Nazriya Nazim | സമയമായി, എല്ലാവരുടെയും സ്നേഹവും സന്ദേശങ്ങളും മിസ് ചെയ്യും; പ്രഖ്യാപനവുമായി നസ്രിയ നസിം

നസ്രിയ നസീമിനെ (Nazriya Nazim) സ്‌ക്രീനിൽ ഒരു നോക്ക് കണ്ടാൽ അത്രയും സന്തോഷമാണ് ആരാധകർക്ക്. വിവാഹം കഴിഞ്ഞ് മടങ്ങി വന്നപ്പോഴും, അന്യഭാഷയിൽ അരങ്ങേറ്റം കുറിച്ചപ്പോഴും മലയാളത്തിൽ തന്നെ ഒരു അതിഥി വേഷം ചെയ്തപ്പോഴുമെല്ലാം പ്രേക്ഷകരുടെ ഈ സന്തോഷം ഏവരും കണ്ടതാണ്. നസ്രിയ മടങ്ങി വരാൻ എത്രവേണമെങ്കിലും കാത്തിരിക്കാൻ പോലും അവർ തയാറായി

മലയാള സിനിമയിൽ 2020ലെ 'മണിയറയിലെ അശോകൻ 'എന്ന ഒ.ടി.ടി. ചിത്രത്തിലെ അതിഥി വേഷത്തിലാണ് നസ്രിയയെ ഏറ്റവും അവസാനം പ്രേക്ഷകർ കണ്ടത്. അതിനു ശേഷം 'അന്റെ സുന്ദരനക്കി' എന്ന സിനിമയിലൂടെ തെലുങ്കിൽ അരങ്ങേറ്റം കുറിച്ചു. ഇപ്പോൾ ഒരു വമ്പൻ പ്രഖ്യാപനവുമായി നസ്രിയ എത്തുന്നു (തുടർന്ന് വായിക്കുക)

കാരണം വ്യക്തമാക്കാതെയാണ് നസ്രിയയുടെ ഏറ്റവും വലിയ പ്രഖ്യാപനം. 'സമയമായി, എല്ലാവരുടെയും സ്നേഹവും സന്ദേശങ്ങളും മിസ് ചെയ്യും' എന്ന് മാത്രം പറയുന്നു

എല്ലാ സോഷ്യൽ മീഡിയ പ്ലാറ്റ്‌ഫോമിൽ നിന്നും അവധിയെടുക്കുന്നു എന്ന് നസ്രിയ. ഉടനെ തിരികെ വരും എന്ന് വാക്ക് നൽകിയ ശേഷമാണ് പിന്മാറ്റം

വരത്തൻ, കുമ്പളങ്ങി നൈറ്റ്സ്, സി യു സൂൺ, വരാനിരിക്കുന്ന ഫഹദ് ചിത്രം എന്നിവയുടെ നിർമാണ പങ്കാളി കൂടിയാണ് നസ്രിയ. ഇൻസ്റ്റഗ്രാം പേജിൽ നസ്രിയ നിറസാന്നിധ്യമാണ്. ഇവിടെ നിന്നും ഇടവേളയെടുക്കുന്നു എന്ന് നസ്രിയ സൂചിപ്പിച്ചു കഴിഞ്ഞു

നസ്രിയ ഗർഭിണിയാണ് എന്ന തരത്തിൽ പലപ്പോഴും വാർത്തകൾ വന്നിരുന്നു. എന്നാൽ ഇക്കാര്യത്തിൽ നസ്രിയയോ ഫഹദോ പ്രതികരിച്ചിരുന്നില്ല

നസ്രിയ നസിം പോസ്റ്റ് ചെയ്ത ഇൻസ്റ്റഗ്രാം സ്റ്റാറ്റസ്