Nayanthara | നെറുകയിൽ സിന്ദൂരം ചാർത്തി നയൻ‌താര, വെള്ളക്കുപ്പായമിട്ട് ഉയിരും ഉലകവും അച്ഛന്റെ നെഞ്ചിൽ; വിക്കിയുടെ പൊങ്കൽ ചിത്രം

കഴിഞ്ഞ ദിവസം ശബരിമലയിൽ നിന്നുകൊണ്ട് തമിഴർക്ക് പൊങ്കൽ വാഴ്ത്തുക്കൾ നേർന്നിരുന്നു തമിഴ് സംവിധായകൻ വിഗ്നേഷ് ശിവൻ (Vignesh Shivan). ഭാര്യയായി നയൻ‌താരയും (Nayanthara) മക്കളായി ഉയിരും ഉലകവും തന്റെ ജീവിതത്തിലേക്ക് കടന്നുവന്ന ശേഷമുള്ള ആദ്യ മണ്ഡലകാലമായിരുന്നു വിഗ്നേഷിനു ഇത്. ശേഷം കുടുംബത്തോടൊപ്പമുള്ള ചിത്രവും വിക്കി പോസ്റ്റ് ചെയ്തു

നെറുകയിൽ സിന്ദൂരം ചാർത്തി ഭർത്താവിനോട് ചേർന്നിരിക്കുന്ന നയൻസും, വെള്ളക്കുപ്പായമിട്ട് അച്ഛന്റെ നെഞ്ചിൽ ഒട്ടിക്കിടക്കുന്ന ഉയിരും ഉലകവുമാണ് റീലിസ് വീഡിയോ ആയി പങ്കിട്ട ചിത്രത്തിൽ. കുഞ്ഞുങ്ങളുടെ മുഖം സ്മൈലി കൊണ്ട് മറച്ചിട്ടുണ്ട് (തുടർന്ന് വായിക്കുക)

മുൻപ് ക്രിസ്തുമസിനും ഭാര്യക്കും മക്കൾക്കുമൊപ്പമുള്ള ചിത്രം വിഗ്നേഷ് പോസ്റ്റ് ചെയ്തിരുന്നു. അന്ന് കുഞ്ഞി സാന്റയായി അണിഞ്ഞൊരുങ്ങിയ മക്കളുടെ ചിത്രം സമാന രീതിയിൽ മുഖം മറച്ചുപിടിച്ചു തന്നെയാണ് വിക്കി ആരാധകർക്ക് മുന്നിൽ അവതരിപ്പിച്ചത്

ഉയിർ, ഉലകം എന്നത് ഓമനപ്പേരാണോ അതോ മക്കൾ രണ്ടുപേർക്കും ഔഗ്യോഗിക നാമം വേറെയുണ്ടോ എന്നും പലപ്പോഴായി പലരും ചോദിച്ചിട്ടുണ്ട്

ഭാര്യയും മക്കളും ചേർന്ന കുടുംബം ഉണ്ടായ ശേഷം വിക്കി ശബരിമല ദർശനം നടത്തിയിരുന്നു. അത്യന്തം ഭക്തനായ വിഗ്നേഷ് കാലിൽ ചെരുപ്പ് പോലും ധരിക്കാതെയാണ് ശബരിമലയിലേക്ക് യാത്ര തിരിച്ചത്

മക്കൾ പിറന്നു എന്ന് പ്രഖ്യാപിച്ച പോസ്റ്റിൽ കുഞ്ഞുങ്ങളുടെ കുഞ്ഞിക്കാലുകൾ ചേർത്തു പിടിച്ച് ചുംബിക്കുന്ന താരദമ്പതികളായ നയൻതാരയും വിഗ്നേഷ് ശിവനും