മുഖ്യമന്ത്രി ആണെങ്കിലും നവ്യക്കെന്നും വിജയൻ അങ്കിൾ; പിണറായി വിജയന്റെ ജന്മദിനത്തിന് കുടുംബത്തോടൊപ്പം ചേർന്ന് താരം

സഖാവ്, മുതിർന്ന പാർട്ടി അംഗം തുടങ്ങിയ നിലകളിൽ മുഖ്യമന്ത്രി പിണറായി വിജയനെ (Chief Minister PInarayi Vijayan) വിജയേട്ടൻ എന്ന് അഭിസംബോധന ചെയ്യുന്ന നിരവധിപ്പേരുണ്ടാകും. എന്നാൽ എത്രപേർക്ക് വിജയൻ അങ്കിൾ എന്ന് വിളിക്കാൻ കഴിയും എന്ന കാര്യത്തിൽ സംശയമാണ്. വർഷങ്ങളായി അങ്ങനെ വിളിക്കുന്ന ഒരാളുണ്ട്. ആ സ്വാതന്ത്ര്യം ഉള്ളയാൾ നടി നവ്യ നായരാണ് (Navya Nair). കഴിഞ്ഞ ദിവസം അദ്ദേഹത്തിന്റെ ജന്മദിനമായിരുന്നല്ലോ

മുഖ്യമന്ത്രിക്കും അദ്ദേഹത്തിന്റെ ഭാര്യ കമലക്കും പേരക്കുട്ടിക്കും ഒപ്പം വീട്ടിൽ നിൽക്കുന്ന ചിത്രങ്ങൾ നവ്യ സോഷ്യൽ മീഡിയയിൽ പോസ്റ്റ് ചെയ്തു. 'ബഹുമാനപ്പെട്ട മുഖ്യമന്ത്രിക്ക് സന്തോഷം നിറഞ്ഞ ജന്മദിനം ആശംസിക്കുന്നു. എനിക്ക് വിജയൻ അങ്കിൾ ആണ്. ഇനിയും വർഷങ്ങളോളം ആയുരാരോഗ്യ സൗഖ്യങ്ങളോടെ ജീവിക്കട്ടെ' എന്നായിരുന്നു നവ്യയുടെ ജന്മദിനാശംസ (തുടർന്ന് വായിക്കുക)

മുൻപും നവ്യ മുഖ്യമന്ത്രിക്ക് പിറന്നാൾ ആശംസിച്ചിട്ടുണ്ട്. അദ്ദേഹം മുഖ്യമന്ത്രി ആകും മുൻപേ നവ്യയുമായി ഊഷ്മള ബന്ധം സൂക്ഷിക്കുന്ന കാര്യം മലയാളികൾക്ക് പരിചിതമാണ്. വീട്ടിൽ വാഴയിലയിൽ നോൺ വെജ് സദ്യ കഴിക്കുന്ന ചിത്രം സഹിതമാണ് നവ്യ പോസ്റ്റ് ചെയ്തത്

നവ്യ പോസ്റ്റ് ചെയ്ത മുഖ്യമന്ത്രിയുടെ പിറന്നാൾ സദ്യയുടെ ചിത്രം

രണ്ടാഴ്ച മുൻപാണ് നവ്യ നായർ നായികയായ 'ജാനകി ജാനേ' (Janaki Jaane) എന്ന ചിത്രം റിലീസ് ചെയ്തത്. സൈജു കുറുപ്പാണ് നായകൻ. ഒരു സമ്പൂർണ ഫാമിലി ചിത്രമായാണ് 'ജാനകി ജാനേ' പുറത്തിറങ്ങിയത്. സംവിധായകനും ഫോട്ടോഗ്രാഫറുമായ അനീഷ് ഉപാസനയാണ് ഈ ചിത്രത്തിന്റെ സംവിധായകൻ

സിനിമയുടെ റിലീസിന് ശേഷം നവ്യ അച്ഛനമ്മമാർക്കും മകൻ സായി കൃഷ്ണയ്ക്കും ഒപ്പം വിദേശ ടൂറിനു പോയിരുന്നു. മികച്ച പ്രേക്ഷകാഭിപ്രായം നേടിയ ചിത്രമാണ് 'ജാനകി ജാനേ'