'ഫെമിനിസ്റ്റാവരുത് ആളുകള്‍ വെറുക്കും'; റിമക്കും രമ്യക്കുമൊപ്പമുള്ള ചിത്രത്തിന് ആരാധകന്‍റെ കമന്‍റ്; നവ്യയുടെ കിടിലൻ മറുപടി

ഇടവേളയ്ക്കു ശേഷം വീണ്ടും സിനിമയില്‍ സജീവമാവുകയാണ് നവ്യ നായര്‍. വികെ പ്രകാശ് സംവിധാനം ചെയ്യുന്ന ഒരുത്തിയിലൂടെയാണ് താരം മടങ്ങിവരുന്നത്. സമൂഹ മാധ്യമങ്ങളിൽ താരം സജീവമാണ്

കഴിഞ്ഞ ദിവസം നടിമാരായ റിമ കല്ലിങ്കലിനും രമ്യ നമ്പീശനും ഒപ്പമുള്ള ചിത്രം താരം പങ്കുവെച്ചിരുന്നു. നീണ്ടനാളുകള്‍ക്ക് ശേഷം ഇരുവരേയും കാണാന്‍ സാധിച്ചതിന്റെ സന്തോഷം പങ്കുവെച്ചുകൊണ്ടായിരുന്നു നവ്യയുടെ കുറിപ്പ്. എന്നാല്‍ ഫോട്ടോക്ക് പിന്നാലെ ഇപ്പോൾ വൈറലാവുന്നത് അതിന് താഴെ വന്ന ഒരു കമന്റാണ്.

ചിത്രത്തിന് താഴെ ഫെമിനിസ്റ്റ് ആവരുതെന്ന ഉപദേശവുമായാണ് ഒരു ആരാധകന്‍ എത്തിയത്. ഫെമിനിസ്റ്റ് ആവരുതെന്നും ആളുകള്‍ വെറുക്കുമെന്നുമാണ് ഇയാള്‍ കുറിച്ചത്.

ആരാധകന്‍റെ കമന്റിന് കിടിലൻ മറുപടിയാണ് നവ്യ നല്‍കിയത്. 'അങ്ങനെ ഒക്കെ പറയാമോ, ചെലോര്‍ടേത് റെഡിയാകും ചെലോര്‍ടേത് റെ‍ഡിയാകില്ല. എന്റേത് റെഡിയായില്ല' എന്നാണ് താരം കുറിച്ചത്.രസകരമായ കുറിപ്പിനൊപ്പമാണ് നവ്യ സിനിമാ സുഹ‌ൃത്തുക്കള്‍ക്കൊപ്പമുള്ള ചിത്രങ്ങള്‍ പങ്കുവെച്ചത്.

നീണ്ട ഇടവേളയ്‌ക്കു ശേഷം നവ്യ നായർ മലയാള സിനിമയിൽ മടങ്ങിയെത്തുന്ന ചിത്രമാണ് 'ഒരുത്തീ'. ബെൻസി നാസർ നിർമിക്കുന്ന ചിത്രം സംവിധാനം ചെയ്തത് വി.കെ. പ്രകാശ് ആണ്.