചു കഴിഞ്ഞു

സിനിമയുടെ കാര്യം മാറ്റി നിർത്തിയാൽ, ഒരു ടി.വി. പരിപാടിയിൽ നടത്തിയ പരാമർശത്തിന് നവ്യ നായർക്ക് മേൽ ട്രോൾ വർഷം ഉണ്ടായിരുന്നു. പണ്ടുകാലങ്ങളിൽ ആന്തരികാവയവങ്ങൾ പോലും വൃത്തിയാക്കിയിരുന്ന മുനിമാർ ഉണ്ടായിരുന്നു എന്ന് എവിടെയോ വായിച്ചിരുന്നു എന്നും, തനിക്കതിന്റെ ആധികാരികതയെ കുറിച്ച് അറിവില്ല എന്നുമായിരുന്നു നവ്യയുടെ പരാമർശം (തുടർന്ന് വായിക്കുക)

നടൻ മുകേഷ് ആയിരുന്നു നവ്യക്കൊപ്പം പാനലിൽ ഉണ്ടായിരുന്ന മറ്റൊരു താരം. രാത്രി സെക്കന്റ് ഷോ കഴിഞ്ഞുവരുന്ന വേളയിൽ താൻ അങ്ങനെ കണ്ടിട്ടുണ്ട് എന്ന് മുകേഷിന്റെ കൗണ്ടർ ഉടനെയുണ്ടായി. ഇത് പിന്നെ ട്രോളന്മാർക്ക് ചാകരയായി മാറി

ഇപ്പൊ പുറത്തേക്കു പോകുമ്പോൾ ഫ്രണ്ട്സ് ആയി ട്രോളർമാരുടെ സ്ഥാനത്ത്. 'എന്തായി, ലിവർ ഒക്കെ കഴുകി വൃത്തിയാക്കിയിട്ടാണോ വന്നത്' എന്ന് ചോദ്യമുണ്ടാവും. നവ്യ അതിനു കലക്കൻ മറുപടിയും കൊടുക്കും

'മിനിയാന്ന് ലിവർ കഴുകി, ഇന്ന് ഞാൻ കുടലാണ് കഴുകിയത്' എന്ന് ഉരുളയ്ക്ക് ഉപ്പേരി പോലെ നവ്യ മറുപടി നൽകും. വെറൈറ്റി മീഡിയക്ക് നൽകിയ അഭിമുഖത്തിലാണ് നവ്യ ഈ രസകരമായ കാര്യം അവതരിപ്പിച്ചത്

മെയ് 12ന് 'ജാനകി ജാനേ' റിലീസ് ചെയ്യുന്നു. ഏറെ നാളുകൾക്കു ശേഷം അനീഷ് ഉപാസന സംവിധാനം ചെയ്യുന്ന സിനിമയാണ്. ഓഫ് സെറ്റ് പ്രെസ്സ് ജീവനക്കാരിയായ ജാനകി എന്ന കഥാപാത്രമാണ് നവ്യ അവതരിപ്പിക്കുക