Manjima Mohan | കണ്ടോ, മഞ്ജിമയ്ക്കും ഗൗതമിനും നയൻസും വിക്കിയും നൽകിയ സമ്മാനം?

വധു മലയാളക്കരയിൽ നിന്നും, വരൻ ചെന്തമിഴിന്റെ സ്വന്തം പുത്രൻ. ഈ വിധം സിനിമാ ലോകത്ത് അടുത്തിടെ അരങ്ങേറിയ വിവാഹങ്ങളിലെ വധുവായ താരങ്ങളാണ് നയൻതാരയും (Nayanthara) മഞ്ജിമയും (Manjima Mohan). തിരുവല്ലാക്കാരിയായ നയൻസ് സിനിമയിൽ ലേഡി സൂപ്പർസ്റ്റാർ പട്ടത്തിലേക്കുയർന്നത് തമിഴിൽ നിന്നുമായിരുന്നു. ഒരു മലയാള ചിത്രത്തിൽ നായികാവേഷം ചെയ്ത ശേഷം മഞ്ജിമയും അന്യഭാഷയിലേക്കു ചേക്കേറി

മറുനാടിന്റെ മരുമകളാവാൻ ഇരുവർക്കും ഭാഗ്യമുണ്ടായി എന്നത് തീർത്തും യാദൃശ്ചികം. മുതിർന്ന നടൻ കാർത്തിക്കിന്റെ മകൻ ഗൗതം കാർത്തിക്കാണ് മഞ്ജിമയ്ക്ക് താലിചാർത്തിയത്. അതിനു തൊട്ടുമുൻപ് ആരാധക-സിനിമാ ലോകങ്ങൾ കൊട്ടിഘോഷിച്ച വിവാഹച്ചടങ്ങിൽ തിളങ്ങിയവരാണ് നയൻ‌താരയും ഭർത്താവ് വിഗ്നേഷ് ശിവനും. പുതിയ താര ദമ്പതികൾക്ക് സമ്മാനമയച്ചിരിക്കുകയാണ് നയനും വിക്കിയും (തുടർന്ന് വായിക്കുക)

വിവാഹ ചടങ്ങിൽ കണ്ടില്ലെങ്കിലും നയൻതാരയും വിഗ്നേഷും എന്നപോലെ ഒട്ടേറെ താരങ്ങൾ ഇവർക്ക് ആശംസ അറിയിച്ചിരുന്നു. മഞ്ജിമയുടെ ഇൻസ്റ്റഗ്രാം സ്റ്റോറിയിൽ കഴിഞ്ഞ ദിവസമാണ് ഈ സമ്മാനം പ്രത്യക്ഷപ്പെട്ടത്

തീർത്തും ലളിതമായ വിവാഹച്ചടങ്ങായിരുന്നു മഞ്ജിമയുടെയും ഗൗതമിന്റെയും. ചടങ്ങിലും വേഷവിധാനങ്ങളിലും വരെ അത് തെളിഞ്ഞ് നിന്നു. അത് മനസ്സിലാക്കിയെന്നോണമാണ് നയൻ‌താര നൽകിയ സമ്മാനവും. തീർത്തും ലളിതം

ആദ്യംകാണുക നീല മഷിയിൽ കൈപ്പടയിൽ എഴുതിയ ഒരു കുറിപ്പാണ്. ജീവിതകാലം മുഴുവൻ നീണ്ടുനിൽക്കുന്ന സന്തോഷം നിറഞ്ഞ ദാമ്പത്യം നേരുകയാണ് നയൻതാരയും വിക്കിയും. അതിനടുത്തായി കടുംനീല നിറത്തിൽ ഒരു ബോക്സ് കാണാം. ഒപ്പം ഒരു കൂടയിൽ റോസാപ്പൂവ് ഉൾപ്പെടെയുള്ള പൂക്കളും

ബോക്സിന്റെ മുകളിൽ moonbakes.co എന്ന് കാണാം. ഇത് തമിഴ്നാട്ടിലെ നുങ്കമ്പക്കത്തെ ഒരു പലഹാരക്കടയാണ്. കേക്കുകൾ ഉൾപ്പെടെയുള്ള മധുരപലഹാരങ്ങൾക്ക് ഭക്ഷണപ്രിയർ തേടിയെത്തുന്ന സ്ഥലമാണിത്. ചിത്രത്തിൽ ഉൾപ്പെടുത്തിയിട്ടുള്ളതിനാൽ, ഇതും നയൻസും വിക്കിയും സമ്മാനിച്ചതാവാനാണ് സാധ്യത

കല്യാണത്തിന് ഐവറി നിറത്തിലെ പരമ്പരാഗത സാരിയാണ് മഞ്ജിമ ചുറ്റിയത്. കഴുത്തിൽ ആഭരണമായി ഒരു സ്വർണ്ണ നെക്‌ളേസ്‌ മാത്രം. വരനും അതുപോലെ തന്നെ. പരമ്പരാഗത മുണ്ടും ഷർട്ടുമായിരുന്നു വേഷം

മൂന്നു വർഷത്തെ പ്രണയമാണ് മഞ്ജിമ- ഗൗതം വിവാഹത്തിൽ എത്തിയത്. 2019-ൽ ദേവരാട്ടത്തിന്റെ സെറ്റിൽ വെച്ചാണ് ഗൗതം കാർത്തിക്കും മഞ്ജിമ മോഹനും ആദ്യമായി കണ്ടുമുട്ടിയത്

മഞ്ജിമയ്ക്കും ഗൗതമിനും നയൻസും വിക്കിയും അയച്ച സമ്മാനപ്പൊതി